كرونيك: ❤صدفه _التقينا ❤

29

الحلقة 29
ضحك عليها : نقصي حسك قاطع طرشني ..
إلين : تحب نتراهنو نشوفو شكون صوتو خير ؟
أيمن : هههه لا اسكتي منحبش الزجاج يتكسر من صوتك الجوهري ..
ٱلين : صوتك لي شباب 😑😑
أيمن : ههههه وراصك غير صوتك يكسر زجاج ..
إلين : اايي نتااا يااسي بهييم متزيدش تحلف براصي منيش راص لفت ..
بدا يضحك عليها ميت بالضحك .. يعشقها يموت علييها كي تزعف .. : مريڨل مالا ؟
تلفتتلي : وشنو لي مريقل ؟
ايمن : تنقصي طول لسانك
إلين ؛ صدقني يا سي فرخ هذي منوعدكش بيها .. يعني واحد كيما نتا مجاياش منطولش لساني معاه
أيمن : فرخة بلعي فمك نجي نكسرولك
إلين : هههه محسوب خفتك .. فجأة نطقت : والقضية تع الداار ؟
أيمن : قضية ؟
إلين : يعني القضيان وهكا
أيمن :مريقل نقصي طول لسانك برك
إلين : ههه صحا نجيب الورقة نصحح ..
جات تمشي سمعت تليفون يصوني .. شافت ليكرون وجها تبدل يدها ترخفت .. حكمتها فشلة مع شلل كامل .. رجليها مقدروش يرفدوها دخلت في حيط .. رفداتو وحطتو فوق الطابلة وشافت فيه وتبسمت ابتسامة صفرا ..
-نجيب ال.. ورقة و..نجي
حبس التليفون .. حست براحة كبيرة ..جات تمشي عاود صونا تلفتت ليه لقاتو هو .. عاودت حكمتها الفشلة مقدرت تتحرك مقدرت تقعد ماقدرت تروح .. وهو يشوف فيها وعاقد حواجبو .. قدم ليها وشاف فيها نضرة تع موت ..
رفدت عليه ويدها ترعش ..
إلين : اا..نعم
أنس : حبيبتي توحشتك ..
إلين : وش تس.. حق عندي.. شافت في أيمن لي واقف قدامها .. بعد رجعت قاتلو .. أنس
ايمن غير سمعت كلمة انس حس روحو ثور .. تبدل لون وجهو عينيه حمارو .. عقروق رقبتو برزو ..
خطفلها تليفون وحطو في وذنو يسمع فيه يقول :
شوفي إلين جي عندي لعشيا لداري ولا رح نرفع قضية عليكم نرشيكم فالحبس ونقول بلي جيتو لداري تعديتو عليا ..
جاوبو وهو حاب يخرج ليه مالتليفون يهدر ويزير علا الكلام والتليفون في يدو حب يطرطقو ..
أيمن : كونك رااجل او ارواح نتفااهمو انا وانت احسن ..
انس: ااه ههه حبيب القلب انتا .. شوف يا خويا مدخلش روحك احسن ..
ايمن: نحكمك ن** امك يا صحبي .. ون** ز*** غير نجبدك مالسما ولا مالارض ..
نشوف فيه يهدر بنبرة حادة .. في الدقيقة خفتو .. نكذب عليكم شحال عجبني الموقف هذاك يبان راجل بمعنى الكلمة ..
كوبا في وجهو ورما التليفون على الارض .. قسمو علا 60 مورصو ..