كرونيك: ❤صدفه _التقينا ❤

11

الحلقة 11
إلين : المعنى ؟
نوض الطونوبيل وجا يديماري .. حبستو ..
ايمن : قتلك اطلعي مجهلينيش ..
إلين : اوكي صاحا ..
راحت وانا حاسها رح دير حاجة نعرفها متعديهاش بالساهل .. معليناش.. رحت لعند المحامي ستقبلني في دارو ..
أيمن : اهلا عمي رضوان لاباس ..
المحامي : الحمدلله ونتوم
ايمن : ولي عايش مع المجنونة هاذيك يبقى لاباس ..
المحامي : طول بالك وليدي .. ولية راهي
ايمن : متخممش عمي رضوان .. راك مع راجل
المحامي : الله يحفضك .. بالنسبة للقضية نتوما عندكم الحق تعيشو فيها بين زوج .. والراجل راه روشارش .. ويلا حب واحد فيكم يتنازل علا البيت هذيك حاجة اخرى ..
ايمن : نحكي معاها ونشوف .. مالا القضية مزالت مفتوحة ..
المحامي : فيها خير وليدي ..
ايمن : نشاله عمي .. يعطيك صحة .. رفدت روحي ورحت للدار .. قضيت شي حاجات معايا وروحت ..
______________
إلين :
مالا نتا تخرج وانا نمشي برايك .. وش تكون انت مثلا .. رحت عند دار صحاباتي بربع ميترا لي قالي عليها زكارة فيه .. منعرف علاه حسيت شعور هو ميربطني بيه والو بصح حبيت نهبلو ..
_____________
لحقت لدار مالقيتش طونوبيل برا قلت بلاك راحت كشما تشري دك ترجع .. ستنيت ساعة ساعتين مكاش .. خرجت عند صحابي تعشينا مع بعض ورجعت لعشيا جواية 10 تع ليل مكاشها وين تكون راحت .. منعرف علاه تقلقت عليها بلاك خاطر مكاين حتا واحد جنبها ؟ خفت عليها بزاف قلبي مطمنيش ..
قعدت نتفرج .. ونبربش فتليفون جواية حداش نسمع ف الطونوبيل تاعها دخلتها ..
طليت مالتاقة .. ورجعت قعدت ..
____________
جوزت نهااار طووب مع انس بزااف هايل انس صديق الطفولة ربي يخليهولي .. دخلت طونوبيل ڨاريتها وجيت داخلة للدار .. فتحت الباب ودخلت ضربتني ريحتو مممم مالا راه هنا ..
طلقت راصي ديراكت جيت طالعا فالدروج قابلني كان واقف فالباب تع الصالة ..
اروااحي ..
عملت روحي مسمعتوش وكملت طلعت نجري حتا صاح عليا ..
انيي نهدررر مع ربكك ..
هبطت ليه وقلبي رح يخرج وجسمي يرعش بصح محبيتش نبينلو ..
وين كنتي ؟
وش دخلك ؟
جا يقدم ليا وانا نبعد لصقت في حيط .. يهدر وعروق رقبتو بارزين وعينيه حمورة ..
ويين كنتييي ربك ..
كنت مع لبنات برا ..
آخر مرة تدخلي الوقت هذا ..
إلين : شووف ياسي الشباب صح نتا مديري بصح معندكش الحق تحكم في حياتي الشخصية ..
أيمن : انا اني هدرت معاك هدرة التسعة متكونيش فالدار غير كملي باتي وين كنتي