♧جحيم العشق♧Reflex

♤part06♤

مشات جهة الغابة المكان ساحرها ضحكتها معبية وجهها نحات نواظرها وتمشي وتشوف كل شبر هازة كاميرتها غير تفوت على منظر تصورو ..حتى صوت الذيابا مش مخوفها المهم عندها انو تعيش هدو اللحظات قبل ماترجع لعالمها الوسخ
حام نظرو على الكل ؛شاف جهتها ملقاهاش صحبتها وحدها ..هو متأكد انو جات معاهم وين راحت ؛غير قبيل شافها متأكد وينها ؟
ريفان:بففف وانا علاش نحوس عليها ، ستيتش صح يا ###
بقى مع جماعة حتى هو يصور فكل بلاصة ...بلاصة اول مرة جديدة مغامرة جديدة ؛اما هدي لمرة حاسها غيير ..عاود شاف في اللي فمجموعتو بلاك يلمحها حاجة فداخلو تقلو حوس عليها ، فداخلو يحسها لغز ولازم يحلو ؛ملقاهاش حاول يلهي روحو حتى سمعهم كاامل يتعايطو  شاف وراه لقى لبنات كامل يتعايطو خايفين
سوزي:ريفااان ذييب ذييب
ريفان:وهدي لخلعة ولعياط كامل علجال ذيب؟؟؟
سوزي: ياااا ريڥان راه ذييب ، كي منخافش منو منين نخاف
شاف جهة الصوت حتى يخرجلهم سامي وهو يدير فصوت الذيب
سامي:هههههههه ريفان ذيب ذيب يامامي
سوزي:سااامي مش هك يااااه
ريفان:عارف بلي معانا جوطابل علاه دير هك
سوزي:وش تقصد بجوطابل ريڥ
ضحك عليهم يكره الضعفاء ولي يلعبوها ؛ فات عاود شاف بلاك يلقاها مي مكانش
ريفان:ممم بلاك راحت للمجموعة الاخرى
سامي بقى يهرج فيهم وخلا الجو يحلى وفاء تشوف فيه وعينيها قلوب
وفاء:ياماما وش هدا الزين كلو
انتبه ليها سامي شاف فيها وراح يمشي جيهتها
وفاء بلعت ريقها وهمست:ياربي وميكونش سمعني ودك كفاه ندير
سامي:هااي
وفاء:هاي
سامي :مشفتكش عيطتي كيما لبنات وكنت قريبلك اكثر نقدر نسميها شجاعة؟
وفاء:مخفتش والفت فحياتي  الوحوش
سامي:وش قلتي وشمن وحوش؟
وفاء:اااه والو مكنتش مركزة علبيها مسمعتش صوت كون خفت
طلع حاجبو كفاه تبعد فعينيها عليه عض شفتو و ولا يمشي معاها
سامي:انا سامي
وفاء:وفاء
سامي:وش تقراي؟منيش موالف نشوفك من مجموعة النجباء؟
وفاء:سنة اولى نقرا ادارة اعمال ؛ممم وايه من مجموعة نجباء
سامي:ممم مليح تعرفي انو عندك عينين يقتلو ولا معلبالكش؟
وفاء حشمت وهبطت راسها تفاجئ كي شافها حشمانة مش موالف بهكذا انواع
وفاء:هه مرسي المجموعة بعدت خلينا نلحقوهم
كملو طريق وهو كل مرة يتغزل بيها وهي حشمانة منو وقلبها بدا يخبط من قربو ليها هك ،، ريفان شافو مع صحبتها
ريفان:يخي هذا ميراطي والو ؟؟؛كانو مش عاجبينو ولا بفففف

ايرين صنعت عالمها وحدها ومستمتعة بيه اصلا متحبش  تختلط مع الناس
ايرين:يااانظن بعدت خلي نرجع
جات راجعة مي ياهيهات خرجلها ذيب فطريقها بعدت خطوات وبلعت ريقها
ايرين:وهدا مين خرج ياربي
خطفت السكينة من خصرها غير قرب منها هجم عليها تفاداتو اما خبش معصمها وهي بحركة خفيفة  هزت جذع شجرة ضرباتو بيه وغرست فيه السكينة ..
ايرين:يعني لازم نعكروها بالدم هااه تهنيت ..بففف ويدي
خرجت قرعة ماا من صاكتها غسلت يدها ونحت الشال لي كان فشعرها دوراتو على معصمها
ايرين:يلعن زهري ..نسيت روحي طاح ليل دك يفيقولي خلي نرجع ..
رجعو جماعة للمخيم ، وفاء بدات تقلق على صحبتها شوي وقت حتى جات المجموعة الثانية
وفاء:يااربي ايرين وينها ياربي وميفيقوش بيها كون يقصيوها من رحلة
تقسمو مجموعات ؛ودارو المناوبة فالماكلة كل يوم مجموعة؛راحت مجموعة تطيب فلعشا ولباقي تلمو على النار؛لبنات يعاودو فماكياجهم ولولاد يحكو ؛دور عينيه الثاقبة عليهم الكل.. يحوس يعرف وين ختفات بعدما جات المجموعة الثانية وملمحهاش ؛دخلو الشك انو كاش ماصرالها مي صحبتها علاه مبلغتش؟
جاا نايض يسقسي وفاء عليها ؛حبس كي شاف حركة وراا خيمتها تنطر ناض
سامي:وشبيك
ريفان:اااه مكان والو تفكرت حاجة
جا ماشي حتى  يشوف فصحبتها تحضن فيها
وفاء:وين كنتي خوفتيني
ايرين:هسسس هاني جيت متفيقيش بيا
وفاء:وشبيها يدك وريني
.غير فتحت الشال على معصمها فتح عيونو مصدوم من الأثر...
ريفان:أثر مخالب ذيب ؟؟ كفاه مقتلهاش
تسارعت دقات قلبو لاول مرة ، معلبالوش علاه مهتم بيها خاصة بعد ماشاف عينيها صباح قعدو في بالو ؛جاا ماشي جيهتها يعرف وشبيها اما هي دخلت لخيمتها ؛تنهد
ريفان:معلباليش علاش اما درتك فراسي ورح نحل لغزك يا ستيتش هه وضحك على جنب
تعشو كاامل ومن تعب النهار الكل راح رقد ؛الهدوء ساد المخيم غير صوت الحيوانات برا ؛خرجت بالشوي من خيمتها مدارتش حس باش ميشوفهاش لي يحرس فالمخيم غير بعدت شوي لبست باسكاتها وخرجت
ايرين:اححح توحشت هداك المنظر
مشات حتى وصلت لتلة لي تطل على البحيرة المجمدة بقات تتأمل فيها جات لبالها تهبط وتتزلج اما حبست وتبدلت ملامحها فجأة بعد ماكانت فرحانة وتضحك وكشرت وبانت عليها علامات الغش اما هدااات ربعت يديها وبقات تتأمل فالمنظر بهدوء
خرج من خيمتو وشاف فخيمتها تبسم
ريفان:امممم مشوق هههه
مشا جيهة الغابة بهدووء غير قرب شافها واقفة تبسم بخبث
ريفان:خلي ندوروها فيلم رعب ونشوفوك
حاول يدير ضجة واصوات  تخوف وهو بارع فيها اما باقية فبلاصتها متحركتش ، متفاجئ منها وسؤال واحد فراسو شكون هي؟ زعما مسمعتش؟ بلاك دايرة كيت؟ قرب اكثر كان رح يدير عفسة اخرى  حتى جاه صوتها لي صدمو اكثر
ايرين:ريفان
عقب يدو على وجهو متفاجئ هدي طفلة وحدها لغز شد روحو ومشى ليها
ريفان:وش ديري هنا ؟وكفاه عرفتي انو انا بلا ماتشوفيني؟؟شكون انتي
دارت ليه ضو لي ساطع فنظارتها مخبيين عيونها ، سكتت وهي تشوف فيه حتى علا صوتو
ريفان:قتلك شكون انتي؟وكفاه عرفتي بلي هنا
ايرين:ريحتك لي لحقتني قبل ماتلحق انت متنساش انو رانا فغابة وين الهوا نقي
ريفان:ريحتي؟ومنين تعرفي ريحتي انتي؟
ايرين:قدرت نميز ريحتك لانو ..سكتت شوي وكملت لانو بقات عالقة فنيفي نهار جينا فلبيس
طلع حاجبو مستغرب من اجابتها حتى انو صريحة
ريفان:علاش جاية هنا ؟فليل متخافيش؟
ايرين:نقلك الصراحة
ضيق عينيه يسمع فيها
ايرين:خايفة اما هدا المنظر يستاهل نخاطر شي نقي بعيد على الدنيا لي عايشينها لي متعلقة بالمظاهر والعلاقات لي كلها مصلحة وحقد وكره وعلاقات كاذبة
شاف فيها بلع ريقو مست اكثر نقطة حساسة عندو ..لز على قبضتو وشاف فالبحيرة
ريفان:وش لي يخليك تحقدي عالمجتمع هك عندك تجربة؟
ايرين:كل حد منا عندو تجارب وقادر تكون قاسية اما مش لازم نسميه حقد هدا الشي منتشر فكل العايلات وهي من مكونات المجتمع
ريفان:وش تقصدي
ايرين:الكره القتل السرقة والخ وسيرتو الخيانة بانواعها
ضغط على عروقو حتى برزو وهو يسمع فيها تحكي
ريفان:شكون انتي؟
ايرين:كفاه شكون انا
ريفان:ادا متحبيش نعيطلك ستيتش يعني
هزت حاجبها:ستيتش؟
ريفان:سؤال واضح وبسيط شكون انتي حاب نعرف الانسانة لي قدامي دك
ايرين:نظن مش مهم تعرفني ؛نخليك بونوي
جات ماشية شدها من معصمها لي مجروح غمضت عينيها من الألم لي تحس فيه بقى يستنى فيها تعيط اما شي
ريفان:متروحيش وانا نحكي وسقسيتك جاوبي
ايرين بلامادور ليه : انا جاوبتك علاه تحوس تعرفني كاين بزاف روح اعرفهم
ريفان:بانتلي نعرفك انتي جاوبي
نحى يدو من عليها  ،، شاف على يدو آثار الدم مي هي مقالتش ؛جبد يدها ليه نحى الشال ويشوف فيها
ريفان:آثار مخالب ذيب كفااه صرالك هك
ايرين:ريفان اطلقني
ريفان:جاوبي
ايرين :هاجمني صباح مي قدرت نهرب
ريفان:كون عيطتي رانا قدرنا نسمعوك ، اما ماسمعنا شي ووين كنتي علاه مكنتيش معانا
ايرين:لاحظت هدا الشي؟
ريفان:وي لاحظت وصحبتك خبات غيابك وين رحتي
ايرين تفاجئت علاه مهتم بيها :'دك نقلك انا نحب نشوف مناظر وحدي منحبش الاختلاط وناس بزااف رحت وحدي ورجعت فالطريق هاجمني ذيب وتخطيتو ورجعت تهنيت دك
صدمتو غير تزيد وهو يشوف فيها يكذب كون يقول معجباتوش جرأتها وشجاعتها ؛ هز يدو جبد آلكول من فاست تاعو وحطلها على الجرح تفاجئت كي شافتو هاز معدات طبية
ايرين:وش دير بيهم
ريفان:نداوي بيهم الحيوانات ! لالا نزطل بيهم خير..
سكتت وكمل يحكي شفتك قبيل ونتي مجروحة
ايرين:يسما جيت وانت تعرف انو انا هنا ومجروحة علااه دير هك وانا منعرفش انو ريفان ناصري من نوع لي يهتم
ريفان:طلعتي تعرفي بزااف حوايج عليا
ايرين:كاين بزاف يحكو عليك ومعروف فلجامعة
ريفان:اسمك واش؟
ايرين:ايرين
ريفان:امممم ايرين اسمك غريب
ايرين:مام اسمك مش عربي
ريفان:تعرفي انو امي اميريكية
ايرين:اااه ايه سيدة الاعمال
تبسم باستهزاء وهاد الشي خلاها تعقد حواجبها ؛كمل دارلها لبونداج وشاف فيها
ريفان:ايرين
قال اسمها بصوت خلا قلبها يدق اول مرة واحد يقولو بهاد طريقة و صوتو المليان رجوولة
ريفان:حابة تقولي حاجة
ايرين:كل مانشوفك نخاف
ريفان:ههههههه
ضحك ضحكة خطفت قلبها معاها وخلاتها تيه فيه
ريفان:يعني ماخوفكش الذيب نخوفك انا ؟ ههه غريبة صح نتي
ايرين:كمية الشر والخير لي فيك كبيرة تخلي الانسان لي قدامك يشوف فيك كمية الحنانة مع الحقد والكره فنفس الوقت
بلع ريفو وشاف فيها مصدوم
ريفان:كفاه قادرة تعرفيني بهاد الدقة حتى اقرب الناس ليا ميقدروش
ايرين:تصرفاتك المتناقضة كانو جاي بين دفتين جهة تجر فيك باش تكون قاسي وتبث فيك الشر وودفة تخليك تكون حنين وتحس بالناس
تنهد ريفان':قارية علم نفس انتي بسيكولوق؟
ايرين:ههه لالا ادارة اعمال
ريفان:تليق عليك شوفي ايرين نقلك  انا نظن انو جانبي السيء طاغي فيا على الجانب الخير في وقت لازم يختفي فالدفة الاجتماعية لي انا فيها
ايرين:لازم تنحي الحقد من قلبك وتعيش كما انت او رح تخسر روحك بالدرجة الاولى حتى الناس لي وصلاتك لهنا مراحش تنفعك وانت آخر همها لو كانت تحبك وتحبلك الخير مآذاتكش باش توصل تحقد هك
ريفان كلامها دخل قلبو ولامستو بشدة معلبالوش علاه حاب يحكيلها ويفرغ قلبو ليها اما هي تكملت ونهات حديثها معاه لي مزال مشبعش منو
ايرين:الوقت تأخر خلينا نرجعو وشكرا على الاسعافات
ريفان:العفو
مشات ومشى هو وراها رغم بساطتها اما تتحب وكلامها يريح الانسان ؛قبل مايلحقو بشوي للمخيم دارت ليه
ايرين:خليك بعيد عليا رح تكونلك فضيحة
طلع حاجبو ولا مرة فحياتو وحدة قاتلو انو لازم يبعد عليها
ريفان:علاه؟علاه انا قريب ليك ههه
عاود لنفس طبيعتو الفضة
ايرين:لااا حتى باش تحكي معايا صحابك ميعجبهمش لحال وانت متحبش تنزل لمستوى كيما قالها صاحبك بونوي
كان رح يحكي اما راحت وخلاتو حك راسو ودخل لخيمتو ليلة كل وهو يتقلب ويتفكر فكلامها لي قدر يمس مشاعرو لي دافنها
غير جات فبلاصتها طلعت معصمها تشوف فيه تبسمت وغمضت عينيها تسترجع فريحتو لي سكنت داخلها وتتذكر فضحكتو ؛فتحت عينيها وبدات تحرك فراسها يمين ويسار
ايرين:لالا ايرين لالا خليك بعيدة علييه رح تتأذاي ورح تقطعي الامل على نفسك ..ايه رح نبعد عليه ونخليه بعيد عليا ..دارت على جنبها ورقدت بلاماتحاول تخمم
ناضو صباح اليوم رح يزيدو يشوفو مناطق جدد هدي لمرة خيرت تروح مع مجموعة اخرى وهو شافها مي مدار والو ..راحت وجرت معاها وفاء لي حابة تروح مع مجموعة سامي تبسم كي عرف انو تتجاهل فيه ...طول اليوم مجاتش فوجهو حتى فليل تعشات وبقات بعيدة مع صحبتها انذار واضح ليه ...فليل راح لنفس لبلاصة ملقاهاش شعور اقوى منو خلاه يجي ويحوس يحكي معاها اما شي ملقاهاش رجع لخيمتو وهو فايت على خيمتها شافها ورجع لبلاصتو ..مدة اربع ايام نفس الشي مخلية مسافة مش حابة تخلي حتى مشاعر تكون ليه ...من اول يوم شافتو فيه فلجامعة سحرها بابتسامتو وعيونو اما فيسع فاقت لروحها ونساتو او حاولت تتناساه ومتخممش فيه...ودك غير ولا يحكي معاها بعدت ومخلاتلوش فرصة...ومعطاتش فرصة لنفسها تغوص فشي علبالها نهايتو
ريفان تان تجاهلها ومحبش يخلي نفسو يخمم فيها اما كلامها يتسلل لعقلو ديماا انسانة قدرت تقراه وهو كتاب مغلق باصفااد كفاه قدرت تحلهم وتقراه بلاما يكونو حديث مع بعض من قبل اما في دقايق قرات وش داخلو
اليوم فالليل تجمعو الكل ودارو دائرة كبييرة وقررو يلعبو اكسيو فيريتي من لول محبتش اما وفاء جرتها وقعدتها معاهم
بداو الكل يلعبو وكل مرة في واحد جااات في سامي سقساه طرف اوخر
-اكسيو ولا فريتي
سامي:فريتي
-اكثر شي مستحيل تخمم فيه
سامي:زواج ولحب اااععع
سمعاتو وفاء عوجت شفايفها وهو دور راسو ليها وغمزها حمارت بكلها
دورو القرعة جات فسوزي
-سوزي اكسيو فريتي
سوزي:فريتي
-حاجة حابتها بشدة وهي نامبر وان فحياتك
سوزي"امممم ريڥاان
قلب منها عينيه ودور راسو يشوف فإيرين تفحص فيه ومنبعد هبطت عينيها
سامي:هااا ناس لحية وانا مغبون ياايما زهري وين دفنتيه ااايما
ضحكت عليه وفاء حتى غاس سامي فضحكتها ومنبعد فاق بروحو
سامي:هيا هيا كملو
دورو القرعة جات فإيرين ،
تبسم ريفان وحكى :انا نسقسيها ،
دارو ليه لكل كي حكى وهي رجفت ، بقاو يشوفو فيه الكل لانو مكانش حاب يلعب وكفاه هي بالذات قرب منو سامي وهمسلو
سامي:وش قصتك مع ستيتش احبيبي متغامرش بينا
ريفان:بلع
حط سامي يدو على خدو ويحرك فراسو كي لعجايز :روح اصاحبي روح سحروك والله سحروك ووخذونا فيك
ريفان:اكسيو ولا فريتي
ايرين لزت على قبضتها وتمتمت:اكيد مش فريتي
ايرين:اكسيو
ابتسامتو وساعت وهو يشوف فيها بخبث