كرونيك: ❤صدفه _التقينا ❤

51

الحلقة 51
زيرت عليه وهدرت بصوت ضعيف : لالا نخااف يطلع عندي ..
أيمن ضحك حتا شبع: ميين يطلعلك يابنتي ؟
إلين: لالا نخااف منو والله..
أيمن: مالا اقعدي شادتني وخليه يدور ..
وجها حمار بعدت عليه وطلعت فوق الطابلة ..
إلين : خلاص مدلي كاش حاجة نضربو بيها يلا طلع ..
ضحك عليها ومدلها مغرف تع اللوح ..
جاز النهار ڨع وهو يجري مور الفار وهي فوق الطابلة تأشرلو مرة تضحك مرة تشهق مرة تبكي خايفة .. الحاصول تعباتو اكثر من لي كان تاعب وهي فمها وجعها مالضحك والعياط .. رقدو في زوج فالصالة خاطر هي قعدت تسمط عليه بش يرقد معاها خايفة يلا يجي الفار ..
_________
الصبح ضربت في راصهم اشعة الشمس وصوت العصافير المزعج .. هي رقدت علا كرشها وحطت مخدة فوق راصها وهو ناض دوش وبدل حوايجو راصو يوجع فيه .. بطل ميروحش يخدم عاود طلع ورقد الفوق في بيتو ..
الوحدة تع العشيا ناضت خمرت بالنوم .. راحت دوشت وبدلت حكمت شعرها بستيلو وخلاتو طايح مالقدام علا وجها فتحت فريجيدار وراحت جبدت حبات الفريزة غسلتهم وحطتهم في صحن وراحت لقاتو يتفرج ..
طلت براصها تبسم معاها وقالها جي تقعد ..
إلين: بشرط تخليني نتفرج
أيمن: ممم
راحت تربعت قدامو تاكل فالفريزة وهو يشوف في فمها نارو شعلت..
أيمن: وين كنتي حسبتك متي ..
إلين: ههه متخافش منموتش حتا نضمن موتك قبل..
أيمن: هههه وش تسميه هذا ..
حطت الفريزة في فمها وغمزتلو: سميه لي تحب ..
حس جسمو تزير حك لحيتو يبعد فالافكار هاذو ..
جاوبها يضحك : مالا متموتيش حتا نموت ..
إلين: ههههههه ايه
أيمن: عمر الكلاب طويل ..
شافت فيه قاعد مكسل يديه ومتكي ضهرو ضحكت وقعدت تاكل مد يدو للصحن دارت ليه وعينيها تقدح نار: نحي يدك ..
دالها صحن وقعد ياكل ويضحك وهي تعيط : هااات هناا حڨرة هاذي ..
حط حبة في فمو غمزلها وقالها : سميها كيما تحبي
غاست فيه شويا ومع غمزتو مبعد رجعت تعيط : هاات لهنا خيرلك ..
وقف وهي وقفت معاه طلع يدو وهي تسوطي تحب توصل للصحن وهو يضحك عليها ..
أيمن: مالا قزمة هههههه
إلين: اازح جييب لهناا ..
أيمن: هههه نو
إلين: راك تندم
أيمن: منضنش هههع
دارلها براصو لالا .. هي حطت يدها علا كتفو وبدات تسوطي وهو مييت بالضحك عليها تعمل هكا وتعضو في صدرو.. قريب نحاتلو لحمة .. طبعها شوية قريب طيح الصحن..
إلين: اااه الصحن الصحن
شاف فالعضة : نتي صح متوحشة ..
ضحكت لتحت لتحت وقاتلو: هات هات خيرمن نعاودها