♧جحيم العشق♧Reflex

💫53💫

ايرين كانت على اعصابها حتى جااها ميساج من ريف يطمنها فيه :" ارتاحي و متتقلقيش وفاء فأمانتي و تحت حمايتي"
تنفست بارياحية و تطمنت عليها ،ريف موش راح يخليها تتقاس او تتاذى هي واثقة فيه و مدام عندو شي مايقربلها ، حطت راسها على لمخدة وبقات تتذكر فيه و هدا وين فاقت بواش كانت تحكي و دير حمارو خدودها تحس بكلشي يرجف فيها غطات وجهها بيديها، كي تكون معاه عقلها يغيب
ايرين : انا هبلت قريب اغتصبتو حلت فمها قتلوو املكني ! و وو ... و بستووو نحيتلو قشو وووو...
ياربي شكون لي كانت معاه اكيد موش انا ، خصني ذنوب نكمل نديرها في الحرام مع ريف دك ، تقلبت في فراشها شاف كلشي و دار كلشي وش بقى غير .. و نحكي على الحرام ضربت راسها بكف يدها ، تقلبت على ظهرها تشوف في السقف
و تفكرت كلام الخدامة الي مقدرتش تركز معاه كي كانت خايفة على وفاء ، قصدو ريف! ريفان ناصري، الكلام هداك عليه! تطلع و تهبط ، غرق في الظلام اكثر ؟! خارج القانون! عدائو لعايلتو وصل لهاد الدرجة ، هدا لي قصدو بظلامو و جحيمو ! تفكرت رجالو و لبسهم دا الصفقتين و السلعة كل ....
هي كانت لحقوها معلومات على المافيا لي حكاو عليها ، انها الخلية و اساس الشبكة ، ضيقة و تخدم لروحها، و ميربطها والو مع المافيا الاخرى موش بانية اي علاقات جابدة و سرية تظهر وقت تحب ، و لقات اميهمهاش في المافيا الاخرى الي يهمها تستحوذ على ربح ليها و تركع الباقي ، قدرت تلحق حتى لبعض الصفقات الي خربوهم و داوهم و عاودو صدروهم ، هدا لي قدرت تلحقلو بلاما يعلم منصف و خالد ، اما ريفان!!!! نسات عليه و نسات انو هو الي دا صفقتهم و كان ليلتها ثم ، يمكن على هدي اسمها غريب !! اي شي يتعلق بيه اغرب منو ميكونش، ادا باباها عرف وش يدير! ،
هي دك وش دير هي مكانتش عارفة انو مظلم لهدي الدرجة كيفو كيف عايلتها، متظنش انها تقدر تتقبل الحقيقة هدي
تفكرت وفاء علاه مصريين يديو كلشي تحبو و تعزو، للحظة تفكرتهم وناضت عينيها يقدحو بالنار
ايرين: وجدو رواحكم للعاصفة ..انت ربيت عاصفة يامنصف ورح تعصف بيكم وتندمكم على كلشي درتوه وعد ، و انت ريف يلزم تفهمني، هههه او يمكن موش لازم، تنهدت نحب نرتاح و نبعد على المستنقع الي انا فيه موش نغرق اكثر نكمل الي بديتو و نطبق الي خططتو من قبل و نروح وحدي منيش راح نحرم وفاء من الشي الوحيد لي تحتاجو في حياتها
واقفين عند باب غرفة العمليات كل واحد يدو على قلبو رجال ريف تزرعو في المنطقة كل و بدا الهمس و التساؤلات شكون هدو و علاه؟! سياسيين و اكبر الاسماء و مشافوش عليهم شي هك
وفاء عينيها يشوفو فلفراغ تحسها بلاروح ، فراس رايح وجاي مقدر يحكم بلاصة، وريف حاط راسو بين يديه ؛يتذكر فوعودهم لبعض ذكرياتهم ديما كان هو وياه واحد عاهدو بعضهم موش باش يخلو بعض يتذكر انو الوحيد لي خلاه يضحك و يقدر يفضفضلو و الوحيد لي يقدر يكون معاه على طبيعتو و يتحملو بتقلباتو و شخصيتو المخلطة و دخلت ايرين لحياتو و صارو سامي و فراس و ايرين اعز ناس ليه يكون معاهم ريف برك ؛ مش قادر يتخيل حياتو بلا رفيقو و خوه لي عطاتهولو الدنيا وقف ضرب الحيط ؛
فراس موش قل منو سامي كان كتفو لي يوقف بيه يوم كان وحدو هو لي عطاه يدو ودخلو لجماعتهم و عرفو على ريف لي رحب بيه خلاه بقيمة سامي عندو و دارو سند يدو اليسار ؛
كل الرجاال كانو يروحو ويجو يسقسو لانو ببساطة سامي ولا مرة عاملهم كيف خدامين او بطبقية و انو رئيسهم، لا بلعكس كان صديق الكل ، خرجت الفرملية تجري
-دم نحتاجو دم بسرعة
تنطر ريف وحكى: انا انا عندي نفس زمرتو
- اوك مسيو تفضل معانا اووو مسيو شارب كحول او لا
هبط راسو ويلعن في روحو : للاسف شارب و دار يضرب في الحيط موراه خافت و رجعت بخطواتها اللور
- لاااازم دم نقي موووسيو
فراس: الرجال هنا دك نشوف لي عندو نفس الزمرة و راح يجري
بعد مدة خرجو الفرمليات يجرو وقف وحدة منهم ريف
: وااش كاين وشبييه ####
- مسيو حالتو خطيرة و قلبو توقف صراحة نسبة نجاتو ضئيلة وو
- ريف : #### بيا اووقسييم يصرالو شي نحرقكم و نحرق لوبيتال بلي فيه يا #### منصف موتك على يدي يا ####
شدو فراس بعدو عليهم و يهدي فيه
ساعة ورا ساعة قلبها ينبض بوجع اكثر و حالتها حالة و الي سمعاتو زاد قتلها في الحياة تبسمت بمرارة وتمتمت :محاال نخليك تروح وحدك مش رح تخرج منا مالا انا الي نجي معاك سامي
مشات من قدامهم بلامايحسو عليها ، تخمم في حياتها كل طوول عمرها مشافتش النور فحياتها كلشي تحبو وتحلم بيه يطير من بين يديها كانت تمثل القوة اما دك بعد ماجا سامي بين يديها و حماها و راح و خلاها راحت قوتها ؛طلعت فوق السطح وقفت على الحافة تنفست بعمق تشوف بعييد
وفاء:انت موفيتش بوعدك ورح تخليني اما انا موش بش نخليك يانعيشو كيف كيف يا نموتو مع بعض ههه شوف زهري حتى وقت اعترفتلي بحبك رحت و مكملتش الفرحة ؛مستحيل نتقبل لحياة بلابيك سامي انا أنا نحبك ؛
رمات رجلها لولى كانت رح تطيح اما حست بيد شدتها من وسطها دورتها وجبدتها ليها تحس بحضن دافي محتويها
وفاء:سامي انت جييت سااامي ، صاح فيها
فراس:علاااه درتي هكااا موووش حرام عليك، ناقصين حنا يا #### راكي امانتو عندنا و من ليوم تحت حمايتنا حمايتي