كرونيك: ❤صدفه _التقينا ❤

74

74
ضرب البيدون قدامو طيرو فالسما .. وهي بلعت ريقها ..
أيمن: انا حبيت وتمشي علا رغبتي حبيتي ولا كرهتي ..
إلين: لا نتا مشي ايمن لي نعرفو ..
حصرها مع الحيط .. عينيه تقدح نار ..
أيمن: ابسط حاجة كنتي قادرة تقوليلي نتي راكي رايحة ولا وين راكي رايحة اليين متقوليليش كنت مضطرة نتي غدرتيني رحتي وخليتيني مخممتيش فياا مخممتيش في حيااتك علابالك شحال عانيت ؟؟ شدلها يدها وحطها علا قلبو .. : ومزال ينض بأسمك ..
إلين تعذبت بزاف وانا كل حاجة نشوفها نتفكر نتي نتفكر عياطك وهبالك وتمسخيرك وضحكتك ..
شافت فيه وعينيه مغرغرين بالدموع ..: كنت تقولي روحي ومديرش وش درت ..
شدها من كتافها زير عليها وخضها حتا تضربت في صدرو ..
أيمن: وش درت اناا اليين ؟؟ كاش نهار مسيتك في شرفك ولا بدنك ! ساكنة معايا في نفس الدار وترقدي قدامي ونهار مخممتش نجرحك احترمتك ودرتك حاجة مقدسة في حياتي ؟ ااه وش نزيدلك ؟ تحملت هبالك وجنونك كان وحداخر راه هبل ..
هبطت راصها وهبطو دموعها .. رفدلها راصها وحط عينيه في عينيها وقالها بصوت يسحر : الين منيش نعاير فيك بلعكس انا نحبك ديما هكا انا نعشقك الين نحبك نموت عليك ..
حست روحها طايرة مالفرحة بعدت عليه وراحت تشوف فالمراية تع الصالدوبان ..
إلين: ايه نتا حر انا منحبش نتزوج بيك ..
تبسم علابالو راهي طلعلو فالسكر ..
أيمن: السنسلة وش مزالت دير في رقبتك ..
شافت فيها وجاوبت بوجيعة : نسيتها ..
أيمن: نحيها مالا ..
رفدت يدها تنحيها مقدرتش ..
إلين: منحيهاش مشي نتا تحكم فيا ..
أيمن: استعرفي لي نتي متحبينيش ..
إلين: قتلك منتزوجش بيك ..
صاح : مشيي لازم تتزوجي بيا استعرفي بلي نتي متحبينيش ..
مقدرتش تكذب عليه هي تموت عليه ..تعشقو وتتنفسو وقريب هبلت عليه .. هبطت راصها جبدها .. : هايا نروحو تتزوجي بيا وتسكتي ..
جبدت يدها بعنف وبعدت للور .. جبدت مقص
إلين: ايمن بعد ولا نقتلك ..
ضحك عليها وقدم عندها خبطت فلافابو ..
أيمن: اقتليني ..
إلين: اي..من بعد ..
حصرها : ديري وش تحبي فلاخير نتي رح تكوني ليا ..
يدها ترعش طيحت المقص ..
إلين: اي..من بعد ..
قعدها فوق لافابو ودخل بين رجليها ..
حط يدو في رقبتها يتحسس فيها وهي لحمها فيبرا .. بدا يتحسس فيها وهي كل حركة يديرها تخليها تذوب .. وجها مقابل وجهو لصقها فيه ..بلعت ريقها ترعش بين يديه ..
حط يديه في حزامها وعينيه في عينيها يشوف فيها دايخ ..