♧جحيم العشق♧Reflex

💫part57💫

غيير سمعت صوت الطبطيب و زيد الهيليكوبتر عرفت انو حبيبها جاا عيطت على ايرين باش تفتح لانو كانت توجد فالصالون
زهرة:ايرين حبيبتي فتحي لباب فتحي هههه ، ضحكت عليها ايرين تحسها قريب ترقص من الفرحة
ايرين:اوك عمتو
مشات جهة لباب  وتكات على جهة و فتحاتو اما فيسع شدتها رجفة من ساسها لراسها و عينيه بقاو مركزين معاه مفتوحين على وسعهم بلا مترمش وهي تشوف فيه بنفس حالتها بااهت فيها ومشوكي نطقو مع بعض
-ايريناا؟ -ريف؟؟

وقت فتحت عليه ماصدقش لي يشوف فيه ايرينا!، الي طريق كل حارق راسو بالتخمام فيها هنا!، كفاه و وين وش هدي الصدفة ،  كانت متفاجئة كثر منو انو قدر يلقاها فهدي البلاصة وهي متاكدة ماقالت لحد و حد ميقدر يشك 0.1 % انهل هنا،  وقت الدهشة قاتلتهم في زوج  فطنتهم زهرة وهي تنادي
زهرة: ايرين حبيبي جاا؟ ههههه وصل حبيب قلبي،
بلعت ريقها وهي تسمع فعمتها ، عمتها تعرفو! حتى طلت عمتها وابتسامتها عريضة على وجهها و ريفان كانو دخل فحيط زهروش تعرف ايرين من وكتاه؟ كفااه ؟
اما مخلاتلوش فرصة يغيس و سخمم اكثر وقت ترمات عليه حضناتو و تبوس في كتفتو و تشم في ريحتو، وهو مكانش من العاكسين غطس راسو فرقبتها يشم في ريحة الجنة و همسلها
ريفان:امي الغالية
غير قالها هك ايرين تحس فروحها طاحت من فوق جرف
بعدت عليه وهي تشوف وراه الطاقم الطبي و فراس و رجال ماليين ساحة دارها واحد في السرير محاوطينو فراملة و هوما يتقابضو ركزت نظرها شهقت وخبطت يدها على صدرها
زهرة :يا وخدتي سامي يا وخدتي على بني وش صرااا لسامي وش صرااا لولدي وخلات دموعها يهبطو  و خرجت تجري لعندهم
ايرين رجليها فشلو من صدمة لاختها
طلت بشوي تشوف فوفاء متركزة بفراس وسامي فالسرير مربوط من كل جهة شهقت وحط يدها على فمها
-لازم ندخلو المريض
زهرة:جيبوه جيبوه وخدتي على وليدي الزين
دخلوه للغرفة وهي تمشي فيهم متناسيين الصدمة لي على وجه ايرين وريفان ؛وفااء غير شافت ايرين راحت تجري ليها تحضن فيها وتبكي
وفاء:كاان رح يروح مني ايرين
ايرين: شششش كلشي رح يكون بخير
وفاء: ايرين منصف و خالد هوما السبب سامحيني اما مش رح يروحو من بين يدي و مستحيل نسكت عليهم و رح نكون مع ريفان في كل خطوة يخطيها ، حكمت وجهها بي يديها و تمسح في دموعها
ايرين: ششش وفاء  رح نكون معاك فكلشي اوك
وفاء:نعرف مدام جيتي لعمتك معناها وصلتي لشي
حركتلها راسها ومشات مع فراس والجماعة وريف العرق البارد ساح معاه وهدرت وفاء ترن في مسمعها عمتك !عمتها ؟؟
شاف فيها وقت طلعت عينيها ليه
ريفان:معليش نفهم وش هدي الخالوطة وش ديري هنا ### كفاه تروحي بلا متخبريني
ايرين: انت لي تفهمني علاه تعيط لعمتي امي؟
ريفان:لانها امي احم قصدي هي مرت عمي
ايرين:كفاااش؟؟ مستحييل
ريفان: المستحيل هو عمتك انو امي من عيلة مصطفاوي ، صاحت فيه
ايرين:استنى استنى  وش تقصد ،  مصطفاوي مهمش عباد
ريفان:هدي الحقيقة مهمش عباد،  العبد الوحيد فيهم انتي و لوكان مجيتيش منهم احسن  ودك فهميني علاه ختفيتي هك اه حابة تجهليني ونهبل حابة #### مخي
بداات صواتهم تعلى حتى جات زهرة وهي تشوف فشرارات تطاير منهم
زهرة:اوه  اوه وشي هدا تعرفو بعض
سكتو وشافو فيها واشارو لبعض ونطقو فرد وقت
ايرين: كفاه تعرفي هدا الظلمة ؟
ريفان: كفاه تعرفي هاد الحمامة الطايشة؟
شافت فيهم وهوما يشوفو فبعض و نظراتهم كون رصاص راهم قتلو بعض
زهرة:ادخلو ادخلو متبقاوليش في الباب نظن كااين حكايات بزااف لازم يتحكاو و بزااف لي تفهموهولي
دخلو معااها وهوما صدامتهم غير تتعالى واكثر من هك حكايات زهرة لي دخلتهم فدوااامة كبيييرة كأنو حياتهم لعبة شطرنج وكلش داخل فبعض
فليل ريفااان واقف مع تاقة  هاز قارو يتكيف ويخمم في كلام مرت عمو ، الماضي كان مفتاح لكلش، الاسرار خلاتهم يدخلو في دوامة تفكير ومزال كاين بزاف اسرار تتكشف ؛اما لازم يبدا يتصرف بحكمة واول شي رح يعملو هو فاتحتو على ايرينا باش يخليها حلالو ؛حس بيها وراه غمض عينيه وحكى بصوت تااعب
ريفان:ايرينتي
ايرين:ريف علااه مزال ساهر
ريفان:وعاصفتي علاه ساهرة
ايرين:كنت نشوف فوفاء محبتش تخلي سامي وحدو ورقدت على كرسي بجنبو
ريفان:هدو زوج طلع حبهم كبير
ايرين : اممم والحقيقة كلام عمتي بقى يرن في مخي
رمى القارو و دار ليها مشى ليها بخطوات ثقال حط وجهها بين يدسه جبهتو على جبهتها ونطق :ايرينا خلينا نتزوجو
حست روحها تشلت ولات متسمعش ريف يطلب منها فالزواج وبهدي الطريقة لا احم لا دستور طلقها في وجهها ديراكت ؛بعدت خطوة للور وحكات
ايرين:  ههه ريييف،  راك عارف وش تحكي ريف؟ زواج؟ وفهدي الظروف وبعد كل لي سمعناه من عمتي لالا انت هبلت وفوق هك انا جيت لهنا باش نصفي عقلي ريف انا منعرفش حتى شكون انت منحبش نخرج من ظلام وندخل لظلام اوخر يكفيني ماعانيت حابة نتهنى
كان ساكت ويسمع فيها يعرف انها رح تحكي هكا :ايرينتي نعرف كل هاد الشي اما انتي من لول تعرفيني ظلام لا جحيم وقبلتيني كيما راني وش تغير ايرينا حاب اول خطوة نخطيها فهدا الطريق  تكوني ملكي و مرتي لا،  تكوني حلالي ، ايرين تقبلي بيا كيما راني ريفان برك ، ريفان بلا ماضيه ولا حتى خدمتو ولا نسبو لريفان برك تقبلي تدخلي لجحيمي بكل ارادتك وتكوني سندي؟؟ بيك قوتي ايرينا و انتي الوحيدة الي تعرفيني عن حق،  مد يدو ليها بقات تشوف فيها مطولا ، تنهد و ابتسم بانكسار غير جا يرجعها شدتها
ايرين:ايه نقبل اما توعدني انو تخبرني بكلش و انك متخبي عليا واالو اوك ؛ديجا فيسع مليت و كنت رح تبطل؟ و وينو خاتمي و طلب الزواج كي ناس هاه
ضحك بصوت عليها و جبدها ليه جات في حضنو لف يد على خصرها و الثانية يمسح بيهل على خدها : ههههههه مدام ناصري نظن مزلتي متعرفينيش مليح متركزيش و متسرعة
ايرين:مزالني مش مدام ناصري
تبسم ليها وقرب منها اكثر كان رح يبوسها اما حمحمت زهرة وقاطعتهم  بعدو على بعض وهوما حشمانين منها
زهرة:معناها عندنا عرس اااه لو مجاش سامي مريض كنت زغرت ههه