كرونيك: ❤صدفه _التقينا ❤

71

الحلقة 71
بدا وحد الشيخ يكون خمسين سنة : منهار كنت نمشي ولقيت طفل صغير كان فاقد ذاكرتو .. ربيتو وسميتو طارق .. حتا كبر ولا يعرف صلاحو او حوس علا عائلتو وتعب بزاف ومنها عرف بلي انتي اختو .. شافت عندو سنسلة ..
إلين وقفت : دقيقة ..
راحت للفاليز جبدت السنسلة لي خلاتهالها يماها ورجعت ليه جبدتها .. وقف وزاد جبد السنسلة تاعو لقاوهم كيف كيف .. تعمرو عينيها بالدموع .. وعنقاتو اصلا منهار لول لي شافاتو كانت حاسة بلي تعرفو ..
خرجو برا حكاو لبعضاهم الضلم والحڨرة لي جازو عليهم ..
إلين : وضكا حبو يزوجوني بشاهين ..
طارق: متخافيش .. راني هنا ..
كملو يحكو ..
_______________
لامية : وليدي ايمن وينك ..
أيمن: اا يما راني هنا .. كان خارج مالكوزينة ..
شد بنت خالتك خلاتهالي ..
أيمن: يماا تعرفيني نشد صغار -_-
لامية : شد شد واسكت ..
أيمن : ارواحي عندي صغرونة ..
راحت عندو قعد يلعب معاها ..
رزان : انا عني بوبية ثابة ..
أيمن: ههه وش سميتيها ..
رزان: هه مذال مخممت ..
أيمن: هه سميها إلين ..
_____________ بعد مرور شهر _________
لامية : جيب البوكي تع الورد ..
أيمن: كان عند عادل سقسيه ..
لامية : اووف طولنا بزااف محمد ويين رااك ..
محمد : هااني هناا ..
ركبو فالطونوبيل ايمن يسوق بيهم ..
________
إلين: تحلمييي ياا لالة ..
عماد : يابنتي شوفيه مبعد اهدريي ..
إلين: منشوفو مايشوفني انااا نحب ايمن يااانااس متفهموووش ..
عماد : وين نجيبلك ايمن انا ؟؟
إلين: عمي هاذا الشي يخصني مدخلوش روحكم فحياتي الشخصية ..
عماد : انا هدرت مع الراجل علا الأقل شوفيه مبعد القايلو سبة ..
إلين: منتزوجش تحلم ..
__________
لحقو يسمعو فيها تعيط ..نحب أيمن ..ههه تبسم علا جنب اسمو .. بصح كأنو صوت معروف ..
إلين: كاان حاسبني حمل ثقيل فوق راصك هاني راايحة ومخليتكم ..
عماد : اليين استناي راكي فاهمة بالغالط ..
إلين: منفهمششش منتزوج ..
عماد : الراجل راه جاي ..
إلين: اتزوج بيه نتا يلا عجبك ..
عماد: راهم لحقو ..
دارتلو براصها باش يسكت : اسمع عمي انا نحب ايمن ونعشق ايمن ونموت علا ايمن وقلبي ايمن ونبضي ايمن ونولي عند ايمن وكلش فيا لايمن
__________
راح يدقو الباب .. مزالو يمسعو فالعياط ..
أيمن: وش كاين !
عادل : منعرف هايا ونشوفو ..
دقو الباب وايمن شم ريحتها حس روحو رجع لغيبوبتو عاود جا يركب الطونوبيل ..
عادل: ايمن وين ؟