كرونيك: ❤صدفه _التقينا ❤

52

الحلقة 52
ذاب فيها وهي فاقت بيه ..
إلين: ماانيش لوحة فنية باش تبحلق فيا ..
أيمن: ههههه لالا جوست لقيت صرصور يمشي في شعرك ..
وعلا كلمة صرصور بدات تسوطي وحدها وتعيط ..
إلين: ااااااععع ايمن نحيييه نحييه تعيش
ضحك عليها حتا شبع : هههه راه في شعرك ..
نحات ستيلو وبدات تنفض في شعرها .. زاد هبل بالضحك وشهق داير روحو مخلوع ..
أيمن: اا هاولييك دخل في تريكوك شو شو كيفاش يمشي..
بدات تنفض في روحها وهو مييت بالضحك مبعد رفدت راصها تشوف فيه ..
إلين: دقيقة دقيقة قولي علاش راك تضحك ؟
ضربت لارض وهو ميت بالضحك يضحك بالدموع عليها شعرها مخرب وجها مقلوب ..
أيمن: ههههه احبسي نديرو سالفي ..
جبد تليفونو جا يضغط لقاها مشنفة ..
أيمن: اضحكي ياهم متفسديش التصويرة ..
دارت ابتسامة مصطنعة تبان بلي مقلقة مات عليها وهو صور روحو يضحك .. دارو السالفي ..
قعدو ياكلو مالصحن بقات حبة ..
داها هو ..
إلين: هاات هنا علاش تحڨر ..
أيمن: لا انا حكمتها ..
إلين: نقسموها
أيمن: لطفك يارب مزاحمتني حتا في حبة فريزة ؟
إلين: اييه العدل ..
أيمن: خلاص دك ناكل ونخليلك..
إلين: هيهي تاكل اكثر مني لالا ..
أيمن: والله وعد ناكلو قد قد ..
مدت صبعها الصغير الجاست هذاك تع الوعد ..
أيمن: تع صغار هاذي 🐸
إلين: هاات يدك وسكتنا
شد ضحكتو عليها .. شدت الفريزة حطتها في فمها وهو قرب وجهو من وجها وكلا الباقي تكى يضحك
أيمن: اممم شحال حلوة ..
شافت فيه مصدومة وجها حمار قلبها رعش عجزت تتكلم وقت قرب منها حست احساس اخر وجعتها كرشها بلعت ريقها وهو كان يضحك تقول مصرا والو عقدت حواجبها ..
إلين: بعد بعد راك قريب ليا بزاف ..
أيمن: هههه وينو المشكل ..
إلين: لا خلي مسافة أمان ..
ضحك عليها : اووف علاش تضحك اوف ديجا كانت اسمط حبة ذقتها ..
فاق بلي راهي متوترة مالموقف : امم بعدما كليتيها ولات سامطة ..
شاف فيها حس بيها مرعوشة حب يكمل عليها تبسملها وقالها بصوت طيرها لعالم آخر: عندي أنا كانت أحلى حبة ممم
وجهها حمار بدات تروح علا وجها تحس فيه رح يطرطق مالسخانة وهو يضحك عليها قربلها بعدت تجري ..
إلين: غدوة نخرجو نقضيو الفريجيدار فرغ .. طلعت تجري لبيتها غلقت الباب وتكات عليه تحس في قلبها رح يخرج يخبط كي الطبال حطت يديها علا خدها تحس فيهم نار تتنفس بالقاوي وشنو هذا الإحساس رفدت يدها تروح علا وجها ..