♧جحيم العشق♧Reflex

🔱Part21🔱

فتح عينيه فجأة و هي زادت تفاجأت اكثر انو دوا مخدمش فيه ملييح كان لازم يفقد وعيو و يرقد مينوضش ،  يشوف معاها و يحس روحو ضايع هو بحلم او حقيقة ، ابتسمت و بقات تمرر فيدها على وجهو بكل هدوء تتحسس فملامحو وتحاول تشبع عيونها بشوفتو بأنو حقيقة مش رسمة او تريكو مررت صباعها على لحيتو حواجبو عينيه أنفو و كانو في يدها قلم و ترسم فيه صبعها توقف على شفافو مررتو عليهم رجفو شفافها و ريقها نشف
ايرين : ريڥ شفافك تحطو على شفاف غيري؟؟ بست بنات بعدي فجأة عينيها دمعو و غاضتها روحها و نزلت يدها
ريفان كان يحاول يركز معاها و يتأمل في وجهها الملائكي لي سنين و هو يحوس عليه فكل مكان و فكل وقت نطق بصوت ثقيل : ايرينااا
هزت راسها شافت فيه مصدومة
و حكات : ايرينااا ! مستحيل
شافت في ساعتها الوقت يروح ، شافت معاه كفاه يقاوم و حاب يفطن حطت يدها على رقبتو مررت صبعها على تفاحة ادم و نزلت هابطة مع صدرو لي باين من فتحة الشوميز و بداو يتسلو لعقلها افكار ، انتبهت لسلسال فرقبتو جبدتو لقاتو نفسو لي عطاتهولو ، لمعو عينيها و الضحكة شقت وجها فرحانة و بصيص أمل زارها  : ههههه منسانيش ، ايرين منساكش و مزال متذكرك ، شادة فالسنسلة و تضحك كي المهبولة ، وفاء غالطة هو متفكرني و الدليل خاتمي لي محتفظ بيه ؛ نقزت عليه حضناتو بقوة و صارت جالسة عندو  في حجرو ، جحيمي و تعرف مقدار شوقي ليك و فرحتي باحتفاظك بتذكاري ، قربت مليح و لصقت فيه ، دخلت راسها فرقبتو ، تحس بدقات قلبو و نفسو الثقيل لي كان يكابر باش يفطن كانها في حلم ؛ غمضت عينيها وجبدت نفس طوييييل من ريحتو تعبي بيه رواريها ، بعدت عليه يديها محاوطين عنقو تشوف فعينيه الذابلين لي يحاول يفتحهم ، الدوا مااثرش فيه يعني قادر يفطن فأي لحظة ، حاولت تتحكم فنفسها اما مقدرتش اشتهات تبوس خدو و تلمس لحيتو بشفافها ، حطتهم على خدو مدة بلا متتحرك و باستو ؛ بعدها مررت شفافها على خدو تتلمس فيه ، قلبها تحسو رح يخرج وهي بقربو و بالوضعية لي جالسة بيها عندو ؛ دورت راسها لخدو الثاني زادت نزلت معاه بشفافها و باستو عند حافة شفافو ، نظرها عاود استقر  على تفاحة ادم مررت صباعها عليها و بعدها حطت شفافها و بصمتها ببوسة حست عليه كي بلع ريقو بعدت تشوف معاه و عينيها تفيكساو على شفافو و بلعت ريقها
ايرين : يخي انا نتوحم ولا شبيني راح نغتاصبو ، أما شفافو علاه يشهو فيا هكدا ،
بفففف فراقو هبلك ايرين و طرف العقل لي بقالك طار ، عاودت شافت معاه و نطقت : انتي ### الدنيا ### كملي و متخليهاش فقلبك تحرق ، الفرصة هدي مش راح تلقايها مرة تانية و يمكن معادش تشوفيه ،، قربت و هي ترجف حطت شفافها على شفافو و غمضت عينيها بقات هكداك مدة و فجأة حست بيديه لي كبسو على خصرها ، جات تبعد لكن ... زير عليها و لز ليه اكثر رغم انو دايخ و جسمو فاشل ، يحس في روحو مربط لكن حقيقة وجودها في اللحظة هدي تخليه يقاوم و يحب يخبيها بين ضلوعو ، وقت حطت شفافها على شفافو سخانتهم خلات نار قلبو الطافية تعاود تشعل من جديد ؛ شافت فيه عينيها مفتوحين على الاخر و قلبها قريب يخرج من صدرها عينيه السود حمر و يحل فيهم بالسيف ؛ هز يدو بالسيف حطها على عنقها و لزها ليه و همسلها بكلام متقطع
ريفان : مش هك يبوسو
خدودها حمارو عاودت حطت شفافها شفافو حاولت تبوسو لكن معرفتش حست عليه تبسم بين شفافها جات تبعد شدها و غطس فيهم غمضت عينيها ودخلت معاه فبوسة طويييلة بطيئة دافية و حنينة  بيها خلاها تحس انهم فالبحيرة الجليدية
من جديد ،  يبوس فيها و كأنو مخدر ؛ رغم الدوا شاد فعقلو اما قلبو لي يخبط بقوة وجسمو لي يفيبري من قربها خلاه يتحرك وميفوتش هاد اللحظة يبوس فيها بكل حنية و كل شفة ماحرمهاش حقها من التشلقيم ( على قول كاشيغة😂) و بصباعها ضغطت على عنقو و خبشاتو

تحس بنفسها راح ينقطع بعد و حط جبينو على جبينها يردو في النفس لزوج يلهثو و هو نفسو ثقييل
ريفان بصوت دايخ : ايرين ا
كبشت في الفاست تاعو
ايرين : روحها و النفس لي عايشة بيه  ، دمعو عينيها ، توحشتك ريفان توحشت شوفتك و كلشي يخصك ااه لو تعرف غيابك كفاه دار فيا لو تعرف الوجع لي فقلبي ، بعدك حرقني ريفان  كنت حابة نخبرك بمشاعري و انها متكونتش في الرحلة مشاعري ليك قديمة انت سكنت قلبي حتى قبل ماتعرفني و تعرف ستيتش ههه و تمنيت و نتمنى نبقى معاك  اما مضطرة نكون بعيدة ريف نزل راسو و طبع بوسة على كتفها رجفت ،
رجع راسو لور على الحيط و يديه المشلولين خلاهم ماسكين خصرها ، حطت يدها على شعرو تلعب بخصلاتو غمض عينيه مزالو مش مأمن ادا الشي لي يعيش فيه حقيقي ادا يحلم والا صح ، ريحتها و حضنها الدافي و شفافها لي كان غاطس فيهم واقع أو وهم ؛ قربت منو و عقبت نيفها على رقبتو و تبسمت نفسها الريحة مبدلتهاش جبدت نفس منها و قربت لوذنو و وشمت بوسة عليها حست برجفتو و بيدو كبست على خصرها بلعت ريقها و نزلت لرقبتو و وشمت بوسة تانية مرصووصة بعدها مشات شفافها على طول رقبتو  نزولا مع صدرو لي يبان من الشوميز المفتوحة من فوق ؛ تحس بجسمو كامل  نفعل مع بوستها 🤭 طبعت بوسة على ذقنو حست روحها مخدرة نفسو المخلط بالدخان  و الشراب زاد على مابيها ، مقدرتش تبعد حست الوقت وقف في هاد اللحظة و هي بين يديه و فحجرو

شحال تمنيت اني نكون بين يديك و دخلني في ضلوعك ، تكون هاد اللحظة و انت فاطن و تتفكرها كيما رح نتفكرها انا و نحفرها فذاكرتي و روحي ، هاد اللحظة رح تكون جرعتي لي نكمل نعيش بيها اللي بقا من حياتي