كرونيك: ❤صدفه _التقينا ❤

22

الحلقة 22
طلق ضحكة من اعماق قلبو : هههههههههههههه
طلعت حاجبي نشوف معاه : قلت حاجة تضحك ؟
أيمن : انتي ؟ تجيبيني برا ؟ هههههه شوفي طولك يابنتي ميترا وربع ..
إلين : ششوف يااسي بهييم .. ياإما تستر روحك يااا إماا ..
قاطعني كي شدلي يدي ودورهالي ..
إلين : ايي يما يديي نحيي يدك يااهامل .. ايي
يهدر ويرص علا كلامو : في بالك انا معلاباليش بخرايبك ؟؟
إلين : ايي يديي.. طلقني بعدها تكلمت : اما خرايب تحكي عليهم ؟
جبد تليفون يوريلي فالفيديو تاعي نغني والناس كل تخزرلي .. حليت عينيا بعدها شهقت وحطيت يدي علا فمي ..
أيمن : بدون قوالب بليز ..
هبطو دموعي وحدهم : والله وصدقني مانا لي حطيت فيديو .. .
أيمن : ههههه صدقتك .. اصلا انا مدخلنيش فيك ديري وش تحبي .. تي والديك محكموش فيك وخلاوك ديري رايك معندي منديرلك ..
شفتها نصدمت ملي شافتو .. حسيت كلامي قاسي عليها .. بصح باش تتربا .. اصلا تبالي مشي هيا لي حطت فيديو .. شفت معاها مرمية فالارض وتبكي بالشهقة وتردد في اسم مش مفهوم .. هبطت لمستواها نحب نعرف بالضبط شكون انس ؟
بعد شويا طبعتني وقامت .. رفدت مفاتح تع طونوبيل وخرجت .. لحقتها نجري .. شديتها ..
أيمن : ويين رايحة ياربك في نص ليل ..
تلفتتلي وجها احمر .. عينيها حمورة ومنفخين .. حتا وهي بالمنضر هذا مغرية ..
تبكي وتهدر :مشييي مدخلكش فيااا ؟؟؟ ااه ولاه دخل روحك فيا وفحياتي الشخصية سيادتك شكون فهمني ؟؟ قلي برك شكوون انت ؟؟
زادت قوات بكيتها أهئ اهئ وقاتلي : اناا وال.. والديااا لي تحكي علييهم ميتييين فهمتت .. سكتت تشوف فيا وعينيها يسيلو فدموع .. كل كلمة تقولها نحسها سهم ينغرس في أحشائي .. قناصة الكلمات .. غاضتني بزاف وندمت علا الدقيقة لي هدرت فيها .. مررت يدي علا شعري نحب نقلعو .. رحت جبدت تريكو ورفدت مفاتح نلبس فالتريكو فالطريق المهم متبعدش .. بقيت نتبع فيها وين ماشية. .. حبست عند دار .. ڨاريت بعيد عليها نحب نشوفها وش دير بالضبط ..
________________
شفت طونوبيلتو بعيدة شويا عليا .. بعدت عينيا يكفي تمسخير نضن من كلماتو عرفت قيمتي عندو ..
دقيت الباب مرة زوج .. 3 .. حتا وليت نخبط فييه ونعيط أنسسسسسسسسس ..
__________
نشوف فيها بدات تعيط وحدها ..خفت عليها هبطت من طونوبيلتي ووقفت مقابلها .. نشوف وش دير ..
فتح الباب طل واحد من نضرتو باين عليه طايش ..