كرونيك: ❤صدفه _التقينا ❤

66

الحلقة 66
غير شافاتو تفكرت نهار حبو يزوجوها بيه ..
مسحت دموعها وراحت ليه وجها حمر عينيها حمورة ونيفها حمر ..
شاهين: شربتي دواك ؟
إلين: مشي نتا لي تقرر ..
شاهين: علاه الين تحطمي في حياتك وفيا معاك ..
غمضت عينيها بقوة ..
شاهين: علاه قاعدة وحدك ؟ علاه مجيش نتزوجو ونعيشك كي السلطانة .. شدلها يدها بعدن عليه ودموعها تجري وحدها ..
هايا إلين نروحو بجاه ربي هايا راكي دمري في حياتك .. صدقيني تقعدي هنا وحدك الناس مترحمكش والله ..
قدم ليها هبط علا ركايبو : علابالي بلي نتي نقية وطاهرة .. بصح منحبش نشوفك بعيدة عليا نحبك ياإلين ..
بدات تبكي بالشهقة .. رجوعها معاه يعني تذكر للماضي وتنسى حاجة أسمها ايمن وتنسى كل حاجة حلوة صراتلها مع ايمن .. رجوعها معاه يعني رجوعها للألم ونضرة أهلها لي متتبدلش ..
وقفت وهي مزالت تبكي : تحلم يااشااهين تحلم نولي ليكم بعدما دمرتوني .. اهنتوني وضكا جاتك ساهلة توريلي وجهك ؟
شاهين: إلين لي فات مات ..
قاطعاتو : ششت اسكت لي فات جامي مات وكان عينيك فياا انا عندي شكون نحب غير انسى ..
قدم ليها عينيه حمورة : في بالك مشفتوش ؟ ااه ؟؟ جبتيلنا العار ! شوفي ياإلين اختاري الطريقة لي تناسبك يإما جي برضايتك يا إما نجيبك بطريقة نخليك تتمناي تاكلي الجمر ومتصراش ..
بعد عليها وخلاها غارقة في تخمامها ..
_________
لعشية دخل الضواوي طافيين .. لقاها راقدة فالصالون عينيها منفخين وجها حمر مالبكا ..
بعدلها شعرها علا وجها وهدر بصوت دافي ..
أيمن: إلين وشبيك صغرونتي ..
حس قلبو نقسم علا زوج .. راح رفدها وطلعها لبيتو محبش يخليها ترقد وحدها ..
نحالها باسكاتها دوش وبدل وتكا قدامها يسمع في شهقتها. حس سكاكن في قلبو .. عنقها ورقد ..
صباح فطن عيطولو .. الوفد لي متعاقد معاهم جايين وهو مزال مكملش الخدمة تاعو .. عيط للمساعدة تاعو جي تعاونو ..
قامت صبح راصها يوجع .. لقات روحها في فراش وهو مكاش استجمعت قوتها وراحت للصالدوبان غسلت .. وشافت فالمراية لقات وجها صفر ..
غمضت عينيها وخيوط الدموع يجرو ..
قررت تصارحو بحبها وتصارحو لي وليد عمها وتصارحو بكلش .. ومبعد تقرر حياتها ..
راحت لبيروه انصدمت هو كان يغلق فالشميز ومعاه مرا لابسة ربع ميترا صدرها نصو برا ..
هذا مخصها ناقصة وجايع ..غمضت عينيها وراحت تبكي بمرارة وحرقة ..هبطت للكوزينة لقاتهم هابطين كيف كيف وهي تلوح في يديها عليه ويضحكو ..