♧جحيم العشق♧Reflex

⚜️Part32⚜️

تشوف مع المراية و عينيها قريب يخرجو قلبها خلاص راح يطرطق ، لا حركة جامدة عينيها و مش يرمشو ، صوت نفسها القاوي الوحيد المسموع ، تشوف فيه واقف وراها ، تتخيل أكيد مستحيل يكون هو ، دارت كيف الروبو تحاول تتأكد من وجودو هنا و في هاد اللحظة ، هو صح او مجرد خيال رسمولها عقلها كانعكاس في المراية من تفكريها الزايد فيه ، ناسية حالتها و  أنها عريانة كيما خلقها ربي و ناسية كلشي ، دارت و قلبها تقدرو تقولو طاح بين رجليها و همست
ايرين : مستحييييل ، اما حالو مكانش احسن من حالها ، كان اسوء و نسى علاه واقف تم اساسا ، واقف مسمر في بلاصتو متوقعش يشوف 0.00001 ٪ من الشي لي قدامو ، كانو الوقت وقف ، عينيه متنحاوش من عليها سكاناوها من فوق لتحت في لحظات ، و الصدمة بادية على وجهو و عينيه لي تحلو على اخرهم و جسمو الرجفة سرات فيه ، ما لقى ينصدم من انها دك واقفة قدامو عارية مجردة من اي قطعة ملابس  ، الجسم لي اربع سنين و هو معريه في احلامو و مجردو من اي لفة قماش ليوم امامو ، قدامو كيما ولدتها امها ، ما لقا ينصدم من الخريطة لي فيه ، ذرعيها فخاضها كرشها صدرها كلهم مطبوعين بجروح ، عينيه يتبعو في les cicatrices و قلبو يتعصر و كبس على يديه في زوج ، جملة وحدة في راسو لي دار هك راح يشرب من دمو راح يسلكها غااالية يكون وش يكون ، وعات على نفسها و شافت وين يشوف  و تمنات لرض تبلعها و هي تشوف فيه مطرطرق عينيه فيها و عروق رقبتو بارزين فاقت انها بلا قش حست بدنيا تدور بيها مش هذا الي كانت تتمناه يصير مش هك كانت تحب تتلاقاه ، بسرعة دارت عطاتو ظهرها
و تخبات  ورا المراية من الجهة التانية ، زادت على مابيه لعن بين شفافو فتح فاست السورفات ، مسح على وجهو و جبد شعرو بين صباعو طيرو ، مالغري الندوب الا انها في قمة الجاذبية ، و زادت دارت و تحرك كلشي فيها و شعلت نارو اكثر (🤭🤭) أنوثة تقطر جسمها من اللحظة هدي تحفر في ذاكرتو و شي ما يمحيه منها ، رجع على وراه متجه للبالكون لي دخل منو مخليها في تحترق في نار الصدمة لي كمل بيها يومها و لسانو محبسش من سبان و الكلام الباهي ،  كان يتمنى يلقاها و وقت لقاها خططو كل تقلبت ، و رجع حب يندمها ويخلص حرقتو فيها لكن كل مرة درعو قدامها يطيح و تثبتلو انها موجودة باش تجننو و دخلو في بعضاه ، كبس على قبضتو ، علاه قلبو ليها يرف و رغبتو فيها تشعل و العقل قدامها ينحني و الخطط تنسحب ، مش من النوع لي تسيطر عليه رغبتو او يأثرو فيه نسا ، ياما شاف كيفها و رماو رواحهم عليه و مصراش فيه هك ( نكدب رجال كل كلاب 🙄 ) علاه تمنى اللحظة لي قبيل متخلاصش و متروحش هي من بين عينيه و يبقى يتفرج فيها كي شي تمثال الهة يونانية ،  المشاعر هدو دك اكتر شي يمقتو لانهم يخلوه ضعيف قدامها و ينسى حتى اسمو كيما نسى علاه جا عندها ،عاود تفكر جراحها و زاد جن شكون لي تجرأ يقيسها شكون
تسمع في صوت خطواتو لي بعد و باب لبالكون لي تسكر ، تنفست بقوة و هي جسمها مزال يرجف ورجليها مش قادرة توقف عليهم اكتر ، خرجت تلقاه في وجها جات طيح وراها مد يدو مسكها من خصرها بقوة جات لاصقة في صدرو ، تأوهت و هو  عض شفتو شي من ملمس جسمها  و شي من صوتها شاف في عينيها  و تاه في حيرتها و فنفس الوقت استمتع بنظرتها و منظرها برجفتها دك بي يديه ، هذا يأكدلو انو بشوفتها ليه يزعزع حالة قلبها و هذا يخليه يستمتع  ويتنشوا بزهو كبير ( كلب 😐 ) وعات على حالها و هي تخبي وجهها بين يديها و تعيط دارت وراها راح تعاود تتخبا  ( عندها بطئ في الاستيعاب ديروش عليها 😂 ) جبدها ليه  ظهرها على صدرو و لعن
ريفان : حبسي تفرفيط ، ### بزايد و نتي كي البلبل تتحركي هنا و لهيه ####   ## انا ### علاه مطفيتش ### الضو
لف ذراعو على كرشها و لزها ليه و هو يحاول بكل قوتو انو ميشوفش مع المرايا ( هدا يقولولو غض البصر بني متربي 😇 ) حست كورون ضرب فيها من صباع رجليها لشعر راسها و حست بحاجة تانية ( افهمو و لا اقعدو 😂 ) نزل راسو ليها و قرب من وذنها حكا بصوت محشرج شبه مسموع ، صوتو شعرو المبلول و ريحة جال دوش لي استحوذت على نيفها خلاو النار تشعل في قلبها ، سكتت تسمع فيه و هي دايخة مغمضة عينيها تدعي حد مايجي لغرفتها دك و الا الحرب تقوم 
ريفان : هششش حمامتي خليك هادية و بلا تفرفيط ، نبداوها وحدة وحدة ، و اولها هبطي ### يديك من وجهك و الاهم نغطوك لأنو منظرك هك ميسمحش نحكيو و يخليني ###  و نحب نغلط و نظن انك حاسة بحالي و ب ... ، بلعت ريقها تحمار و تخضار و كلمة حمامتي ترن في وذنها خالد الوحيد لي يقولها ، علاه سماها هو تان حمامة !!
طبس بشوية و خلاها طبس معاه هز المنشفة يحس بيها كفاه ترجف و تحاول متبقاش لاصقة فيه ، تبسم على جنب وقفو
ريفان : رح نغمض عينيا اوك اساسا وش شي لي  راح نشوفو ههه ، همس كون نبقا فاتحهم نخرج من مدشنك و خادم لولاد  ، هدا اذا قدرت نخرج ،
بعدها عليه و بدا يلف في المنشفة عليها متعمد يقيس لحمها بصباعو يحرقها كيما حرقاتو ، شعلت و شعل معاها لكن مبينش تشوف مع انعكاسو و مع تفاصيل وجهو يديه المكبوسين عروق رقبتو المزيرين ، شعرو لي طايح على جبهتو ، كانت مجرد طالبة معجبة كفاه وصلت لهاد الحالة من الجنون
ريفان : مدوشة علاه مخلية الباب مفتوح متخافيش ### تمرضي ولا يشوفوك ### تاع الرجال لي لبرا ، حكات بدون وعي
ايرين : و انت تان خرجت في البرد و مخفتش تمرض شوف شعرك مزال يقطر بالما ، فتح عينيه و فلمح البصر لفها ودورها ليه عاودت غمضت عينيها قلب عينيه ، عينيه نزلو لشفافها المنفخين ، ضحك كي تفكر انو سباب لبوتوكس لي يشوف فيه ، طبس عليها لكنو ستقوا على روحو مرة هدي عض شفتو قريب طيرها و بعد خطوتين دار يديه في فجيابو ، تنهد
ريفان : بعدي يديك خلينا نعرفو نحكيو كي ناس إيرينا ، ممم الشي المليح انك مكدبتيش و بدلتيه هو تان
نحات يديها من وجهها بانلو وجهها احمر من الحشمة راح يطرطق بعدت و رجعت بخطواتها حتى تحشرت مع طاولة تم  ؛ كبس على قبضتو فوسط جيبو ، و هو يدقق فالمناطق لي يبانو فيهم الندوب و الدم طلعلو
ايرين : انتا كفااه ... كفااه جيت كفاه قدرت تدخل ، نظام الحماية حد ميقدر يتخطاه ، بعدت شعرها و متوترة ، انا وش نقول انت علاه جيت كون يفيقو بيك رح يقتلوك ريفان كيما دخلت اخرج
ريفان : الجسم هذا محظور على الكل نسمة الهواء و محرم عليها تقيسو ، les traces الوحيدة لي يلزم تكون مطبوعة فيك لي يكونو كيف لي فرقبتك
كرد فعل لا ارادي حطت يدها على البلاصة و هي مطرطقة عينيها فيه ، اوك هدا ناوي على موتها الليلة ولا ناوي يخليها تغرق فيه اكتر ما هي غارقة فيه ، هدا اسلوب تملك و تهديد ، يعتبرها شي خاص بيه ؟!!  شوفاتو ليها حسسوها انها مزال عريانة قدامو اساسا يديه و صباعو لي قاسو لحمها مزال تحس بملمسهم و جسمها مزال يفيبري ، شاف وجهها الاحمر و كفاه مررت يدها على رقبتها و جبدت شعرها لي يقطر عليها و كبست يدها على المنشفة ، تصرفاتها دخلاتو في حيط ، طلع حاجبو منبعد ضيق عينيه فيها ، لز على قبضتو اكثر و خرجت ضحكة ساخرة  منو ، استغربت حركتو هدي و ملامحو لي تبدلو ، نظرة عينيه لي لي ولات تخوف و تحشم لي ميحشمش ، يشوف فيها من فوق لتحت باستهزاء
ريفان:مممم مفهمتش علاه دخلتي المافيا و نتي كنتي قادرة تدخلي التمثيل ، vraiment برافو , كون درتي ممثلة كانت تليق بيك اكتر و ديري تلبوز في دزاير ، علاقل كنا نشوفو ممثل يصلح في التلفزة خير من ### لي حرف بالسيف مينطقوه
حلت فمها طاقة ، هدا وشبيه ، وش قصدو بكلامو و نظراتو المستهزءة علاه ! خرج صوتها متغصور و واطي و عينيها يحلف البراءة لي فيهم حياتو كل مشاف كيفها
ايرين : وش تقصد !!
دارلها بظهرو مش حاب يشوف وجهها ، مش حاب يشوف عينيها ولا شفافها لي يرجفو ، لي يدخلوه فحيط ، و حكى بصراامة : هههه مفهمتيش قصدي ههههه ، لي نعرفو انو اي بوص مافيا يفهمها بالطاير ### بيا
ايرين : RiiiiV
ريفان:ايااااكي تنطقي اسمي اياااكي اسمي يخرج من فمك، وحدة كيفك متليقش تحكي عليا ولا حتى تجبد سيرتي
قلبها تقسم هدا يهاجم فيها مباشرة ، دار شاف فيها
ريفان : لسانك كلاه القط ؟ معندكش جواب هههه و كفاه يكون ليك جوااب ونتي بان وجهك الحقيقي ، الوجه لي كان مخبي بستيتش نزل عينيه على وجهو نظرة انكسار ، الوجه لي كان مخبي بايرين **** المزيفة لي معندهاش وجود ، الكدبة ههه
غاضتها عمرها و من نبرة صوتو و كمية الاستهزاء و السخرية لي فيه اكتر من كلامو الملغم
ايرين : منسمحلكش تحكي عليا و لا تذلني بهاد الطريقة و انت متعرفني متعرف عليا حتى شي ، و ايه كدبت و مثلت وش دخلك و اساسا وش جابك عندي اخرج من شمبرتي اخرج و انت وش تكون
ريفان : غاضك الحال من حقيقة لسانك ينطق فيها ؟
ايرين : اخرج قتلك اخرج من شمبرتي و الا نعيط و نلم عليه لي فالقصر كل و تكون نهايتك هنا ، مش حابة نشوفك معدتش حابة نشوفك فحياتي كل ، مانيش مصدقة انو تفكيرك منحصر هك و بطلت تقرا بين السطور ، اخرج و الا نبدا نعيط اخروووج
تبسم على جنب و قدم خطرة : ههه عيطي
شافت فعينيه نظرة !! جامي شافتها وقت الرحلة او وقت مراقبتها ليه من بعيد في الجامعة بلعت ريقها : اخرج منا
ريفان : امممم و ادا مخرجتش رح تعيطي لباباك و لا السي  خطيبك اااه تفكرت راجلك المستقبلي مكانش ، امم ديزولي نسيت باش نباركلك على زواجك لي مبقالوه و مسح على لحيتو ؛ مممم اما قوليلي زعما السي خطيبك يعرف بلي درتيه ليلة الديسكو ، دار يشوف مع الغرفة و يحك فلحيتو ممم مكانش اثر ليه ، مثلا انا خطيبتي عايشة معايا فنفس الدار و بومبة اكيد منفلتش حتى لحظة من اني نقضيها معاها و ابسط شي ريحتي تكون معمرة غرفتها و يكون اثار دخولي و خروجي عندها واضحين
كبست على المنشفة بين يديها مليح معادتش تتحمل ، هدا وش يحكي وش يقصد ، وشبيه يتلاعب بالكلام هك علاه تحول كان لباس بيه ،  منين عرف بخالد ابتسمت باستهزاء من تخمامها راجل دا اهم شركة عندهم يخفى عليه امر بسيط هك ، مش قادرة تتحرك ومش قادرة تعيط خايفة عليه و يعرف باباها انو عندها هداك اهر يوم فحياتو ؛ وهو مش حاب يحبس من اهاناتو ليها
ريفان : هههههه دوختيني علبالك ،،، تحبي تعرفي شي؟ ، تنهدت و الفشلة تمكنت منها
ايرين : ريف منحبش نعرف حتى حاجة ، اخرج من هنا و بعد من طريقي و على حياتي 
ريفان:هههههه و ادا مبعدتش واااش هااه ..مممم ممكن نسيتي آخر كلام قلتهولك قبل 4سنين معليش نفكرك ،  قتلك يوم نلقاك رح ندخل حياتك حتى و كان بالسيف عليك و نمشيها بقوانيني ، كيما دخلتي نتي لحياتي الغلطة غلطتك و نتي لي جيتي في طريقي و ### قلبتي ### حياتي فااتحملي ، شافت فيه مش مصدقة لي يحكي فيه هدا يحكي من عقلو ! يكرها ولا يحبها !
ههههه تعرفي وش ، لي مدرتلوش حساب هو انتي بحد ذاتك ،، كنت نعرف انو الانسان عملة بوجهين اما بحضورك اسقطت هدي القاعدة و كنتي استثناء مميز في عالمي .. ههه مي فلخر كسرتي نظرتي و بينتي بلي مكانش استثناء و أثبتيلي اني زدت في الظلام و رح نبقى فيه ، يمكن من لول انا الغالط عمرك كنتي نور يمكن انتي هي اكثر نقطة سوداء من فضاء هدا الظلام ! مسح على وجهو بغش بتوتر بعدم فهم لنفسو للشي لي يعيش فيه ، لشي لي وصل ليه ، انا كان بين عينيا مهمة وحدة حاجة وحدة نديرها و مرحبا بالموت بعدها ، لكن نتي ، نتي ماعرف منين خرجتيلي قلبتي كل الموازين و لخبطتي كلشي ، في لحظة طلعتيني لسابع سما و في لحظة دفتيني في سابع ارض ، يمكن لو انك من الاول مخبيتش مكنتش حاصل هنا
تسمع فكل حرف وقلبها يتقطع ؛ ملقات تفرح من جهة انو منساهاش طول هاد المدة كلامو يبين انها ماثرة فيه و انها زرعت بلاصة في حياتو بجذور قوية ، ملقات تحزن و تبكي من نظرتو ليها دك لي حرقتها ، يعني  هدا هو تفكيرو فيها حكم عليها بواش عرف و محاولش يعرف السبب ومحاولش يفهم ؛ تحس فقلبها يتفتت ؛تبسمت بانكسار وش تتوقع انو تكون محظوظة بانسان يحبها ويتفهمها ويحارب علجالها ؛هي اساسا مكانتش مظايرة فبالها انو مزال متفكرها ، علاه حتى تزيد عليها ، ريفان يشوف فيها تاهت و مجاوباتوش كان رح يزيد ينبزها اما عينيها لي فيهم لمعة دمعة و البسمة الميتة خلاوه يتنكس من داخل ويحس انو ظالمها وانو كاين شي مخبي اما كبرياؤو عاميه ؛ او نقولو الشي لي عاشو قبل خلاه يفقد الثقة و الاحساس و حتى الانسانية . قبل مااا يضعف عطاها بظهرو ماشي جهة البالكون
ريفان:ايرين مصطفاوي صح عاودت دخلت حياتك اما رح تندمي لانك اوهمتيني بالنور ، بالسلام بانو نقدر نوثق مرة تانية و نمد يدي لمرأة تشدها ،  لانك قدرتي تخدعيني وقدرتي تلعبي بيا وتخليني خاتم بين ذكرياتك لمدة سنين مش مدة الرحلة هديك برك ، طول السنين حوست عليك على اساس نلقى البنت البريئة لي علمتني نحس و نشوف الدنيا بمنظور تان ،  اما لقيت العكس ، مافيا و بوص ووو اثبتيلي انو مكانش ثقة مكانش امان و كلكم كيف بعض اثبتيلي اني حمار ميفهمش و ميترباش لاني عاودت الغلطة ، على هدا توقعي الاسوء مني ؛ وبالنسبة لجروحك كان لازم يكونو فيك اما مش من عند لي دارهم من عندي ؛ و نقسملك بالرب العالي ايرين مولاهم رح يخلص الضعف وعد ؛ ودك نخليك ، تنسايش رح نتلاقاو و بزاف
تسمع فكل حرف يخرج فيه و كلمة متقدر توصف حالها ، كمية التناقض لي فيه كبيرة لدرجة !!!  مش مأمنة انو ريف تتنفس بيه هو لي يحكي معاها ؛ كلامو سكاكن يقطعو فيها ؛و سؤال يدور و يعاود فراسها ، يوثق مرة تانية عاود الغلطة كلكم كيف بعض ؟!!!! غيير شافتو مشى جهة البالكون حبساتو 
ايرين:ريفااان اما انا مكدبتش عليك لي عشتو معاك كاان حقيقي كلو حقيقي لحظة بلحظة و كلمة و بكلمة ،  لي تشوف فيها دك هي الكدبة ؛ هي الوجه المزيف من العملة لي صنعوه ، على واش تلوم فيا و انت محاولتش تعرف الحقيقة ، مسألتش واش لي صرا ، ريفان انا معرفتكش اناني هك ؛ انا تاني نتعذب اما مش لاني بهاد الوضع ، مش لانو حياتي هك ؛ نتعذب لانو انت تشوفني بهادي الطريقة
انت ماقريتش بين سطور حياتي و حكمت على الغلاف ؛ شفت العنوان حكمت على الكتاب و رميتو ، مشات و قربت منو تقاوم في دموعها ، انت اناني متكبر و متشوفش ابعد من انفك اعمى و اصم ؛ نزلو دموعها هههه حتى الجروح لي فجسمي محبيتش تعرف حكايتهم ، ما أثروش فيك !! محبيتش تعرف كفاه توشمو عليا احكي اااه ،  تظن انو بوص في المافيا كيما تقول توصل تتعذب هك وتركح ااه انطق ؟؟ ههه اصلا وش نتوقع منك ظلام و جحيم وش يجي منو من غير نار تحرق لي يجي قدامها و سراب يبلع لي يفوت عليه  .. حب تنتقم وك انتقم ومرحبا بيك ، اصلا دك ماعاد يفرق معايا شي فحياتي كنت ملاذي الوحيد ههه وشوف دك ههه انا هي النقطة السوداء فهدي الدنيا ورح نبقى هك لآخر نفس فحياتي ... منستاهلش نعيش بكل البساطة و التراب الوحيد لي رح يحتويني بلاما يحب يتفلسف و يتزايد ، برا براااا اخرج اوووخرج