♧جحيم العشق♧Reflex

💫part47

قلبت عينيها وهي تسمع فعياطو ،عمها مكانش غير خالد قاعد و باين العصب ماكلو ؛
منصف:رح يندمو اقسم ندمهم كلهم واحد واحد وسيرتو ###  هديك ..
قبل مايكمل هدرتو وقف خالد و سكتو
خالد:عمي تهدن و اشرلو بعينو على ايرين ؛ لي ستغربت علاه قاطع كلامو و سكتو ، شكون هديك ، اكيد مش يقصدها هي ، نحى يدو من خالد وشاف معاها و صاح فيها
منصف: وين رحتي انتي اه ، مش وجدتي كلش كفاه صرا هدا كل احكي و اختفيتي اول وحدة و تجي دك ، كفاه يخرب كلشي ااه قربت منو تعيط
ايرين: انا مهمتي كانت نظم الحفلة و نوجد للصفقة فقط غيرو خاطيني ، انا مش مسؤولة على هدي المهمة وجدت  كلشي و نظمت للسي خالد كلشي ادا مقدرش على صفقة هك انا مدخلنيش ، و en plus شوف شكووون ورا الروس وشافت في خالد و كملت وهي ترص على سنانها: ولا انا كي نغلط نتعاقب و غيري يخربو الدنيا و عادي ميتحاسبوش و ميتعاقبوش 
منصف: اييييريين اعرفي حدودك
اييرين: لأني عارفتها خرجوني من موضوع الصفقة هدي ، انا حذرتكم و قلت لا الوقت لا المكان مناسبين و انتم عندتو دونك تحملو نتائج رايكم تصبحو بخيير و دارت
منصف: وين رايحة شكون لي راح يلقى حل و يصلح الي فسد ، كملت تمشي
ايرين: لي خربها يصلحها انا مدخلونيش بونوي
خالد كان يشوف فيها وزاد غلو اكثر كبس على يدو اليسرى  ، صاحبتها ديرها و هو يسلك ، مشات جهة الدروج و لقات الخدامة لي تابعتها ثم غمزتها و هديك حركتلها راسها  و طلعت لشمبرتها ، دخلت وصرفقت الباب موراها
منصف: العاصفة بدات تتمرد لازم نشد الحزام عليها
خالد: رح نلقاولها حل و لاخرى راحو الرجال يخلصو عليها #### حتى انو مجاتش باين بقات تتمعشقلي مع الكلب هداك و يحتافلو بربحهم
منصف: خلص عليها بلاماتعرف ايرين بهدا الشي وقتها كل مخططاتي تروح فلما و دبر كدبة غكي بيها غيابها و نهايتها ،
خالد: تههى مايكون غير خاطرك
منصف : الي متاكد منو ريفان ناصري هو السبب فكلشي الكلب هداك تابعو و هي جاسوسة علينا ، و الرجال لي هجمو لابسين نفس لبس الرجال لي داو الصفقة الاولى يعني هو لي سرقلي السلعة قبل !!  مشفتوش انت وقت هجمو على ايرين
بلع ريقو ادا يسمع بيه عارف و خبى لانو مقدرش يلحق ليه او يقرب منو يحرقو حي 
خالد : لا مشفناش شكون قايدهم كانو ملثمين كل ، و لي فهمناه انهم مافيا صغيرة تخدم لتحت تحت و واحد مقدر يلحق لرئيسهم او يقرب من شي يدل عليهم و على مبتغاهم ، يصادرو الصفقات و يعاودو تصدير السلع لناس معينة
منصف : اممم مغلطوش كي قالو انو البذرة الفاسدة تاع عايلة الناصري ، حتى كي #### الدنيا يلقى عايلتو تنظف وراه ، مشى جيهة غرفتو ، متنساش تهلى في البذرة الفاسدة لي عندنا نحب نسمع خبر نهايتها البشعة ، خليهم يغتاصبوها و يعيشوها اسوء كابوس قبل ميخلصو عليها

هدا كل سمعتو خدامة و مربية ايرين لي تراجعت بهدوء للكوزينة تخمم في طريقة تخبر بيها ايرين على الي سمعاتو ، لانو ممنوع يطلعو لغرفتها في الليل و بدون سبب او امر من منصف و خالد
طيشت الطالو فجهة والبوشات فجهة التوتر لي تحس بيه الليلة مش عادي كلش مخلط ؛ الصفقة مش مأثرة فيها كانت شاكة من الاول انها تخرب ،  لي حارق قلبها ريفان ؛نحات الروب رماتو فوق السرير و دخلت للدوش حلت الما البارد وجات تحتو تطفي في نارها ، نار الغيرة لي شعلت فيها موش راح تطفى تحس في مواس يقطعو في قلبها تمنات انو يفسرلها انو ينفي كلشي اما لي لقاتو انو متلذذ باحتراقها وانكسارها قدامو ( دابة 😒 )
ايرين:علاه يا ريف علاااه ؛اما معليش رح تندم نوووعدك رح تندم انت و الجابونية بيريمي ،  نكرهك ريف نكرهك ، كملت دوشت هزت منشفة لفتها على روحها وخرجت ؛ كانت ماشية جيهة الخزانة دارت و تقدمت من الدرج الطاولة فتحاتو تشوف في صورو ، حابة تعيط حاابة تبكي اما شي داخلها مانعها ، كانو يقلها انو كاين حقيقة اخرى ؛ جات تجبدهم حتى سمعت لباب تفتح و حست بهوا بارد دخل لشمبرة و دخلت معاه ريحتو !! رجفت و قشعريرة سرات في جسمها وهي تشم فيها وتحس بكيانو فشمبرتها قلبها يدق بقوة ؛ كمل عليها صوتو الخشين المحشرج
ريفان: اوووه ### نتي ديما بمنشفة ولا انا لي زهري غير مع المناشف ، مليح كنت نخمم كفاه نقطع ### الشوليقة لي لبستي على جلدك
كبشت في المنشفة بيديها الزوج و دارت ليه بالعرض البطيء تتمنى انو ميكونش هنا و تتخيل ؛دارت لقاتو واقف يديه في جيابو ، لابس سيرفات في الاسود و ملثم مغطي راسو و وجهو عينيه يسكانيو فيها ، رجعت موراها خبطت في الطاولة ، اما هو غير دارت ليه و شافها هكاك حس قلبو يرجف و يطلب النجدة ، كل مرة يجي تخليه ينسى اسمو  و تقلب الفيستا عليه ، اما لاااا موش المرة هدي ، موش هو لي يغيبولو التفاصيل ، المرة هدي عارف كيفاه يمشي و لازم يحطلها النقط على الحروف ؛ حكات بصوت يرجف من عينيه باين مش ناوي على خير
ايرين: م مسيو ناااصري وش دير هنا ، هبط الكابيش من راسو و نزل الغطى من وجهو
طلع حاجبو : اممم  مسيو ناصري قلتي ، تطور ملحوظ حتى ورانا وحدنا وليت مسيو ناصري يا المدام ناصري
ايرين: مدام واش ! ايه مسيو و اخرج ممكن يجي خطيبي في اي لحظة
ريفان: اهووه يجي ونتي مقمطة بطرف منشفة مليح زيدي زيدي راني  نجمعلك فيهم متنساي والو باش نحطلك الفاتورة ضربة وحدة ، و ايه معول نخليك مدام ناصري عندك مانع خليه عندك
ايرين: واش الهدرة هدي شارب انت ، اخرج دك اخرج ، مشات جهة البالكون مرت عليه كانو مكانش ، فتحت الباب صاحت في وجهو منتقبلك لا فغرفتي لا فحياتي عندك شكون فحياتك اخطيني و كمل عيش حياتك و خليني نتهرد في حياتي و ميهمكش فيا و متزيدش تدخل فيا او لبسي او مع من نكون حاب تنتقم انتقم منهم بعيد عليا و الله باش تربح اجر فيا لانك راح تهنيني من العذاب ، كيما انت عايش حياتك مع الجابونية بيريمي الزرزومية هديك تلصق و تمس حتى انا نعيش كيما نحب و مدخلكش فيا اوك نكون مع خالد ولا غيرو ميهمكش ، ايا برا و خبطت رجلها مع لرض

حس الدم طلعلو من هدرتها اما كلامها الاخير خلاه يضحك بالصوت و هي لفت روحها بيديها و بلعت ريقها ،  هدرتها هدي بسبة لغيرة اما لي عمرو يغفرهولها مش علجال غيرتها تخلي اي حد يمسها و يقرب ليها ، هو راجل و كان بعيد على كل انثى و دارلها حرمتها حتى و هي غايبة كيما وعداتو واحد ميقرب ليها وعدها فنفسو ميقربش لجنس حواء ؛ بسرعة كان قدامها سكر الباب بقوة
ريفان : اخرجي طول واش تسناي قتلك متوقفيش قدام البالكون اما وذنيك مبلعين ،  وهي رجليها ولا يرجفو نظراتو وحركاتو يبانو مخبين شي حاجة و هربت منو وقفت عند السرير بعيد عليه ؛ دار دورة في الغرفة و بدا يشم
ايرين : تحولت لكلب ولا من قبل انت كلب و هدا وين شفت حقيقتك ، قرب منها
ريفان : ههههههههههههههه عايلتي فصيلتها كلاب السلالة الاصلية ضيق عينيه فيها و الكلاب طيح غير في الكلاب كيفها ، ولا نسيتي اعترافك منظنش اعترافك فالصو ، هربت عينيها منو ، امممم مكانش ريحة رجال مليح راح نعمل روحي مسمعتش ### الاخير ، شاف مع الروب فوق السرير هزها و قسمها على زوج
ايرين : مهبووووول علاااه ، جنيت انت مجنون رسمي