♧جحيم العشق♧Reflex

🔱part16🔱

هابط لابس ومحطحط  ؛يشوف فيهم بلواحد بعينين مظلمين ويشوف فحركات كل واحد منهم ؛مشى جهة سليمة وعمو باس راس سليمة
سليمة:صباح الخير ولدي الغالي
ريفان :صباح الخير يا روحي و باس يديها يا جوهرتي
صوفيا قلبت عينيها بغيض ؛شافها وتبسم باستهزاء
أحمد:صباح الخير ولا حنا منستاهلوش غير سليمة هكذا انا نغار هاه
ريفان:ههه صباح الخير عليكم
عامر مهبط راسو وياكل ؛طلع راسو يشوف فيه :صباح الخير
صوفيا:نشوف بلي احنا ولدنا و الخير رايح لغيرنا
ريفان :سلموش يا روحي قهوة لي نحبها خلي نخرج
تنرفزت صوفيا على تجاهل ريفان ليها ؛خبطت المغرفة على طابلة بقوة وناضت ؛بقاو ساكتين الكل والفو الجو المكهرب بين صوفيا وريفان ولاواحد يقدر يتدخل ؛شرب قهوتو وجا نايض حتى حبسو صوت باباه
عامر:ريفان مش رح تجي للميدان ليوم الجنرالات كل ثم و نحبهم يشوفوك ،
ترشف من قهوتو و شاف فيه بهدوء : نظن يا حضرات غالط بهدا الطلب ؛كيما تعرف اعمالي واعمالكم مش كيف كيف يعني خليكم بعاد و نبقى بعيد
ضغط عامر على يديه يهدي فروحو: انت ابني وسمعتك من سمعتي متبقاش مخسر صورتي بهاد الطريقة
ريفان : افف ويكت تفهمو انو انا مانوقفش عند اوامر حتى حد و انا لي نحط الاوامر و نرسم الطريق و الكل يمشي حسب رايي و وش يقول راسي كيما الكل يعرف انو لي يحاول يقرب يتحرق فخلي نصائحك لنفسك ايا راح لحال عندي اجتماع
مشى بلا مايزيد يسمع كلمة منهم
عامر:راه يفلت يوم بعد يوم ونهايتو مش رح تكون مليحة ووقتها منقدروش نتدخلو
أحمد:تعرف ولدك راسو صحيح ومكانش نقاش معاه
عامر:حاول معاه انت او احكي مع سليمة يسمعلها و روحو فيها
أحمد:رح نحاول مي منوعدكش
خرج ركب طموبيلو ؛هز تلفونو يعيطلو مرة وزوج مي ميهزش
ريفان:افففف ال### باين معمر راسو ليلة مبارح
عاود عيطلو حتى ريبوندا
سامي:يخي متخلوش العبد يحلم براحتو
ريفان:نجي نرحلك لبلاصة تبقى راقد طووول عمرك و تحلم براحتك
سامي:ناس تقول صباح الخير ومدابيك تقولها بحنانة لعبد راه مونك
ريفان : ### صاحبتك انا ، نص ساعة و نكون عندك رح نمشو مع بعض و الا نجيبك وانت عريان و تعرفني
سامي:اااااه مش هك ...
قبل مايكمل هدرتو كوباا عليه ؛ شاف فلمراية أمو تراقب فيه من فوق  تبسم ومشى شوي ، حتى شاف طموبيلات وراه عرفها بعثتهم ؛ دور الطموبيل دار زوبعة غبار حتى مشافوهش كفاه اختفى بسرعة
ريفان: ههه قتلك متلعبيش لكن انتي ماتريحيش و متهدايش ، رجعتي تلعبي اوك ميكون غير خاطرك
مشى ديراكت لدار سامي مع جاا يكلاكصوني عليه لقاه عند لباب يلبس و صباطو فيدو جاه الضحك عليه اما حبس الضحكة و سامي قدم وركب
سامي : حسبيا الله و نعم الوكيل فيك ااا صاحبي و خلاص وش نقول كملت عليا نلبس فالشارع الخالة نوسة تنادي اايما شوفي حال بنك
ريفان : نورمالمو متفاهمين من امس اما ديت الصحيح و سهرت خلص مالا ..خلينا نمشو وركح حالتك
سامي : ربي يخلص وعيني تشوف اا صاحبي يا ولد سلموش
ريفان:كون تحبسلنا من خدمة لعجايز هدي مش خير
سامي : سامي عبد الرحيم يتعامل هك ! معليش معليش امشي مشي خلي نلحقو قبل
مشاو حبس عند اشارة المرور وسامي يغني ويدندن اما ريفان هادي و بالو بعيد يخطط و يعاود ،    جات طموبيل وقفت جنبهم و كانت من جهة سامي ، اللي دار يشوف فروحو فلمراية  و شاف معاها  الشيفور مخبي لانو ساند روحو على الكوسانة ؛ تبدلت الاشارة و كان ريفان رح يمشي فجأة يشوف فيها خرجت راسها و تعدل فلغوج تاعها فلمراية عينيه تفتحو و للحظة مستوعبش لي يشوف فيه حرك راسو يمين و شمال عاود شاف جيهتها و لمح الشيفور لي بان و قبل مايركز مليح مشى ريفان ،  همس بعدم تصديق
سامي  : وفااء و ستيتش !!!
وقف الطموبيل بقوة
ريڥان : كفاش وااش قلت
سامي : اااا ### مازالني حاب نعيش و شفت وفائي ضميري الميت مانحبش نموت حتى نكمل تدشيني
ريفان ظلامو عينيه : سااامي ما ### بيا اسمها علاش نطقت اسمها احكي ااا ####
سامي : مش متأكد اما ستيتش قصدي ايريناا تاعك في طوموبيل لي ورانا !!
ريفان : ايرينااا !!
فكرة انهم كانو فنفس المكان خلات قلبو يرجف ويدق بلقاوي ، بلع ريقو
ريفان : متأكد سامي
سامي : هو انا وليت نتخيل اكيد لبارح شفت وفاء فلبار تأمن !
ريفان:متمسخرش ب ### شفتهم ولا نو
سامي :ايه لمحتهم مصحصح و منيش شارب سبحان الله
دار بسرعة خارق قوانين الطريق عينيها بين عينيه شاف من كل جهة مكانش ؛ بقى يحوس بعينيه و سامي يشوف معاه اما مكانش
سامي : طموبيل مكانش اصلا تقول تبلعت ولا راحت فجهة اخرى
ريفان : #### رح تبقى عقدة فحياتي هاد الطفلة
سامي : بلعقل اصاحبي يجي نهار وتتلاقو
ريفان : كل مرة نوصل لخيط يوصلني ليها يختفي فجأة ، فكل مرة نفس الشي ، اكيد رح نعرف شكون يخرب فهاد الشي اما هاد لمرة غييير ، رح نعاود نلقاها ولو على حساب روحي
سامي : ماشي كون تنساها خير و ...
ريفان:اشششش نعرف وش رح تحكي اما جاوبني نسيت ضميرك الميت حتى ننسا انا ، هه هدي ايريناا يا سامي ايرينا اسم على مسمى الذكرى الوحيدة النقية فحياتي ، سلامي و  طيبتي .. هي بحد ذاتها ولات  جانبي الخير و انا مستحيل نتخلا على الشي لي يفكرني بأني انسان  اكيد رح نرجع نلقاها و تكون ملكي و وقتها ولا واحد يتجرأ يبعدها علياا و لي يخمم نحرقو حي
سامي : ريڥ ناسي انك في وسط الدوامة هدي مادرتش حساب ليها بلاك شافت حياتها و لا تزوجت او صرا اي شي فحياتها و بلا مننساو مكش متأكد انو تحبك و لا نو
ريفان دور وجهو عليه مسح على شفافو : هي وعدتني و اذا خلفت بالوعد اقسم رح نشوهها و ندمها على اليوم لي دخلت فيه حياتي  محااال تكون مهنية مع راجل اوخر 
سامي : اوك و كون تلقاها وترفضك مخممتش فيها !
ريفان : رح تكون ليا برضايتها او بدونها و لو توجب عليا نقتلها المهم متكونش لغيري ايرينا تخلقت باش تكون لريفان نقطة
سامي:ربي يكون فعونها
شاف ليه بنص عين حتى سكت منبعد تبسم:قتلي وليت تشوف وفاء وانت صاحي
سامي:متفكرنيش شفتها مرتين هاد الشهر برك وفالحالتين كنت سكران باين بلي نتخيل
ريفان:وبلاك كانت حقيقية رح تكون خسارة لينا بين زوج هي صحبة ايرينا وديما معاها حتى اخر مرة كانو مع بعض وختفاو مع بعض
سامي:منعرف حاس بعذاب ضمير رهيب حتى وليت منقربش من لبنات بزاف غير تاع ليلة وفوت وباينين صحابهم
ريفان:حبيتها؟؟كون عترفت لنفسك
سامي:شفت كي تقتل واحد ويبقى عذاب ضمير يلاحقك هكاك انا دك مزال بين عينيا نظراتها ليا ودموعها حسيتها فازة وتكسرت وانا سبتها اصلا كنت حاسها متعلقة بيا ولا عندها اعجاب
ريفان:يجي نهار وخليها تسامحك على غبائك بففف توخرنا راه وقت
سامي:امشي امشي ولا نعشيو فحل واربط
  قلع وسامي يخمم فهدرة ريفان كي قالو بلاك حبيتها مش حاب يخمم بهديك طريقة وفي بالو محال يحب فوقت قصير اما علااه منساهاش وديما يحوس فكل طفلة على مواصفاتها دق قلبو كي تفكر لي شافو قبيل وهي تحط فالروج حتى ولو كان يتخيل كانت هي فعقلو ؛اما ريفان يخمم فهدرة سامي وانو شافهم ويحكي فنفسو:زعما رجعت؟هي هنا؟اذا صح رح نخلطها ونجبدك من تحت لرض
كانت فطوموبيل ساكتة حرف مانطقاتو ؛وفاء مرة تشوف فيها مرة تشوف فطريق حمحمت وحكات
وفاء:ايرين علاه هدا التجاهل كامل تقول درتلك كاش حاجة
اييرين:نهار تحطي مخك فراسك ثم وين نحكو
وفاء:تعرفي انو منتراجعش
ايرين:بسبة واش اه بسبة واش بسبة سامي؟ولا سبة اخرى
وفاء:مش سامي اصلا نسيتو
تبسمت باستهزاء عليها تاع منيش مامناتك
وفاء:بعد موت عايلتي معنديش علاه نغبن روحي ونرجع نكون خدامة ولي يجي يعفسني نفضل نعفس لي يجي قدامي ومش رح نحبس الا اذا..
ايرين:اذا واش
وفاء:اذا جبدتي انتي
خبطت يدها على الفولون كي تقلقت من هدرتها وصاحت:وفاء تعرفي انو انا مكتوب على اسمي هدا الشي ونموت بيه فهمتي اما انتي غييير انتي تقدري تشوفي حياتك وانا رح نعاونك روحي منا وفاء روحي قبل ماتغطسي اكثر
وفاء:مستحيل يانكونو مع بعض هنا  يا نبعدو مع بعض ومنيش بش نبدل راييي
تنهدت وشافت فالطريق تعرف انو وفاء تبدلت وولات بلاقلب ومشاعرها تعفسو من موت والديها ولا من الانسان لي حباتو تشوف فبرائتها تروح منها يوم بعد يوم