كرونيك: ❤صدفه _التقينا ❤

34

الحلقة 34
شافت فالبيرو بخبث لقات ستيلو فيه ريشة تبسمت رفدت الستيلو وراحت موراه وقفت علا صباعتيها وأيمن يهدر مع الراجل وهي ديرلو الريشة في رقبتو .. حك رقبتو وهي كتمت ضحكتها وكملت دغدغ فيه بالريشة .. دار ليها دارلها بيدو باش تخرج ودار يكمل يهدر .. ضحكت بالشوي ورجعت دغدغ فيه بالريشة في رقبتو ..
بعد التليفون علا وجهو وقالها بشوي : إليييين ..
ضحكت عليه ورجعت دغدغ فيه .. بعد عليها لحقاتو تديرلو الريشة في وذنو ..
غلظ صوتو وهو يهدر مع الراجل باش تفهم روحها بصح هيا بدات تضحك وكملت ..
دار ليها شدلها يدها بالقاوي شاف فيها نضرة تع موت وكمل يهدر فالتليفون وهي تحلل فيه وتقولو بالشوي ..
إلين: خلااص اطلقني والله منزيد نعاود ..
طلقها وكمل يهدر ويريڨل فالكول تع الشميز .. بات الدور مالقات مادير رفدت كاس ورماتو .. ودارت روحها تفاجأت بيه : ااااه طااح ؟؟
دار ليها قطع علا الراجل رما تليفون فالفوتاي وصاح عليها :
شبيييه ربك متقدرييش تقعدي رايضة ؟؟؟
غزرتلو بتحدي : مدليي دوزااني ونروح ..
عاود صاح عليها : منمدلكشششش هاك تحبي ؟؟ ضكاا ايا روحي كملي لعبك فالداار ..
إلين : لاا وألف لااا منروحش حتاا تعطيني جد ام دوزاني ..
شاف فيها نضرة تع موت .. واحد اعند من الاخر هو رجع قعد يخدم وهي رايحة جاية عليه وتنفخ ..
أيمن وهو غاطس راصو مع الاوراق : ينفخ عليك حنش...
إلين: الحنش يااكلك يهنيني منك ..
ضحك عليها مجنونة .. عندها مخ ولا واش ..
ضربت الارض برجلها : اااااه كرههت كرهتتت
أيمن: تقدري تروحي ..
إلين: منروحش مناا حتااا ندي جد ام دوزاني من عندك ..
أيمن: استناي مالا ..
قعدت تنفخ مبعد جبدت من عندو ورقة بيضة
وقلم رصاص ..قعدت فوق الفوتاي تربعت ..
رما عينيه لقاها عقالت .. راح يشوف وش راهي دير لقاها ترسم .. بعد صونا تليفونو كان قدامها .. راحت جبداتو وحطاتو موراها ..
راح وقف عند راصها : هاتي تليفون ..
جا ينحيهولها عملت هكا وخباتو في صدرها ..
بعدت عليه تضحك بالتسوميم : منمدلكش تليفونك حتا تمدلي الكارت ميموار والبيس تاوعي ..
أيمن : مرة اخرا هاااتي تليفون ..
عملت براصها لا وقاتلو : هاو عنديي وراني رايحة شد مد يا أيمن ..
جات خارجة جبدها من يدها حتا ترطمت فيه زير علا مرفقها : آااخر تنبييه هاتي تليفون خيرمن ندييه أنا...