كرونيك: ❤صدفه _التقينا ❤

36

الحلقة 36
أيمن مالغش صاح : لااا يماا والله مراني علييك
إلين رفدت يدها وضربتلو تليفون طاح فالارض .. هنا خلاص رح يطرطق وجه. حمار وعينيه ولاو حمورة عروقو راح يخرجو ضربها علا الحيط راصها تضرب مع الحيط شدها من شعرها وقالها : شبييييه رب مخك صغييير هك ؟؟؟ مربااوكش واليدك وااحد كي يهدر فالتليفون لاازم تبلعي رب فمك ..
سكتت عينيها تعمرو دموع .. وجها حمار طلقها طبعاتو .. رفدت صاكها وخرجت تبكي ..
ضرب البيرو بيدو .. مبعد رفد تليفون حطو .. وراح يحوس عليها ملقاهاش .. نفخ ومرر يدو علا شعرو .. اليوم صح هبلاتو .. خرجاتو من راصو ..لعبتلو علا الاعصاب .. رجع لبيروه يخمم فيها ..
___________
من جيهة اخرى وصلت للدار لمت حوايجها كامل في فاليز وخرجت حطتها في طونوبيل تاعها وراحت ..
________
فالليل رجع للدار .. لقا الضواوي طافيين .. دخل للكوزينة لقا فطور صبح ملموم .. زاد ندم عليها .. استغرب طلع بدل حوايجو .. قعدت يستنا فيها مابانتش سماانة كاملة مكاش حس روحو بالقنطة حس حاجة ملكو تنحات عليه وبعدت .. حس بخنقة بوحش ليها توحش صوتها وعياطها وهبالها .. .
في اليوم التالي بعد غيابها اسبوع فالليل دخلت تكركر في فاليزتها لابسة شورط وبيل نص دايرة كاسكات فوق شعرها وحاكماتو كودشوفال وريحتها سابقتها .. حطت الفاليز وطلعت ديراكت دوشت حست روحها ميتة بالعيا ..
دخل بالطونوبيل لقا طونوبيلتها تبسم علا جنب .. معنتها شرفت لالة ليوم ..
دخل للدار لقا فاليزها عند الباب . رما المفاتح وطلع يلقاها خارجة تنشف في شعرها تبسمت وقاتلو: سلام ..
قعد يشوف فيها يحب ياكلها بعينيه نارو شعلت عليها توحشو هبالهم مع بعضاهم توحشو اليامات لي جوزوهم ..
أيمن : وين كنتي ؟
طلعت كتفها وقاتلو: كنت وين كنت ..
أيمن: وين كنتييي ؟
رجعت للور وقاتلو: قتلك كنت وين كنت ..
جبدها من يدها يكركر فيها : ماالا ارجعي وين كنتي ..
إلين : اااي احبس رح نجيي علا وجهي ..
صاح عليها الحيوط تهدو : ربببك اتحركييي خيرمن كشماا نعمل فييك ..
قلبها رجع يخبط بالقاوي .. هو حل الباب ورماها وغلق الباب بالمفتاح ..تصدمت مالجاست هذا .. ضربت الباب برجلها ورجعت تعيط : حللل امم البااااب حلل هاذي داارييي ..
يسمع فيها تعيط طلع وخلاها .. يحب يحرقها كيما خلاتو سمانة يتحرق وحدو من وحشو ليها وتخمامو فيها ..
راحت عيطت مكان والو .. عندهم جنينة وقعدة برا راحت تكات علا الفوتاي تخزر لسما