♧جحيم العشق♧Reflex

🔱Part26🔱

انفجرت سيارة قريبة ليها وقت هو  كان مصوب اتجاهها و معمي بغضبو و فشل خطتو  ، غير طلعت راسها تلاقات عينيها بعينيه صح ميبانوش لبعض مليح اما النار لي طالعة من السيارة  قدرت تخليها تشوف شوي من ملامحو أو بالاحرى عينيه المظلمين و مشغشبين من الغش ؛ و هو وضاحلو جسمها ، و لاطاي تعها بينت انو البوص مش رجل كيما كان مفكر،و الشي هذا مكانش في حسابو ، بانو ملامح وجها و عينيها شوي لكن من غشو منتبهش و في اللحظة هديك محبش يفهم   ؛
ريفان : طفلة يا ### البوص طفلة كفاش هدا ، كفاش فاتتني نقطة مهمة هك
حست بالطموبيل راح تنفجر سحبت على رجليها و جرات تخبات ورا اقرب شجرة و فنفس الوقت بعدت على مرماه و كان في بالها هك ميشوفهاش ؛ اما الشي لي منتبهتلوش انو غير طلقت سلسال من يدها بانلو يسطع من بعيد ؛  الدم جمد فعروقو و حس بضبابة سودا بين عينيه حتى انو مقدرش يتيري و يوقفها على اساس عدوتو 
  فكرة انو ممكن تكون ايرينا هنا في الحرب الممنوعة خلااات قلبو يتمغص و شي يتحطم من داخل ؛ السلسال عمرو يغلط فيه ، يعني هي ، هي لبوص لي كان يتحلف فيه و يتوعدلو بنار جهنم ! مستحيل وش لي يجيبها هنا ! وحشو ليها دوخو هدا التفسير الوحيد
تشوف فيه جامد في بلاصتو و يديه موجههم للقدام باين مصدوم شافها ؟!
انتبهت لواحد من رجالها رح يقوصو في ظهرو ؛ صااحت بأعلى صوتها و هنا ريفان فطن من غيبوبتو و دخل في غيبوبة اعمق
ايرين : وقفوووو وقفو اطلاق الناار انسحااب ، الكل ينسحب بسرعة
وعطات اشارة للراجل لي ورا ريفان باش ينسحب ؛ ريفان تأكد انو ايرينا هي البوص و في هاد اللحظة حس الزمن توقف بيه ولا يرقل واحاسيسو كلها مخلطة متوقعش هدا الشي ولا دارو في الحسبان ؛ ايرينا لي انتشلت قلبو من الظلام ليوم هي في وسطو ، البنت الرقيقة الطاهرة هي بوص في المافيا ؟؟ تاجر بالسلاح ؟ كفاه و علاااه ؟ وش وصلها هنا؟ كانو في البحر  و موجة قوية ضرباتو وغطساتو فاعماق البحر و مش قادر يسبح ولا يطلع منو ؛ طاح السلاح من يديه و دور راسو على كل منطقة كيف المجنون ؛ ضباب و دخان محاوطينو ؛ النار بدات تاكلفي البلاصة ، ظهرتلو في وسط الدخان تبسمت و دارتلو اشارة باي بيدها واختفات ، يحس فروحو مربوط ؛ ايرين غير شافتو جامد عرفت انو عرفها ؛ و الشي لي طول السنين خايفة منو صار ، دمعة سخونة طاحت على خدها حرقاتو ؛ تمنات لموت فالبلاصة و في هدي اللحظة ، كان لازم تحكي باش تنقذ حياتو ؛ تراجعت بسرعة و دات رجالها خارجة و مخلية نار شاعلة وراها ، مخلياتو في دوامة ضايع ؛  طاح على ركابيه عينيه مرشوقين فلرض ؛ و فجأة عيط باعلى صوتو يخرج فالمشاعر لي جتاحت صدرو وقلبو و خنقانو
ريفاان:ايرريييييييين عللااااااه  يا ربي علاااااااه مستحييييل تكوني انتي هي ايرررييييين مستحيل لااا  مش انتييي ،  مستحيل ملاكي يتحول لشيطاان محااااااال ايييييرييين
حبست جري وقت سمعت صراخو لي عبى الغابة وخلا صداه فكل بلاصة ؛ كبست على يدها ، و حطت اليد التانية على قلبها تحاول لازم تهدا مش وقت تضعف
ايرين:آسفة آسفة شي اقوى مني
راجل : مدام بسرعة المسيو خالد يستنا بسرعة بسرعة
غمضت عينيها وعاودت فتحتهم استنشقت هوا وكملت تجري ؛ لمحاتو واقف من بعيد علامات الغش باينة عليه تفاداتو و ركبت بلاما تستنى وش راح يحكي ، جبد شعرو قريب قطعو
خالد : اوك مدام ايرين رح تشوفي
خبط الطموبيل برجلو بعدها ركب وديماراو للقصر ؛ راكب جنبو الروسي ومن اللور ايرين ووفاء ؛ ولا حد قدر يحكي ايرين موجهة راسها للكارو تشوف لبرا بملامح خالية متعبر على شي ؛ و وفاء تشوف للقدام وضاغطة على يدها تتفكر وقت لحقهم واحد من رجال وضرب سامي على راسو طاح داخ و هوما هربو ؛صح تكرهو اما قلبها ميطاوعهاش تشوفو مضرور و الشي هدا راح يخليها تكره نفسها من تناقض مشاعرها ؛ لازة على سنيها قلبها محروق اما وجهها هادي وعارفة تمثل الهدوء قدام الكل ؛ دورت وجهها لايرين راح و هرب بيها تفكيرها لليلتهم السودا لي تستنى فيهم ؛
خالد ماحكى شي مخلي كلش حتى يلحقو ؛ حاب يعاقبها بنفسو لكن عارف ميقدرش ، يشوف في انعكاسها فلمراية ، ايرين صح خسرت ليوم صفقة مدة و هوما يخدمو عليها اما قلبو مش مطاوعو يشوفها تتعاقب بهديك الطريقة ؛ غشو كل من العقاب لي يستنا فيها مش من المهمة ؛ رغم كلش يبقى انسان و الطفلة تبقى طفلة ومالازمش يتعدى على انوثتها بهديك الطريقة ؛ البنت رقيقة وجسمها ميتحملش كل هدا؛ و الاهم تبقى ايرين ، يشوف فيها ويتفكر كل مرة تمر بالعقاب رغم انو راجل اما مستحيل يتحمل الي تتحملو هي من باباها ؛ و الاسوء ميقدرش يدخل ، ضرب بيدو على لفولون ، غمض عينيه و فتحهم يحب يسيطر على روحو ومشاعرو ؛
ريفان بقى فنفس البلاصة متحركش حتى كي حكاو معاه رجالو متحركش؛ خافو عليه و منو فنفس الوقت ، بعدو عليه حاوطوه في سلسلة كحماية ليه من بداو يخدمو معاه مشافوهش في حالة هك ، كان تخمامو كامل في ضحكتها في برائتها لي عرفها قبل خمس سنين ؛ كلامها طريقة تعاملها ، الغابة وراتلو زوج اوجه ليها ،  فالاول وراتلو ايرينا البريئة والملاك لي دخلت لحياتو لي بدلاتو وخلاتو يعيش احلى ايامو و شعلت شمعة ضوات بيها ظلامو و الغابة عاودت لقاتهم و وراتلو الوجه التاني لي عمرو خمم يشوفو وراتلو أسوء صورة يمكن يتخيلها فيها ، ورات الظلام بصورة اخرى غير صورتو ؛ سامي حوسو عليه زوج رجال نوضوه ، يمشي حاط يدو على راسو لي حاسو تنفخ ورزين يوجع فيه ؛تخمامو آسك الي شافها هي وفاء او يتخيل برك ؛لحق لقى النار تاكل في المنطقة و كلشي كمل  ، ضغط على يدو دور شاف ريفان واقع على لرض مهزوم ؛ انصدم من حالتو جاا يقدم ليه قربلو واحد من رجال
-سيدي البوص على هدي الحال من وقت فض النزاع صاح باعلى صوتو و بعدها سكت مزاد نطق ولا تحرك و حالو حيرنا ، صحيح خسرنا الروسي لكن خربنا الصفقة و دينا كلشي يعني حنا لي ربحنا !  شاف معاه
-سامي : لكن وش صرا وشبيه ؟! السبب !
--منعرفوش وكانو غايب على الوعي اول مرة نشوفوه بهدي الحالة ؛ وانت سيدي راك مليح لازم نديرولك اسعافات اولية
سامي:لامعليش مليح ؛ مقدرتوش تشدو حتى حد؟