♧جحيم العشق♧Reflex

💫part44

أحمد: ### هدا وش جاب ### حابني نقتلو دك و نكمل لي بقى ولا واش كون خليتيني ### ### قتلتو و شربت من دمو ، اما يحمد ربي منحبش ندخل ريفان اساسا هو باين على اعصابو و يشعل هنا
سليمة : شد اشرب لازم نقلك شي علبيها حبست
شاف مع الكاس فيدها هزو شربو فدقة و حطو  يحاول يتنفس عادي ، و في نفس الوقت يتساءل وش الشي لي مخليها متوترة هك طلع حاجبو
أحمد :احكي نسمع فيك
سليمة: اممم احمد روووحي ، اممم ريفان حابب بنت ، و البنت هدي هي السبب فتغيرو كل هدو السنين و فقدها هو لي خلاه مجنون توماتش هه يتقابض مع جنونو هه ، قلب عينيه منها
أحمد: بلا تفلسيفك الزايد ، و كان عندي علم انو حابب بنت وفقدها المدة هدي باينة للاعمى مراحش تغيبلي انا الي مربيه ، وش الجديد في هدا
سليمة توترت من نظرة احمد ليها و كلامو ديما يسكت و ميسألش لكنو ديما عندو علم و شي ميخفى عليه ، و هدي النقطة المشتركة بينو و بين ريف ،  تنفست بقوة و خيرت انو تطلق الكلام ضربة وحدة وتفجرها فوجهو و يصرا لي يصرا
سليمة: ايه و هدي البنت رجعت ظهرت و ..
احمد : اففف علبالي رجعت باينة من حالتو الراجل رجعو الملايكة يضحكو فيه ، كنا مشتاقين ابتسامة منو رجع يضحك مع الحيوط
سليمة : رجعت ظهرت و مع الاسف هي الزينة مولات الاخضر لي كنت طايح لوف في خدمتها و تنظيمها و عينين ريف كلاوها
هي بنت هداك  لي ورانا منصف مصطفاوي العاصفة الي راح تكون رئيسها في الخدمة ، اوووفف هههه قلت كلشي ههه
أحمد النفس راحلو وهو يسمع فهدي الهدرة و فشل
: ههههه #### بيا الكلب مالقى مايحب؟ ملقاش طفلة يعشق فيها غير هديك؟ من غير بنت عدونا ؟ لااااا وهدا كلو مخبياتو عليا انتي ، تعرفي لي عملو ريف رح يتكلفلو غالي غاااالي ، يا ### مخطوبة لابن عمها ، خبط راسو ، مستحيل وكأنو الزمن يعيد نفسو ، يمكن منصف سكت فالماضي اما دك محاال محااال يسكت ، شاف فيها مضيق عينيه : وش مزال مخبية
سليمة : ههه لا والو امم الشركة ، العااااصفة الكبيرة شراها علجال العاصفة الصغيرة هههه باش تكون قدام عينيه و كي ميكونش تكون قدام عينيك و هربت عينيها منو
احمد : #### علينا صح هههه انا كفاه غابتلي ، مستحيل نخليه يكمل في ### هدي مستحيل ، منصف ادا يعرف مستحيل يسكت و راح يعاود يفتح ملفات الماضي
  سليمة : تعرف ريف محاال يسكت و ايرينا هي جزء من روحو و كيانو يمكن ميحكيش و ميقولش لكن انا نعرفو و هو محال يسلم فيها ، واصلا ايرينا مش كيف منصف ، شفتها و حسيت انها مخبية بزاف في قلبها ، عينيها يحكو وجع و باينة معذبة منو ، تنهد
أحمد: تبقى بنتو و راح تخرب عايلتنا
سليمة: أحمد شوف معاها مستحيل تكون خراب ، هي دوا ريفان ، بيها يكون عايش كيفو كيف اي عبد ، هي دوا جروحو ، من دخلت حياتو شفت ريف ثاني انسان يحب يعيش ، تبدلت نبرة صوتها و رجعت جدية و صارمة و اعرف اني نوقف فوجه اي واحد يوقف في طريق هاد العلاقة احمد ، وقت يحكي عليها تنسى ريفان هدا لي تشوف فيه و انا منيش مستعدة نخسرو
أحمد: افففق سليمة نحكو فالموضوع كي نرجعو، امممم  هدا وين فهمت علاه ديما توشوشو و الراس في الراس ###  اففف ياريف اففففف
حبسي ايرينا ! اسمها ايرين منين جا ايرينا هدا ، هزت كاس عصير و دورت راسها
سامي كان مالل ومفهمش وفاء علاه مبانتش ليوم حوس عليها فكل جهة مكانش ؛ ديما وين تكون ايرين تكون هي ، وين تكون راحت ؟!  فراس كان قاعد معاه ويشوف فيه يدور كي الزربوط من جاو لوتال محكمش بلاصة
فراس: واش يا بن عمي دوختني وانت دور هك كاش ماضاعلك نحوس معاك
سامي: ضميري ضاعلي وملقيتوش و خليك في خدمتك متحوسش معايا
فراس: ضميرك ! اووو واش خو لباس
سامي : دجاجتي ، دجاجتي المتوحشة ،
ضرب فراس راسو بيدو و هو يلعن فيه داخلو ، هوما هكاك شافها خارجة و تهدر مع واحد بكامل اناقتها و زينها يقتل و ميخفاش على العينين
سامي  :اهووووووه  ### دجاجتي تحولت ولات طاوووس #### 
فراس: سامي وقيل سمموك وش كليت باش نتفقد الباقي ، اكيد كاش ماشربوك عايلة المصطفاوي مكش نورمال اصاحبي ليوم ، ضحك
سامي: بلا بيها مش نورمال و كي نشوفها نولي نورمال تاع مش نورمال هههه ، هات يدك اسمع اسمع قلبي ههههه، فراس صاحبي و خويا حاب ندير اغنية يرقصو عليها لكوبل تكون مليانة حنانة و غمزو
جبد يدو منو و هو يمسح فيها عارف مخو رايح بصح دك راه ودع : انا ليوم يحسبوني 🌈 نت vrai مسكيين و موخذ حاير فالبوص كفاه مفجرش راسك برصاصة
يشوف فيها كفاه حطت يدها على كتف الراجل و هنا طارولو الفيوزات لي بقاو :هااا لعب صامط و ### الي منحبوش  مقلناش هك
فراس شاف وين راه يشوف لمح وفاء زاد شاف في سامي لي ريوقو سايلة والغيرة شاداتو
فراس: دك هدي ضميرك الميت و فهمناها مي دجاجتك و طاووس ؟ حرام عليك ، و انت ويكت طحت فيها هك كنت تقول حاكمك تانيب الضمير من جهتها ، خاين خبيت عليا ، ااه ولا كلامي هديك الليلة على الحب و المرأة الي تسكن عقلك و قلبك و تعطيك كلشي و توثق فيك متخسرهاش تخسر روحك بعدها بدلك هههه يخي قلت محاضرة فلسفة و ضحكت عليا
سامي : روح بعدني ###  نوض من ، ديجا انت مشكوك فامرك قالو خاين قال ، محاضرة تاع ###
فراس:اسملله لعبد ميقصرش معاك المهم قرب الوقت انا نروح نشوف آخر المستجدات
بقى سامي تايه فيها وآسك رح تعطيه فرصة ليلة او لا ،
في حضورها ينسى كلشي و يغيب على وعيو اكتفى انو يقعد فبلاصتو ويراقبها من بعيد ، اما هي غير جات عينها فعينو شافت سامي اوخر شامي شافاتو قبل اربع سنين ، عينيه كأنهم يترجاو فيه ويحكو انو يستناو فيها ؛غمزها وضحك ضحكة تاع واحد دايخ وهي حشمت بدلت وجهها منو وراحت
سامي: اااه يادجاجتي اااه