كرونيك: ❤صدفه _التقينا ❤

28

الحلقة 28
جات مكسلة فالارض وهو ميت بالضحك عليها .. جا رايح ليها قريب زلق شد في حيط هههه هيا زادت ضحكت عليها الحاصول .. الدار في عوض ما تتنضم ولات خردة .. بعد 3 سوايع بعدما كملو هبالهم وربتو الدار .. قعدت فوق الكنابي مربعة رجليها شادة ستيلو ورقة وهو قعد مقابلها .. حوايجهم بداو ينشفو...
إلين حكت شعرها بالستيلو بعد قاتلو : لا أنا منحبش خدمة باباك هاذي ..
شاف فيها نضرة تع موت : مكيش حابة نهرسلك فمك ؟ واذا تحبي تدي الكنابي لازم تقبلي شرطي ..
عوجت فمها وقاتلو: اممم وشنوه ؟
أيمن : تولي انتي طيبي ..
إلين : لا لا لالا نتقاسمو الاسبوع ..
أيمن : موافق
إلين : مالا انت طيب ليوم
أيمن : لا دورك
ضربت الطابلة وقاتلو : واااش نضم البيت نزيد نطيب ربع نهارات فالسمانة ؟؟ بزاف
جبد الورقة من عندها : صحا الكنابي تاعي ..
عاودت جبدت الورقة منعندو وقطعتها : انت غشااش نعاودو ..
تربعت قدامو وقاتلو : شوف انا نطيب الاحد وانت الاثنين ونا تلاثا وهكا نهار بنهار ولي يطيب يغسل ماعن ..
أيمن : لاا انا نخدم ..
إلين : حتى انااا عندي وش ندييرر .. وكي طيب العشاا متديرش روحك جيت روطار ..
قام وقالها : انا منطيبش عندي خدمة ..
وقفت وحكت يديها في حزامها : صحاا مطيبش ؟ بشرط
شاف فيها مطلع حاجبو ..ضحك علا جنب وقالها : تخدييم مخك خليه عندك
إلين : مالا طيب كل واحد وجبة !!
نطقو في وقت واحد : اناا فطور صباح
ايمن : لا انا صباح ونتي عشيا
إلين : تعرف كيفاه ؟ كل نهار واحد
أيمن : صحا والحوايج ؟
إلين : كل واحد يغسل حوايجو
أيمن : نتي تغسليهم
إلين : ههه الله الله وقيل نخدم عند جدك انا
أيمن : اوكي نتي حرة
إلين : بصح بشرط
أيمن : لي هو
تديني كل فالاسبوع 2 مرات نتعشا برا
عجباتو الفكرة بصح مبينش ..
إلين : امم وش قلت ؟
أيمن : مريڨل
ايا نقعدو عييت .. بالنسبة فالتلفيزيون هو ليا من 3 تع العشيا لنص الليل ..
دارلها براصو لالا وقالها : التلفيزيون تاعي من العشرة تع ليل
ربعت يديها وقاتلو : المسلسل تااعي يبدا علا 10
ايمن: وش دخلني فييك ؟
إلين : مداامك في داري تتقبل وتسكت
أيمن : نوض ليك راصك نكسرهولك
إلين : التلفيزيون تاعك م 11
ايمن : موافق ولات تسوطي وتضحك : ايييي سيي بهييم كملناا