كرونيك: ❤صدفه _التقينا ❤

35

الحلقة 35
أيمن: آخر انذاار هاتي تليفون خيرمن ندييه انا ..
ضحكت وقاتلو : جرب سعدك مالا ..
ضحك بخبث وقالها: نتي حبيتي هكا ..
حاوطها بيدو اليمين لصقها فيه .. ويدو اليسرى دخلها في بيلها وجبد التليفون مصدرها وهي مصدوما من حركتو هاذي مصدقتش بلي عندو الجرأة يدير هكا .. بعد عليها شاف لقاها يماه عاود عيطلها وبدا يهدر معاها وهي حست ضلوعها سخنو او وجها رح يطرطق مالسخانة والحمورية وحكمها الغش صاحت عليه :
وش حاااسب رووحك يااكلب يااسقط ..جبدت مخدة خبطاتو بيها .. وهو علابالو يولي في مشكل كون تسمع امو صياحها وعياطها جبدها عندوو.. زيرها عندو عاطياتو بضهر وهو محاوطها وحاط يدو علا فمها وهي تضرب فالقاع ..
-اهلا وليدي ..
أيمن: اا يما لباس ..
-الحمدلله وليدي توحشتك ..
أيمن: حتا انا توحشتك ..
إلين زادت في كلمة "اممممممم" وتحاول يطلقها .. قرصها من خدها شواها ههه ورجع زير عليها اكثر ..
-وش راك داير فيها وليدي ..
أيمن: هاني مع الخدمة راكي تعرفي ..
إلين بدات تسوطي وحدها باش يطلقها ..
غلظ في كلامو وراص علا سنانو : وبابا وخاوتي وش دايرين ..
-وش يهمك في خاوتك انا طلبتك نحب نهدر مع في موضوع ..
أيمن: ايه يما اهدري ..
سمعت كلمت يما حبست .. هبط راصو يشوف فيها لقاها تذبل في عينيه باش يطلقها ..
أيمن : وتحكمي بلاصة ؟
- وشنو نحكم بلاصة وليدي كاين واحد معاك ؟
أيمن : ااه .. لالا يما خربطت فالهدرة برك ..
-صحا وليدي قلي وقتاش جي توحشتك ..
عضاتو إلين من يدو نحاتلو الشحمة تع يدو طلقها ورجع يصيح ويحرك في يدو : شبيييييه ربك فرخة تعضيييني ؟؟
- وشبيك ولدي تعيط عليا وتقلي كلام ميتصلحش..
أيمن: لالا يما والله ماني معاك...
إلين شافت فيه ورفدت صباعها : متزييدش تعيط علياا ولا تقلي فرخة ..
- ياوليدي وشبيك شكون راه معاك ..
إلين راحت للورق لي فوق البير بدات ترمي فيهم كي المجنونة وهو صاح عليها : ياااااهم ياااموصيبة حطيي ربهم انييي كرهت رح نطرطق منك .. راح ليها شدلها يديها يفارع فيها ..
إلين : مدليي يماات خراا دوزاني نروح ..
-ياوليدييي راك حيرتنيي وش كااين
أيمن : ياا يماا عنديي كلب مكلوووب
- كلب ؟ علاه وين رااك !
إلين : انااا كلب ؟؟ يااامتشرد يااعملااق يااامحتااال يابهيييم ..
أيمن: بلعي رب فمك خيرمن نكسرهولك ..
- صحاا وليدي تقولي بلعي فمك هكا ربيتك ...
أيمن عيط مالغش : لااا يايما والله ماراني علييك