♧جحيم العشق♧Reflex

💫part49💫

كان واقف عند تلة متكي على طوموبيل الهوا بارد اما هو مش حاس بالبرد ، حاط يديه فجيابو مخلي النسمة تدخل لجواجييه عينيه يشوفو في السما و بالو غايب  ، الانسان لي ديما يضحك ويخلق جو للكل لي ديما مفرح غيرو و كاين واقف غيرو مساند للكل ليوم واقف وحدو محتاج لي يوقف معاه محتاج سند او بالاحرى محتاجها هي محتاج فرصة ؛ليوم بعدما شافها تضحك مع راجل ثاني  و توشاتو و شاف خزرة رجال ليها حس نار الغيرة شعلت فيه تنهد وهو يخمم كفاه كان خايف عليها مالغري يعرف بلي تقدر تحمي نفسها لكن تمنى انو يكون عندو جنحين يهزها ويطير بيها لمكان يكونو فيه غير هوما زوج يخبيها من الناس كل و من كل خطر ،
هذا الشي خلاه يتأكد من مشاعرو و صار متأكد انو يعشق لرض لي تمشي عليها ؛ مش غير ندم على الي ظارو في الماضي او تانيب ضمير لانو جرح طفلة
كان عندو اكثر من ساعة وهو يستنى فيها هو كان عارف انها موش رح تجي اما حب يستنى و يبرد قلبو حتى لو استنى ليل كامل مش حاب يندم مرة ثانية ، عاطيها كل الاحقية فانها متجيش لانو يوم وثقت فيه و سلمتلو نفسها كان ذيب لعب عليها و غدرها و ليوم حاب يصلح غلطتو و يبدا معاها من جديد ، تبسم بمرارة وجا داير يركب في الطموبيل و يستناها فيها ،  اما حبس فآخر لحظة و غمض عينيه  وساعت تبسيمتو و قلبو دق بفرحة تمتم بين شفافو : فوفتي دجاجتي جات هههه
هي كانت لحقت بعدو بشوي وبقات تشوف فيه من بعيد كانت حابة تعرف ادا رح يصبر ويستناها او لا ؛ وهدا الي شافاتو كان يستنى فيها ؛ للحظة فرحت اما كان لازم عليها تفهمو انو الشي لي يتكسر موش بالسهولة يترمم سيرتو القلب و خيانة المشاعر
هبطت و مشات جيهتو لافة يديها عليها من البرد ، تكدب و تقول مش فرحانة كي طلب منها فرصة و منساهاش و لقاتو دك يسنا فيها ، كيفاه لا وهو اول حب في حياتها و الاخير اول دقة حب كانت ليه ، اول واحد قربلها و حط يدو عليها و اول واحد باسها و الطفلة صعيب تنسى اول راحل في حياتها سيرتو اذا تقاست من جيهتو و حبها ليه كان كبير و جرحو اكبر ؛ وقفت و غمضت عينيها تتفكر فلحظاتهم مع بعض ، فلمساتو قبل سنين جسمها رجف ، حلت عينيها وتقدمت لعندو وقفت مقابلاتو 
وفاء : نظن كبرت على هدو التصرفات مسيو سامي
شاف فيها وابتسامة عريضة على وجهو من عينيه باين فرحان بشوفتها و كانو مبقاش مدة يستنى فالبرد و وجهو كان حزين و ملامح الانكسار عليه
سامي: ياارييت نقدر نرجع صغير و نستناك كيف هك و نلقاك و نبدل لي عشناه كل
وفاء:هه اما كي كنت صغير مضيعتش الفرصة باش تكسرني
قرب منها أكثر مد يدو يشد يدها اما يدها حبساتو
وفاء: مكانلاه تقرب اكثر قلت حاب فرصة دونك من الافضل تحكي وش حاب و تقول الفرصة هدي علاه حابها وتخليني نروح معنديش وقت
سامي: ههه ايه حاب فرصة فرصة وحدة  وانا نعرف لوكان مجيتيش راضية حابة تعطيهالي متجيش من فرحتو بجيتها كان غير يضحك و الهدرة تلفتلو نسى وش يقول
شاف فعينيها حاب يقرا وش في مخها اما شي عينيها فارغين باردين و مسمرين فيه ، بلع ريقو دار يديه فجيابو و تنهد
سامي: وفاء نعرف انو غلطت فالماضي كنت كيفي كيف اي شاب طايش عايش حياتو بالطول و العرض خرجات و دخلات ،  طفلة لي تجي عينو فيها يحب يجربها شفتك مختلفة على البنات كل حبيت نلعب و طحت على راسي هههه ،  هدا خطا الصغر اما صدقيني تغيرت و مبقيتش سامي القديم الطايش ، صدقيني بفضلك تبدلت ، ههه تعرفي سكنتيلي عقلي سنين هدو كل ، انا لي ميهمني والو و منحسش كنتي ضميري الميت حييتيه و سكنتي فيه ، وفاء سامحيني على لي درتو متخلينيش نتعذب اكثر و.. شافت فيه مليح و هو يحكي مركزة مع كل كلمة قال و قاطعاتو
وفاء:اوك سامحتك ، حاب السماح باش تعفي ضميرك من العذاب سامحتك ، وغيرو
زفر و قرب منها اكثر  ،حط يديه فوق كتافها مش فاهم علاه شخصيتها هك مش قادر يلقى وفاء الي يعرفها ولا حتى شوي منها فكتلة الجليد لي قدامو ، اوك غلط معاها و جرحها لكن ميظنش انو هو السبب في كل هاد البرود
سامي : كفاه قادرة تكوني بهاد البرود علاه عينيك مفيهمش حياة و باردين هك ،  كنت نعرف انو انتي عندك مشاعر ليا من اول الرحلة ومن اول ماقربتك وفوق هك زدت قريت كلماتك لي كتبتيهم  ليا ومخبيتهم زعما نسيتيني هههه يعني انا وليت منهمكش هدا  الشي لي تقصديه بطريقة تعاملك معايا و نظراتك هههه اففففف وفاااء وش لي خلاك تولي هك وش لي بدلك بعيدا عني انا و كلشي انتي شبيك وش صرا معاك خليني نعاونك
كانت تشوف فعينيه و تحلل في كل كلمة قالها يسمى كان يعرف بمشاعرها و هكداك دار الي دار و جرحها و نظرة انكسار بانت على وجهها
وفاء : ههه راك تقول بالرغم من انك كنت تعرف بمشاعري  جرحتني وهنتني
سامي: #### وي كنت نعرف و يوم حكيت هكداك كنت نعرف انو رح تسمعي و وقتها مكنتش حاس بشي ليك او كنت اعمى ايه كنت اعمى ، اعمى عليك و على مشاعري و على ### كلشي ،  لكن وقت فقت و شفت عيونك عرفت اني درت اكبر غلطة فحياتي ، لا غلطة حياتي ، كان يحكي و يرجف و يتحرك يدير في ردات افعال و حركات عفوية من الشي لي يحس بيه و انو رح يخسرها ، حكم وجهها بين يديه ،
- وقتها حبيت نصلح غلطتي حبيت نكون معاك و و و حوست عليك ايه ، حوست عليك في الغابة  شبر بشبر اما انتي اختفيتي ؛ السنين هدو كل حوست عليك مع ريف اما ملقيتكش وفاء انتي مفارقتيش احلامي انتي مفارقتينيش ولا ثاانية كنت نشرب و نسكر باش ننساك للحظات ههه لكن كنت نشوفك في كل وجه
وفاء: هههه و دك واااش وفاء الي تعرفها الي تحوس عليها مكانش ماتت يوم جماعتك قتلو اغلى معندها
سامي: اعطيني فرصة فرصة وحدة ورح نوريلك سامي اوووخر واكثر من هك رح نعوضك على كلشي
انا قررت نعطي لقلبي حياة اخرى وفاء ، للبنت الي شغلت تفكيري و سكنت قلبي وحتى ومجيتيش هاد ليلة مكنتش مسلم فيك و رح نبقى موراك لاخر نفس فيا حتى نفوز بقلبك كيما فزتي بقلبي و اعرفي اني راح ندير اي شي باش نخرجك من هداك المكان الوسخ الي انتي فيه ، بعدت يديه من وجهها و صاحت فيه
وفاء: المكان الوسخ لي تحكي عليه هو الي حماني وعطالي هوية و شخصية ...وقت لي راحو كل هديك لعيلة عطاتلي قوة و وقفت معايا
سامي: اما قوة تحكي علييها مش شايفة انهم استغلووك لمصالحهم الشخصية ، مش شايفة انك أداة بين يديهم ، سلاح يستخدمو فيه وشبيه ### ، و منظنش انو كاين لي وقف معاك من غير ايرينا ،
بلعت ريقها و قشعريرة سرات فجسدها لانها تعرف انو نص كلامو صحيح ، ايرين خلاتها يدها اليمين ،
سامي :  او شكون لي راح علاه ديما ترددي فكلمة قتلتوها و جماعتي على شكون تحكي وفاء
وفاء:على عايلة الناصري لي انت كي الذيل تاعهم
العايلة الي هي السبب فمقتل والديا و الي انا سكتت و منتقمتش منها بسبب ايرين
شد في راسو مصدوم يدور في بلاصتو قدامها مش مامن لي يسمع فيه
ريفان:لالا لالا ههههه مستحيل مستحيل يكونو عايلتي ، علاه رح يقتلوها هي وش دخلها معندها حتى ذنب ، عايلتي و عايلتك عداوة بينهم كدولة و مافيا مستحيل يأذوها و عداوتي مع باباك محذرهم من انهم يدخلو فيها
ايرين: هكا بابا قالي و مستحيل يكدب في شي هك ، هجمو علينا و م مرحموهاش و حتى عايلة وفاء راحو ضحية
ريف:باباك ؟ ومصدقاتو ؟ #### بيا يمكن منيش تابعهم و خارج مجال خدمتهم الا اني نعرفهم ميديروهاش مستحيل يقتلو نسا خاطيين و عايلات المجرمين ، انا الي #### الدنيا و خارج على القانون و منغلطش هك
مركزتش مع اخر كلامو و ضيقت عينيها فيه
ايرين : بفمك قلت المظاهر خداعة و الشرطة تقدر تكون أكبر كدبة نعيشوها ، زفر و وقف قدامها
ريفان : حكيلي وقتاش ماتت و كفاه
ايرين: آخر يوم فالرحلة
ريفان: علبيها رحتي بهديك الطريقة؟ و اختفيتي
ايرين: ايه ، بدات تحكيلو من وقت لحقها خالد و داها لدارهم لكلشي ، يشوف معاها كفاه مكبشة في لفاست تاعو و كابسة عليها ، منزلة راسها و عينيها بقاو فلرض ، كانو تاقلمت مع الذكريات هدو و دموعها جفو عليهم
ايرين: من يومها قررت ندخل لعالم الظلام ، للمافيا و وليت تحت رحمة بابا ، دربت اكثر و قسيت قلبي دخلت للمافيا و تبدل كلشي فيا لكن كل مرة نفشل فيها و نخسر عملية هك تكون النتيجة و اشرتلو على جسمها لي بدات تختفي منو سيكاتريس مش كيما شافهم اول مرة 
هي كانت تحكي و هو يحس الدم طلعلو و يغلي فصدرو ؛هي تحكي بتلقائية و بكل عفوية كانها لقات فرصة تفرغ لي الداخل لقات عبد يسمعها بلا ميقاطعها او يصغر من المها ، اما هو كان يتوجع و يعيش فألمها و يخمم فيها وقت تصدمت بموت امها ، وقت يعذبها منصف كل مرة ؛ بدون سابق انذار قدم ليها بسرعة و طبس قدامها حضنها بقوة دخلها بين ضلوعو ، رمشت ورا بعض فاجئها بالجاست لي دار و متوقعاتوش ، تبسمت و دخلت راسها في رقبتو و طلقت العنان لدموعها ينزلو ، هو معرفش يعبر على الي حسو بالكلام و لقى حضنو الوحيد لي يقدر يواسيها بيه و يقولها بيه انا هنا و معاك و منخليكش و ديما رح نحميك ، معرفش انو الشي لي دارو اربع سنين و هي تحوس عليه ، واحد يحس بيها و يخبيها  عندو ميحكيش يسمعلها برك يحسسها انها مش نكرة وحيدة مجرد اسم و جسم ، لي يلف ضعفها و يحتويه ، حست انو تقدر تكون ايرين البنت ، الانثى ، ستيتش لي يعرفها هو لي عندها شكون يوقف معاها و يحميها  مش المرأة المحاربة الفولاذية الي وحدها  و ديما لازم تكون قوية و الضعف مكانش في قاموسها ، قوية حتى قدام ظلها ، كبشت فيه بيد و خلات دموعها يرنخو رقبتو و يشكولو ؛ دموعها حرقوه لكن يعرف بيهم تفضفض و ترتاح
مدة و نطق بصوت صارم يأكد بيه على كل كلمة يقول
ريفان: وعد ايرينا وعد رح نجيبلك انتقامك بيدي صدقيني كل واحد عندو يد في عذابك ايا كان رح يخلص ، السنين لي حرموك من انك تعيشيهم رح نخليهم يخلصوهم دوبل رح نعوضك و لو كان اخر شي ندير في حياتي وعد
حس بيها تبسمت فرقبتو ، و اخيرا لقاتو ، لقات الانسان لي يقدر يحارب الكل علجالها لقات فارسها لي يوقف في وجه الكل