كرونيك: ❤صدفه _التقينا ❤

39

الحلقة 39
دار طالع فالدروج جات قدامو : يااإما تخرجني نتعشا برا زيد تفاهمنا تخرجني كل 3 مرات فالسمانة .. مشا وخلاها عاودت لحقاتو ..
يا إما تعرفني بخوك هو بزاف شباب وبوڨوص ويبان خير منك ..
دار ليها رافد حاجبو .. ضحكت وقاتلو : قولي وسموو !!؟
شاف فيها نضرة تع موت وقالها : مزوج ارتاحي ..
إلين : هههههه عليمن جوزها ؟ هو وجهو مشي تع واحد معرس زيد مكاش خاتم في يدو ..
حل عينيه متفاجأ : ونتي تثبتي في يدو ؟
إلين: هههه وينو المشكل ؟
أيمن : لالا نخاف علا خويا من مهبولة كيفك..
إلين: ياعمريي الاخ الحنون هاياا قولي وش قلت..
أيمن: صحا تخرجي معايا بشرط ؟
إلين : اما شرط ؟
أيمن: تنقصي طول لسانك وتتصرفي كي العيباد الصحاح في راصهم ..
ضحت عليه : هيهيهي
أيمن: مالا مافيهاش مريڨل ..
إلين: لالا هااني سكتت دارت يدها علا فمها وراحت تبدل وهو يضحك عليها مهبولة ..
راحت قلبت الخزانة ڨع تخير وش تلبس مالقاتش كامل معجبوهاش فالاخير خيرت سروال مقطع عريض شويا ..وتريكو كحل مشبك فالضهر جاها يهبل عملت شعرها بوكلي وطلقاتو ولبست باسكات كحلة ورشة الريحة .. رفدت صاكها وراحت لبيتو ..
طبطبت قالها تدخل .. شافاتو رافد ورق نفخت : اوووف هااياا راح الحاال..
شاف فيها حب يقتلها علا سروال لي لابساتو ..
بصح جاتها لبسة بزاف شابة وخرجت عليها ..
أيمن: خارجة هكا ؟
إلين: علاه مشي شابة ؟
أيمن: ايه تعيفي ..
شافت فالمرايا رفدت شعرها وتعمل في بوزيسيون مصدقاتوش .. زاد شاف ضهرها عريان العصب طلعلو ..
أيمن: اشعلي تليفيزيون واقعدي مكاش خرجة ..
إلين: علاه مناش رايحين ؟
أيمن: ايه
إلين: علاه ؟
أيمن: مكاش خرجة ..
إلين: ياانتاا انا اصلا خارجة بيك ولا بلا بيك ..
هي مزال مدارتش خطوة جبدها من يدها تقابلو عينيهم سرحت فيه شويا مبعد بلعت ريقها كي تفكرت وش صرا علا خوه ..
يهدر ويرص علا سنانو : تمشيي تبدليي يمات لي لابسااتو ولا نشركو علا لحمك ..
إلين: اناا حرة نلبس وش نحب وكي دير مرة احكم فيها كيما تحب ..
طلقها وقالها بصوت هادئ : جربي اخرجي مالا ..
أيمن: منشاوركش اتهنى
خرجت مالبيت وهي تترعد وحدها حست ريقها نشف اول مرة تخاف من عبد هكا .. شافت باب بيتو لقاتو مزال مفتوح بلعت ريقها وبدات تهدر مع روحها : وش دخلني فيه متشرد يحكم فيا انا خارجة خارجة ليوم وهو يتهارد مع روحو يحكم في مرتو احسن .. هي هبطت حلت الصاك تجد مفاتح الطونوبيل حتا جبدها من كرشها