كرونيك: ❤صدفه _التقينا ❤

48

الحلقة 48

قعدنا نلعبو وهو كلما يربحني نتغشش ونقولو غشاااش ..
أيمن: هههه مالا نتي لي يربحك يولي غشاش
إلين : هيهيهي ربحتك ..
بقاو يضحكو حتا رقدت .. مالنعاس مراحتش ميمبا لبيتها .. باسها من خدها وعدلها ورقد ..
__________
صبح فطنت رفدت راصها كي الحية ههه دورت راصها تلقاه راقد قدامها علا كرشو ..
رمشت عينيها وسوطات تعيط : اااااع ياربي ..
رفد راصو يشوف معاها تعيط صدعاتو ..
إلين: ياااارخس وش كنت ندير معااك
شافت فيه لقاتو منحي تريكوه مغطي غير نصو التحتاني .. زادت عيطت بالقاوي ..
إلين: اههه ياارخييس يامحتاال ستغليتنيي كنت حاسباتك راجل ضهرتلي طحاان
راح ليها ونارو شعلت من كلمة طحان: ايي ياربك اعرفي وش تهدري وافهمي قبل ..
إلين: وش نفهم كي نلقااا روحي معااك ؟؟
شاف فيها بنص عين وراح وخلاها ..
رفدت مخايد وخرجت لقاتو هابط فالدروج هيا لفوق ..
إلين: ايي يااخاامج .. دار ليها رمات عليه المخايد شدهم رماهم .. أيمن: كون نجيي لييك نورييلك الخاامج تع صح وش يدير .. خلاها مشوكية يزيد يهدر ملفوق ؟.
دخل الكوزينة .. حط يديه علا الطابلة جبد نفس وهي جات جات ليه .. راح للفريجيدار يجبد قرعة يشرب جات في وجهو : وااش عمباالك نجوزهاالك ؟؟
بطل راح جبد كاس يفرغ مالعين نحاتلو الكاس .. حك لحيتو شاف فيها وجا خارج جات في وجهو ..
إلين: مرااكش تسمع فيااا ؟؟؟
مالعصب طبعها علا الحيط و شدلها وجها يهدر ويزير علا الهدرة وعينيه تقدح ناار وشر وغش : أناا قادر نعممل ليي نحب مالا نتي لازم تلتزمي حدودك وتعرفي وش تخرجي من فمك وإلا وربك يا إلين وربي وربك ونعمل فيك عملة متزيديش ترفدي عينيك في عينيا طول حياتك ..
طبعها وراح وهيا بقات لاصقة فالحيط ترجع فالنفس حست وجها سخون .. سمعت بالباب طربق.. زاايد يخبط فالبااب تع مك .. مالا ليوم ياانا يا أنت .. راحت للبلكون تسمع فيه يهدر مع الراجل ..
ايه الورق تع صالح راهم فالكلاسور .. مالا نجيبهملك ؟ اوك اوك جات في راصها فكرة جهنمية وراحت لغرفتو تع الخدمة حوست لقات كلاسور كحل بدلت الاوراق تع صالح هذا وحطت ورق وحدوخرين

__________