♧جحيم العشق♧Reflex

🔱Part22🔱

بدا يحل فعينيه يحوس يفطن بالسيف حطت شفافها جنب شفافو وباستو بوسات متقطعة مش قادرة تبعد صونات الساعة فيدها طاحت دمعتها على خدو
ايرين:لحق وقت الفراق  حبيبي
رعش من كلمة حبيبي بدا يفطن وهي حست بيه تبسمت بانكسار والدموع فعينيها، جبدت ابرة تانية و ضربتهالو ، حضناتو راسو على صدرها دموعها بداو يطيحو  حس بيهم حاول يفتح عينيه لكنو شي أقوى منو الابرة التانية هي لي مفعولها أثر عليه اكثر من الاولى ،  شدت وجهو بين يديها و بدات تبوس فيه من كل بلاصة يحس فدموعها جمر يحرقو في وجهو ،
ايرين : روحي لحق وقت الفراق لمرة تانية
رعش من كلمة روحي و بلع ريقو ، بعدت عليه فتحت الباب لكن رجليها خانوها و رجعت ليه ترمات فحضنو تحس بثورة ناضت فصدرها ، قلبها يحرق نزااع كبيير بين قلبها وعقلها ؛عقلها يقلها امشي و ماتتلفتيش اللور  وقلبها راذخ وحالف لا يهدا و لا يهنيها ، كيف الطفل لي شاد فامو ومش حاب يطلقها ولا يبعد عليها تبكي بالصوت ؛ ريفان مبقاش قادر يقاوم اكثر و حركتو تشلت كليا و تغمضو عينيه و صوتها يحس فيه بعييد ، لاصقة فيه و محاوطتو بيديها كيف اللي محضن  عزيزو الميت و مش قادر يفارقو تبكي و تحكي
ايرين : نحبك و الله نعشق فيك ، منحبش نبعد اااه يا ربي ، يا ريتني مشفتكش يا ريت القدر ماحطكش قدامي ليوم ، بعدت عليه و وقفت تمسح فدموعها  سامحني سااامحني مش بقصدي اما كان لازمني نسرق لحظة معاك تساندني في ايامي السودا ، لازم تنسى هدو اللحظات لازم ؛ تلفتتلو شافت فيه شوفة اخيرة وهو مغمض عينيه مش حاس  ؛  هزت كاسكيطتها من لرض تلفتتلو بظهرها عدلت روحها ؛ مسحت دموعها رجعت نظرتها الحادة و المرة هدي حلفت ماتتلفتش ليه خرجت جسد بلا روح  ؛ مخلية قلبها عند مالكو ؛ حالتها من داخل مدمرة اما وجهها رجع لجمودو السابق دارت ضو بتليفونها مزية مرجعش الضو ربع ساعة كانت كافية انو تخليها منومة مغناطسيااا و متحسش على الوقت من جهة حستها ثوان ومشبعتش منو  و من جهة حستها لحظة مالانهاية نسات الوقت و كلشي و هي معاه
زربت فخطواتها وهي تضرب وتتخطى لي يجي قدامها ؛ غير خرجت من لباب مشاات خطوات بعدت وين واحد مايشوفها تنفست من اعماق قلبها كأنو كان مقطوعلها نفس ، و مقدرتش تكمل تمثل تحبس فدموعها اما شهقتها غالبتها و طاحت على ركابيها تبكي بالصوت ، وفاء عندها حق حبها ليه حب غير منطقي يجرح كثر مايداوي في بعدو و في مشاعر من جهتها فقط
وفاء تسمرت وقناعها سقط قدامو و هي تشوف فنظرة سامي ليها ، نظرة دخلت اعماقها و شلتها ؛ فاقت من سرحتها على صوتو لي هاجم سمعها و اسئلتو الفجائية لي زادت صدمتها اكثر
سامي : وفاء !  انتي وين كنتي كل هدو سنين هاا وين رحتي علاه اختفيتو و انقطعت اخباركم ، احكي
بلعت ريقها ؛ تفكرت اخر شي سمعاتو منو لزت على قبضتها ، غمضت عينيها فتحتهم رجعت نظرة القوة ليهم 
وفاء: وفاء ؟ ديزولي مسيو راك غالط شراب خلطلك في لبارماتر تاعك و تخلطولك لبنات نظن
سامي : !!!!!!
هو مستحيل يغلط فيها صورتها طول الوقت بين عينيه مستحيل ينسى بنت كانت محور تفكيرو طول هدي السنين يغلط فاسمو و ميغلطش في معذبة ضميرو ، مي علاه تكدب و علاه رافضة تعترفلو انها هي !  نظرتها من لحظات نفسها نظرة وفاء لي يعرف مش راح يتكلخ فيها ،  لكن النظرة القاسية هدي علاه مبشعة وجهها وين راحت نظرتها البريئة و بسمتها لي تحيي الميت البراءة لي شعلت الضو على ضميرو خلاتو يأنبو و كل ميفيق و يرقد جرحو ليها يوجعو فقلبو طول هاد سنين ؛قرب خطوات حتى ضغطت على التلفون فيدها
وفاء: ااي وين جاي وش دير انت
سامي :علاه تتهربي مني محال نغلط فيك ولا  فاسمك انا مستحيل ننساك ولا ننسى وجهك
الكلمات كانو صدمة ليها قلبها رجف فوسط صدرها ؛حاولت تبعد عينيها عليه باش ماتصدقوش ويغدرها كيف اول مرة يكفيها ماتوجعت لازم تفطن وتبعد ؛ مشات خطوات ليه بقى يشوف فيه حاس انو مبدلة وبزااف برائتها مكانش ملامح قاسية خطوات جريئة ؛ صحيح هدي مش وفاء لي يعرف رمات يدها لجيبها لوراني جبدت بوات صغيرة غير قربت منو ؛ رشت على وجهو غاز و بكمية كبيرة خلا عينيه يحرقو
سامي:ااااااه  ### وفاء وشبيه ### علاه درتي هك مسمعش حسها ، وفاء متروحيش لازم نحكي معاك ااا### كفاه تبدلتي لهكدا
حاول يحل عينيه اما يحرقو وبدا يفقد الوعي و طاح سلاح من يدو
سامي : لازم تسمعيني
تشوف فيه وتتبسم  صونات ساعتها فيدها تنهدت وهي تشوف فيه يطيح مغمى عليه ؛ جات ماشية اما حبست عضت على شفتها وهمست : مكانش ضرر
مشات جيهتو مش متأكدة من خطوتها كأنو تكابر قربت منو هزتلو راسو حتى قابلها شبه مغمى عليه قربت منو وحطت شفافها على شفافو غير تلامسو ضربت كورون في جسمها و قلبها ؛باستو بوسة خفيفة بحكم متعرفش وكملتها بعضة خلات دم يسيح منهم وهو مغمض عينيه وهي تتلذذ بيه ( حرام صحبتها تبوس و تغتصب و هي تبقى محرومة شوي عدل 😂)
وفاء:مش غير انت تستغل الناس
بعدت عليه شوي ناضت وضرباتو بين رجليه حتى تكمش تبسمتلو بعثتلو بوسة فلهوا وخرجت قبل مايسقط ماسك قوتها
وفاء:رح يجي يوم وتندم يا سامي
تنهدت وخرجت تحس دقات قلبها قواو نفس الوجع لي حساتو قبل سنين وقت الخذلان و المراهقة المتأخرة تاعها ؛ مشاعر كانت دافنتها غير قربت منو ولمساتو تحركت وعاودت ظهرت ؛ خرجت و بعدت على الباب تشوف فيها قاعدة على الارض وتبكي حاسة بيها وحاسة بوجيعتها ;حضنتها ملور وسمحت لدموعها يغسلو وجعها هي ثان في زوج مقدروش يحكو ؛كفاه يحكو وقلوبهم تبكي دم ووجعهم حافظينو من سنين ؛كأنو الوجع مقدرلهم ؛فالوقت لي سامي دايخ وريفان راقد لفوق مش حاسين بشي حتى عاود رجع الحارس لعند سامي و شافو  ؛ نادى للرحال و طلقو انذار و استنفرت الحالة تم ؛ غير سمعو الانذار ناضت وفاء
وفاء:ايرين خلينا نروحو رح نوقعو فمشاكل
ركزت يديها على لرض تسترجع فقوتها ؛ناضت مسحت عينيها وتبعت وفاء؛ وفاء ساقت وفي زوج ساكتين مقدرو يحكو حتى شي ؛غير لحقو للفيلا بقاو يمشو عادي كأنو ماصار شي وخالد يتبع فيهم من فوق حاط قارو فيدو ويتكيف مضيق عينيه فيهم ؛
خالد:هممم وش صايرلهم ثان
كمبوزا نيميرو وعيط :وين كانو؟
****
خالد:هممم اوك
غلق تلفون ويتبسم و هو يتفكر فحالتهم لي دخلو بيها : ديزولي اميرتي الصغيرة نظن تفتحو جروحك حتى تروحي للبار هممم
دخلت لشمبرتها تشوف فروحها فلمراية قربت منهها وتتحسس فشفافها
ايرين:شفتو واخيرااا شفتو وغطست فريحتو ومسيتو ؛اما علاش كاين وجع اكبر من اول مرة علااه نحس بالهوا مكانش ااااه ياربي عاونني نتجاوزو منيش متحملة هدا الوجع كلو
ممشات جهة السرير اول مرة ترقد بلاتريكوه
ايرين:ليوم مش رح نرقد بتريكوك يكفي انو ريحتك لاصقة فحوايجي وفيا واخييرا عشت الحلم ودك ملامحك عاودو وضاحولي وخشمي ستجدت فيه ريحتك اااااه ياريفان اااه نتمنى تسامحني ؛حضنت روحها وبقات تبكي بسكات قوتها راحت ومبقاتش ايرين القوية كفاه ونقطة ضعفها فالدنيا كانت بين يديها وهربت منها ؛وفاء تتلمس فشفافها وتتذكر فكلامو وانو تفكرها تكدب كون تقول مفرحتش ؛تمنات تسمعو اما شي ماراح يفرق دك وقلبها قسى ..
بعد ما مرت مدة كان ناض سامي وقت تفكر وش صرا هاااج يكسر فكلشي يجي قدامو وزاد هاج وقت ملقاهاش
سامي:كانت قدامي #### كانت قداامي ومقدرتش نحكي اااااا
تلفت للحارس لي قدامو : وينو ريفان
-لقيناه مغمى عليه لفوق نظن عطاوه دوا ولا شارب بزااف
سامي:مدام كانت وفاء هنا اكيد تكون ايرينا لي دارت هكاك اما علاااه وشمن سر مخبيينو وعلاه هدا التغيير وعلاه هربو وراحو نقولو وفاء بيسك مجروحة مني اما ايرين علاه اففففف ليلة كلبة
ااااااخ عطاتني ضربة صحيحة قريب روحتلي الموتور ### من وكتاه ولات هك هدي ملقات غير المستقبل حبت توخذني فيه هدا كامل غل اففف
طلع لفوق وين لقى ريفان يحطولو فلقلاص باش يفطن
سامي : من وكيت يحكم فيه المخذر هذا !! باين فيها عطاتو جرعات بزاف و قاويين ، مالف كي الداب ميحكمش فيه ولا لانو كان شارب و مكثر فلادوز ، نفخ وشاف فيه حالتو مفرفشة بكلها ضيق عينيه فيه وطلع حاجبو : ### شبيه هذا وشبيها حالتو ### هك ، اااه يا صوفي و تشوفي المغبون تاع ولدك اااه يا صوفي و ديري عليا بركوكس حار