كرونيك: ❤صدفه _التقينا ❤

19

الحلقة 19
كنت قاعد نبربش حتا خرجلي فيديو فليوتوب ..
كأني نعرفها الطفلة هاذي .. بديت نشوف فيها تغني علا خشبة مسرح .. الزبل طلعلي لراص الجن الأحمر ضربني .. مفهمتش وش قاعدة دير .. الناس تشوف معاها .. وعينين الذيابا يتبعو فيها .. شفت تعليقات عرفت لي هو فيديو قديم .. بقيت نخلط شفت فيديو جديد .. صوتها سحرني مقدرتش نحبس نكذب ونقول لا ؟ قاعد نعاود فيه ونعاود حتا فقت مع روحي .. هيا علاش تحط فيديوات تاعها؟؟ ناقصها مشاكل ؟؟ وحتا كاين فئة متوحشة معجبونيش الكومونتارات تاعهم .. رميت تليفون علا جنب منحبش نشوف ..
الحاجة الوحيدة لي في مخي علاه عملت هكا ؟
مقدرتش نتقبل الفكرة حسيتها حاجة تخصني اناا مكاين حتا واحد يخمم فيها هي بالضبط ملكية تاعي ..
عديت يدي علا شعري قريب قلعتو .. وقعدت نتقلب فالفراش حتا رقدت ..
__________
صبح فطنت علا اشعة الشمس وصوت العصافير المزعج .. حطيت مخدة فوق راصي نحب نزيد نرقد بصح مكاش كيفاش لازم نقوم .. رحت ريڨلت اموري وشربت قهوة تلاقيت بيه .. جيت نقولو صباح الخير معبرنيش .. راح وخلاني ..
وقفت مبعد رجعت ليه : صباح الخير ..
جاوبني ببرود : صباح الفل ..
قلت بلاك راه مغشش من امور الخدمة رحت وخليتو .. ركبت طونوبيل ورحت نخدم ..
اول مادخلت الشريكة قابلني طارق .. في اليامات الاخرين تعرفت عليه هو انسان بزاف رائع دمو خفيف وينحي علا الخاطر ..
إلين : صباح الخير طارق
طارق : ههه صباح الزين ..ااه قصدي صباحك زين
كيفاه حتا وصلتي بكري ..
إلين : ههههههه .. يعني حبيت ندير تحديث لحياتي نولي شوي شاطرة
بقاو يضحكو .. حتا دخل للشريكة وشاف فيهم نضرة تع موت ..
أيمن : جييتو تخدموو ولا تضحكو ..
طارق هبط راصو .. اما انا بقيت نشوف معاه كأني نتحدا فيه .. بقيت نشوف في عينيه نضرة ثقة ..
أيمن : مطولة يلالة ؟
جيت رايحة وقفني : تبعييني .. وانت روح للطابق الثاني اخدم منحبش نزيد نشوفك دور هنا ..
عقدت حواجبي واستغربت من ردة فعلو بعدها نطقت : علاه يروح !! راه خدمتو هنا
أيمن حط يديه في جيبو تع سروال وقالي : أنا حبيت. يروح عندك مشكل ؟
إلين : لا معنديش .. بصح لكان هو هبط مال انا ثاني نهبط معاه ..
شاف فيا وياليتني مهدرتش.. نضرتو رعبتني رجعت نرجف وحدي .. حسيت شفافي يترعدو وحدهم .. حكمتني وجعة خفيفة في كرشي مالخوف .. لصق فيا وحط يدو علا شعري .. بعدها زير عليه حسيت شعري تقلع مالجذور ..