♧جحيم العشق♧Reflex

💫part43

back
آيلا: بففففف يعني وين نروح نلقاك انا دك
خالد: انا لي دعاني بيك ربي وكيلو ، لي درتو في حياتي عقابو مش كبير لدرجة نتبلا بيك
آيلا: بففف صامط
خالد: امسحي الجهة لي من هيه ، هاكي سيرفيات ثانية ، امسحي مليح ، يطيح بريستيجك و الحفلة غير في البداية هههههه ، قلبت عينيها و حكمتها عليه و بقات تمسح ، اممم اما نحب نعرف وعلاه انتي في حفلة تخص شركتنا
آيلا: شركتكم !!!  هدي حفلة على شرف الشراكة لي عقدها ابن عمي و الشركة جديدة لي شراها
تبسم بخبث ديما تعطيه المعلومة حتى بلا مايدير مجهود
خالد:اممم ابن عمك هههه تباني ختو هههه قطة سهرة ممتعة مالا ،
قلبت عينيها من كلامو : منيش ختو ااافففف ، شركتنا ! شريك ريفوو !
شافت فيه كل مرة يجمعهم لقاء اما ديما يصطادمو و تصرا مشكلة ، مشات جهة سانيتار لقات ايرين واقفة قدام المراية و كابسة على الرخام بيديها تتنفس بقوة وباين انها متوترة ، اما هي غير شافتها حبت تروح ليها تنتفها و تكسرلها اليد لي كانت مكروشية فريف ، آيلا قربت منها تلعب بشعرها و تبسمت و هي تتفكر في نظرات ريفان
آيلا : مممم عرفت انك نتي هي شريكة ريفو و في النفس الوقت المديرة التنفيذية لشركتو الجديدة لحبيبي ريفو
قلبت عينيها و ضحكت بالصوت
ايرين : ههههههههههه امممم اما ريييف مقاليش الي عندو ختو و هزت حاجبها تشوف معاها بعينين معميين
عوجت آيلا فمها و هي تتساءل علاه لي يشوفها يحسبها اختو
آيلا: اممم لا منيش اختو انا قريبتو ريفو بطلي و حبيبي
ايرين بعد ماسمعت ردها النار لي كانت رح طفيها زادت شعلت اكثر ، وقلبها تزير ، وهدي حاجة طبيعية في حواء وقت تغار على ممتلكاتها و تحسها راحت من يديها , غيرها تنادي في حبيبها هكا و دلع فيه ، دورت يدها ورا ضهرها كابسة عليها بقوة تحاول تتمالك اعصابها قبل ماتجبد سلاحها و تقتلها دك تتهنى منها , و رسمت ابتسامة مصطنعة على وجهها
سليمة كانت واقفة قريبة لريف وتشوف فيه شوفة تاع احكيلي و تلعب بعينيها و تضحكلو لتحت تحت و احمد من هيه يقلب في عينيه منهم ، تنهد
ريفان : سلموش حبيبي خلي لدار و نحكيلك بالتفاصيل اوك
سلموش: هههه اوك حبيبي مالغري منيش قادرة نصبر ههه ،هز يدها باسها بحب و تبسملها
احمد : أطلق يدها أطلق لاطيح روح اساسا اسراركم تمشي و تزيد ، لعبلو ريف بحواجبو ضحكت عليهم
سليمة : ممم يعني هديك هي القطة لي سرقت سكون الظلام ، اما  ولدي الغالي ذوقك يفتق عرفت تختار و عندك حق تهبل السنين هدو كل ، كعبة العينين كل عليها و عندو الحق الكل يطالب بيها كبس يدو
ريف: ولي يطالب بيها رح ندمو في النهار لي حط عينيه  عليها و نمسحو من الدنيا ، شدت ذراعو تمسح عليه باش يهدا ، بعدها قلبت عينيها
سليمة : مممم وهداك الڨرلو لي كان لاصقها شكون ، يبانو كوبل
تبسم بخبث وحكى : متخميش فيه ،  حكايتو مفرية نشوفلو ڨرلو كيفو نكوبليه معاه ههه ، المهم عندي انك تعرفتي على كنتك و عجباتك ، ضحكت من عينيها
سليمة : واحلى كنة و مش راح يكون كاين احسن منها لي قدرت طيح نور عينيا الغالي و تسكن هنا و هنا اشرت على عقلو و قلبو و غمزاتو منلقاش خير منها
نطق احمد : منيش عارف على واش تحكو لكن سليمة اشرت على قلبك و نحب نقولك الحب جذورو القلب و ثم مسكنو تآمن متامنش اذا خسرت قلبك في المعركة و سكناتو وحدة اعرف راك خسرت حصونك و محيت ماضيك، ريفان بلع ريقو و سليمة همستلو : ان شاء الله نشوفكم مجموعين عن قريب و نشوف ولادكم هههه
تنهد و تبسم على جنب ابتسامة حافظتها : عن قريييب جدا جوهرتي عن قريب هه
تشوف فيه عارفة يخطط لشي وموش ريف لي يسكت سيرتو بعد مالقاها بعد عذاب سنين شهدت عليه بعينيها ايرين من نهار حط عينو عليها صارت شي يخصو و هو ميسمحش فممتلكاتو معرفت تفرحلو انو يعاود يبدا من جديد و يعيش و ينسى لي فات او تخاف عليه الطفلة بنت عدوو ، دورت راسها شافت آيلا مشات جهة السانيتار استأذنت من ريف و احمد و لحقتها
مع دخلت لقات آيلا واقفة مع ايرين حارت ، شافت مع ايرين و قلبها نخزها ورعش جسمها هدي لي ملكت ولدها الغالي و ولات جزء ميتجزأش منو تبسمت مدام غالية عليه اكيد هي غالية عليها و بمقامو  ، اما نتبهت انو وجهها مقلب و تبان مقلقة و متوترة
سليمة : آيلا بنتي ريف يحوس عليك
شافت فيها آيلا و السعادة قاتلتها ، قريب تنقز عل امها ، و سليمة مكانتش تعرف انو بكلامها زادت الزيت على النار هي كل لي حباتو تبقى معاها وحدهم ، دارت آيلا تسمح في الروب تعها ، و ايرين حست روحها رح تطيح ، شافت فيها بعينين مكسورين لاحظتهم سليمة و قدرت تحس بوجعها ،  فالاخير المرأة تقدر تفهم على المرأة و سليمة مش اي مرأة حنانها و طيبتها و احساس الامومة من ناحية ريفان يخلوها تقرا كلشي قدامها و تشوف لي غيرها ميشوفوش ، كانت تسنا فآيلا تخرج  باش تحكي معاها حتى شافتها خرجت بلاما تسمعها او ختى تشوف ليها  ؛ تنهدت وهي تدعي داخلها انو ربي يجمعهم فاقرب وقت و يبعد عليهم كل شر ، خرجت ايرين و وجها فارغ من أي تعبير ، و هي معولة تحرقو كيما حرقها ،
كان يراقب فيها بعيون الصقر لي عندو يشوف فيها كفاه تمشي كي الحوتة جهة خاالد ، طلع حاجبو وهو يشوف في وجهها و متأكك انو ميزاجها معكر و لاحقة للتوب اما من واش ! هو هكاك و يشوف آيلا خرجت موراها ، و مخو بدا يخدم و كانو السيناريو بدا يتوضح ، غااارت !! هدا الشي كامل لانها شافت آيلا معاه ؟! عض على شفتو وهو يشوف فيه تتمايل قدامو و كانها متعمدة تمشي ببطئ و تعفس على قلبو لاطاي تاعها مفصلة و كلشي واضح ضغط على يدو ، الكل مركز معاها كون جات ليدو راه حرق الكل هنا و عمى كل عين تشوف فيها ،ماهي إلا لحظات و لحقت وين خالد تبسمت ابتسامة ضربت فقلبو بلاما يفيق تبسم معاها ،  قعدت فالكرسي لي بجنب خالد و تعمدت تحط رجل على رجل و هنا بانت شقة فالروب و بان فخذها العرق ولا يصب معاه ، الشق هدا مكانش يبان منين جا ، حس روحو تخنق و محسش حتى بآيلا لي قربت منو ، لااااااا وفوق هدا خالد حط يدو على لحمها و مرر صباعو على طول فخذها هز يدو فتح شوميز من فوق و هز كاس شربو فدقة و رجلو ترقل من العصب و وجهو حمار
ايرين كانت تشوف فيه و تراقب في كل حركة منو و تعرف خالد غير يبان لحمها راح يمد يدو يخبيها ، وقت شافها خالد انتبه لسيركاتريس لي في فخذها ، و حط يدو عليه مرر صباعو على طول فخذها و غطاه بطرف الروب لي طاح ، العينين كل عليهم على ايرين خصوصا و شي هك راح يجيبلهم تكسار راس ، شافت ملامحو الباردة كفاه تبدلت ونظراتو لي كانو كيف القرطاس ليها ، عضت شفتها و ضحكت مع خالد و هي في داخلها مش عاجبها تلماس خالد ليها
اما آيلا فعينيها خرجو من السلسلة لي بانت في رقبة ريفان و الخاتم لي فيها ، همست
آيلا : خ خاتم وحدة ، سلسلة و خاتم تاع نسا بدل سلسالو لي عمرو نحاه !!!!
سليمة غير خرجت ضربت فواحد جات تعتذر طلعت راسها ليه غير جات عينها فعينيه جمدت و قشعر بدنها ، اما هو ضحك ضحكة حتى بانو سنيه و هو يشوف فيها سكاناها من فوق لتحت صفر و حكى
منصف: اووووهوووه شكون هنا سلمووش بشحمها ولحمها عض شفتو بعد هدو السنين كل و شي متبدل فيك نتي هي نتي و زينك زاد ههههه
بقات تشوف فيه وهي تبلع فريقها تتمنى انو يجي احمد ويخلصها منو دك بعد
منصف: اووبس نشوف في حمودة مش معاك المنقذ الخارق ههههه سلم فيك لانك كبرتي و قدمتي و جازو سنين عليكم ههههه مي للصراحة نعاود نقلك رغم انك كبرتي مزالك جذابة اممم وعقب لسانو على شفتو وعضها ، تقززت منو و حست بالاشمئزاز من تصرفاتو ، رغم انو كبر الا انو متبدلتش ، ضحكت في نفسها كي تفكرت هدرة ريفان ، ذيل الكلب اعوج و يبقى طول عمرو اعوج ، كانت تدعي انو ميشوفوش معاها دك ولا يقلب عليه الدنيا و يجي احمد و يهنيها منو لانو مش قادرة تتحملو اكثر و هدا الي صرا حتى قبل ماتنطق حرف كان احمد حذاها و متحضنها بيدو الي على خصرها و ضمها ليه ؛ غير شافو منصف ضحك
منصف : ههههههههه هاو جا البطل المغوار ، اوووو قلبي ، حمودة مزالك تحبها و تخاف عليها ولا راحتلها الجاذبية و مليت منها نقدر نستلمها دك ههههه
أحمد ولاو عينيه حمر وعروقو تكبسو : مووونصييييف احترم نفسك متحبش الماضي يتعاود و نخلي دمك يسيح هنا ،  اياااك ، ايااااااك تزيد حرف على مرتي ندمك سمعت
سليمة: احمد خلينا نمشو منديروش مشاكل اصلا ميستاهلش ، همست حبيبي متحبش ريفان يشوفنا دك و الله يحرقو دك و ميهموش في حتى شي ، كبس على قبضتو و قدم ليه موجهلو صبعو
أحمد : بعدنا نحذرك انك تزيد تقربنا فهمت منيش احمد لي قبل
منصف: ههه اما نظن رح نتلاقاو بزاف 
سليمة : احمد حبيبي خلينا نمشو عيش روحي  هيا خلينا نروحو
كانت شادة في يدو و تدز فيه باش يمشي و منصف يشوف فيهم من لور ويلز على عكازو  و شريط الماضي يمر قدام عينيه ، ضحك بخبث ومكر كبير
منصف : امممم يمكن الشراكة هدي فيها فايدة