كرونيك: ❤صدفه _التقينا ❤

15

الحلقة 15
إلين : ويين دايني يااهم ويين
رماها في طونوبيلتو وقلع لحقنا للدار .. دخل وكركر فيا مالشعر ..
أيمن : رب الفاايليز وين راهي ؟
إلين : ف .. فالقبو تلقاها ..
أيمن : وش لحقها لثم ؟
إلين : منعرف 🤔
نفخ بالقاوي ومرر يدو علا شعرو ماراهس حايب يغلط فيها .. هدر بصوت هادئ : روحي جيبيها ..
راحت جابتها حطتها وزادت ولات جابت تليفون ..
داه عليها وخرج .. وهي حكمت تاكسي رجعت تخدم .. لعشيا رجعت للدار .. او ليوم ايمن مبانش كامل فالشريكة يادرا .. راحت تلقا كاميون فيه اثاث .. ورجال رافدين بيرو يدخلو فيه للدار وسي شباب واقف الوقفة رجولية .. لابس تريكو ابيض وشورط جين وحاط نواضر .. رحت وقفت قدامو نحا نواضر وتبسم معايا ..
إلين : واش هاذا ؟
أيمن : وش راكي تشوفي ؟ بعدها عيطلو راجل راح وخلاني واقفة مستغربة .. دخلت للدار لقيتو خدا زوج بيوت .. بيت حط فيها بيرو وخزانة وامور الخدمة وبيت حط فيها خزانة وسرير واثاث تع بيت نوم ..
رحت ليه : مالا زدت ستعمرت بيوت لوخرين ؟؟
أيمن : ايه عندك مشكل ؟
إلين : وي عندي
أيمن : اخبطي راصك علا حيط .. راح وخلاني
اااااه برودو يقتلني نحب ناكلو بسناني .. طلعت للبيت لميت دوزاني ورجعت لغرفتي .. توحشتها بزاف ..
كمل شغلو خلص الخدامين روحو .. وطلع للبيت يستغل في هدوءها هدوء ماقبل العاصفة كيما يسموه شي وش راهي تخطط .. شويا ورجعت عندي ..
إلين : عندي ضيوف غدوة ومنقدرش نروح نخدم ياسي شباب ..
أيمن : ههه وش دخلني فيك انا جي بلا جدك ..
إلينا : لاا منيش جاية خاطر عندي ضيوف قتلك ..
أيمن : خلاص نقصي حسك عليا ..
قلبت عينيا ورحت طيبت تعشينا وحكينا شوي حسيت روحي بديت نتقرب منو وهو ثاني اني حاساتو كشغل نعرفو من قبل حاساتو جزء من العايلة لي معنديش .. قلبي وجعني هبطت علا خدي دمعة سخونة .. مسحتها بكف يدي وطلعت لبيتي بكيت حتا عييت ورقدت ..
__________
قعدنا نتفرجو مبعد طلعت حسيت بيها حاجة .. مشي موالفة تروح هكا .. زدت شويا وطلعت وراها دخلت لغرفتها .. لقيتها راقدة عينيها منفخين وجها حمر تبانلي كانت تبكي ..
قلبي وجعني عليها .. مررت يدي علا خدها ومبعد شعرها ورحت لغرفتي حسيت النفس ضايقة عليا وغصة في حلقي ..