كرونيك: ❤صدفه _التقينا ❤

21

الحلقة 21
رغم لي مكاش تفاعل بصح معليش ..
بعدت على طارق بعدما فقت علا روحي .. اصلا طارق مالضربة لولا يدخل للقلب بصح انا علاه حساتو يقربني .. تبسمت معاه وقتلو سمحلي تأثرت .. ضحك عليا كي عادتو ههه مسرار ..
_________
أيمن : ادخل ..
خدامة : سيدي كاين وحدا مش لاهية بالخدمة جملة .. ومصبح وهي تعنق وتبوس في واحد ..
هيا مع قالت كلمتها الاخيرة ضربني جن لحمر .. مقدرتش نصبر رفدت روحي وخرجت ديراكت ليها ..
خدامة : ههه الا مخرجتكش منتسماش ريم ..
_______
لحقت للباب نسمع فيهم يهدرو ..
إلين: يعطيك صحة طارق .. لوكان نتا اني مزلت حاصلة مع الخدمة ..
طارق : بلا مزية كشما خصك هاني لتحتا ..
شديت روحي لنغلط .. عديت يدي علا شعري نحب نقلعو مبلاصتو ..
إلين : عيشك خويا لعزيز ..
مع قالت خويا تبسمت علا جنب ورتاح بالي شويا .. رجعت لمكتبي عادي نكمل فخدمة لي بديتها .. تعدا لوقت جبدت تليفون نبربش ونتفكر فيها كيفاه كانت تغني .. شويا وجات عندي ..
إلين : موسيو اني كملت نجم نخرج ..
أيمن : لا .. مزال عشر دقايق ..
إلين : وين المشكل علا عشر دقايق ؟
أيمن : علا كلامك نزيدلك عشر دقايق ..
نفخت بالقاوي وخرجت .. عارفها دير لي في راصها .. اه ياربي حاب نخرجها من حياتي مقدرتش .. معلاباليش علاه القدر لاقانا صدفة كيما يفرقنا عادي .. بصح حاسها رح تغير حاجات في حياتي اما بالسلب اما بالايجاب .. بقيت سارح .. طليت مالتاقة لقيتها خارجة .. وطارق راح ليها يجري .. مدلها تليفونو .. نضن طلب منها رقم الهاتف .. نشوفو وين توصلو باها يا لالة
غلقت التاقة بالقاوي طرطقت الزجاج في كل بلاص .. رفدت مفاتح وتليفون ومشيت ..
__________
دخلت للدار .. وانا نتفكر في طارق ونضحك وحدي مالا مهبول .. ههههه .. قعدت نطيب وندندن زاهيتلي .. حتان دخل ..
طلع فدروج ضرب نص ساعة منعرف وقيل دوش كيما تبالي .. شعرو هابط عليه وكان لابس شورط وكلاكيت .. عملت روحي مشفتوش مالضربة تع عشيا احح شعري كي نتفكر ..
قرب ليا وانا بديت نذوب : وش رايك تستر روحك ..
أيمن : والا ؟
قربت ليه نمسح في يديا فالطابلية ونضحك بتسوميم : وإلا نجيبك برا ..
طلق ضحكة من اعماق قلبو : هههههههههههههه
طلعت حاجبي نشوف معاه : قلت حاجة تضحك ؟
أيمن : انتي ؟ تجيبيني برا ؟ هههههه شوفي طولك يابنتي ميترا وربع ..
إلين : ششوف يااسي بهييم .. ياإما تستر روحك يااا إماا ..