كرونيك: ❤صدفه _التقينا ❤

45

الحلقة 45
شدلها وجها : نهدررر معاك ربك جاوبي ..
بعدتلو يدو تبكي بالشهقة : مبارطييجتش قتلككك حااب تكذبنييي ؟؟
طلقها وقعد يشوف فيها .. رفدت عينيها معمرين دموع وحمورة .. : والله معلابالي بحاجة ..
رجع لبلاصتو ضحك ضحكة تع تمسخير مجاوبهاش .. دارت للتاقة وقعدت تمسح في دموعها .. اول مرة تبرر لعبد حاجة وميأمنهاش حست بخنقة وقنطة .. تلفتت للشوفور ..
Stop here
نطق أيمن بلا ميرفد راصو مالتليفون ..
Don't stop contunie
شافت فيه بحقد وشر ..
إلين: خليييني نهبط ..
جاوبها ببرود بلا ميشوف معاها : نقصي حسك
إلين: منقصش حسيي ونهبطط هنااا
ايمن قال لشوفور ميحبسش مهما صار وخلاها تتحرق وتاكل في روحها مالعصب لي حاكمها ..
__________
في الليل جاعت .. هبطت لقات بيزا وكانيطا كوكا فوق الطاولة .. طلت لقاتو يهدر فالتليفون برا عند البيسين .. قعدت وبدات تاكل مبعد سمعاتو جاي ناضت ورفدتهم في يدها ..
أيمن: تقوليليش برك كليتيهم يامتوحشة ؟
إلين: اييه كليتهم متوحشة ونص و75
أيمن: آراايها لهناا .. قدم ليها وهي هربت بداو يدورو علا الطابلة مبعد خرجت برا تمشي وتاكل فيها وتضحك وهو يجري موراها كي المزطول ..يااافرخة هااتي لهناا
عاودت دخلت للصالون وترمات فوق الكنابي شادة في كرشها مالضحك ..
أيمن: الشكر مكاش -_-
إلين: ههههه يعطيك الصحة .. يلا راك رايح للكوزينة جيبلي معاك كوكا باردة..
أيمن: تحلمي بيها هاذي ..
إلين: هااايااا بلييز
أيمن: اسس صوتك يصدع فالراص
إلين: هههه
راح للكوزينة جاب ليه برك وهيا مجابلهاش
إلين: ازح حاسدني في ربع موارص بيزا ؟
أيمن: تعرفي العيباد تاكل البيزا عادي .. بصح الوحوش تاكلها وتزيد الكوكا ..
إلين: هيهي مشاء الله سي الفاهم..
غزرلو بين زوج للكوموند مدو يديهم داها هو وبدا يضحك عليها ..
إلين: لاا اتفكر وش تفاهمنا حتا للعشرة تاعك ضك راهي تسعة ونص
أيمن: امم العشرة تجيبيها ..
ضحكت وقعدت تتفرح لحقت العشرة المسلسل الحلقة الاخيرة .. دالها تليكوموند وقعد يبدل مالقاش وش يتفرج. ..
إلين: علااه رجع المسلسل ليوم الحلقة الاخيرة
أيمن : راني نتفرج
إلين : هااه مالقيتش وش تتفرج
حط الاخبار باللغة الصينية وقعد يتفرج يحب يهبلها ..
تمتمت بين شواربها : والله متصلحها ..
أيمن: علابالك كنت رح نمدلك بصح ضك بطلت
إلين: لااااا بلييز كنت نتمسخر برك..