♧جحيم العشق♧Reflex

♤part13♤

الخدامات لي لتم الكل تسرسبو للكوزينة ولتحت خوفا منو ؛امو غير سمعت صوتو متكدبش اذا قالت مخافتش صوتو كان يخوف ؛تمالكت روحها رسمت تبسيمة على وجهها وخرجت ليه ؛غير شافها زاد هاااج اكثر الدم طلع لراسو ؛عروق يديه ورقبتو بارزين ؛غير شافتو حلت عينيها وتبسيمة تمحات ولامرة شافتو كيما هك عيونو السود غماقو اكثر بلعت ريقها وبقات بعيدة وتحكي
صوفيا:أهلا اهلا بولدي الغالي رجعت أكيد توحشت امك ياروحي وبصحتك الرحلة
كلماتها كل مالها تستفزو ويثور اكثر ؛خبط الباب على الحيط حتى تفجعت وقرب خطوتين لكن مع كل خطوة تعرف انو لي قدامها مش ابنها لي عرفاتو شي متبدل فيه
ريفان:وينها
صوفيا:على شكون تحكي
ريفان:قللللت وييينهاااا وانتي تعرفي على شكون نحكي
مع صوتو الي طاالع عرفت انو هايج وميتكالماش
صوفيا:وانا منعرفش على شكون تحكي
هز طابلة لي فوقها الماكلة الكل وقلبها صوت التكساار دار ضجيج كبييير ؛حتى خرجت مرت عمو تجري تشوف فيه واقف وحالتو متعجبش مقدرتش تقرب بقات غير تتفرج
صوفيا:علاااه دير هك ؛اك عاارف وش دير انت؟؟
ريفان:#### قلتلك وينها
صوفيا:ياااه يااروحي شكون نوض الوحش الي فيك مدام تقول وينها اكيد بنت مممم خلي نحزر شكون متقليش هديك البنت لي لامنظرها منظر لاطبقتها طبقة
يحس فروحو مش قااادر يتحمل هدرتها كون مجاتش امو كون خنقها ونحى راسها من جسمها
:ريفاان:ايااااااكي تغلطي اياااااااكي ..صوفيااا عسي وش تخرجي من فمك
صوفيا:اممم وولا اسمي صوفيا لاتكون تقلها ماما هي تطيح عليها تبان عجوزة انا امك ونبان بنت عليها
طرف لعقل بقالو طار كبس على يديه وبدا يقرب والشي لي يجي قدامو يكسرو
ريفان:تهدري وينها ولا نحرق الفيلا بلي فيها
نبرتو كانت تأكد انو واصل للتوب تاعو وكون تستفزو ولا تغلط رح ينسى انو لي قدامو امو
صوفيا:منعرفش شوف معمن راحت
ريفان:نفهم انو نتي خارج نطاق اختفائها هكا؟
صوفيا:مزال متصرفتش ومعنديش علاقة فاختفائها وياريت تبقى متخفية احسن والا...
ريفان:والا واااش واااااش احسنلك تبعديها والا رح تشوقي ريفاان اوخر قدااامك نحذرك هاااه
صوفيا بهمس : نشوف ريفان اوخر !  نخساب لي قدامي هو لوخر ربي يحفظنا من انفصامك و تحولاتك
و حكات : وش رح دير ؟ دقيقة تحبها !!؟ ههههه تحبها !!!
ريڥ تعرف انو عمري مانسمح بالشي هذا
تحكم فروحو علخر ونطق:مش وقت هدي الهدرة قالولي داوها رجال واكيد رجاالك مش غييرهم لاني شفت يحومو ثم ومزال حساب هديك ل### تاع سوزي نصفيه ودك انطقي وقولي
صوفيا:وكي نقولك وينها وش تدير
ريفان:نوعدك ندير اي شي تحبيه اطلقيها ومتديريلها والو
صوفيا غير سمعاتو يهدر هك عرفت انو هاد طفلة تعنيلو بزااف ومش كأي طفلة كيما كانت مخممة طلعت حاجبها وحكات:منعرفش وينها حتى رجالي رجعو ليلة امس كي شافوك بعدت عليها وفهمت روحك ومعنديش علاه نكدب وتبقى بعيد عليها احسن ؛لانو لو نلقاها مرة اخرى قريبة انا رح نتصرف
قرب منها وشدها من يدها ضغط عليها حتى توجعت ؛شافت فعينيه الرحمة مكانش بلعت ريقها وكاريزمتها وثقتها بنفسها الكل تبخرووو
صوفيا:ريفان متنسااش انووانا امك
ريفان:امي لي جابتني برك متنسااايش وانساي انو عندك ابن فهمتي واذا قربتي منها رح نحرق كلش وننسى انو انتي لي ولدتيني حتى
بعد عليها ومشى جهة الصورة لي فيها هو وباباه وامو كسرها حتى تجرحت يدو بكلها
صوفيا عينيها حمارو :ريفااان منسمحلكش انو تكسر صورة هدي بعد
شاف فيها من فوق لتحت وتبسم باستهزاء:  طول عمرك انانية و رح تبقاي انانية و كل الوقت كنت مجرد بيدق حابة تحكميه فيدك؛اما معليش مي نسمع انو عندك يد فلي صرا معااها قسما ونحلفلك براس سليمة العزيزة يا امي لغالية غير تخلصيها ثالث ومثلث ومزال متعرفينيش هاااه بخدمتك تكوني فتحتي بواب جهنم؛اااا خلي نصحح المعنى "مرحبا بيك فالجحيم لانو تفتح من اليوم "
رجفت بكلها من كلامو الي بقى يتردد فكل الفيلا مأكد على كل كلمة خرجت منو ؛ريفان راح من يدها وخسراتو نهائيا وخرج الي متوقعاتوش يصرااا ولي قدرت تتحكم فيه سنين
خرج وخلاها تعاود فحساباتها
صوفيا:لازم نخليه تحت السيطرة اففف هادي البنت علقة للزم تبقى مختفية اذا رجعت بانت رح ندفنها حية هههههههه
سليمة بقات تشوف بعينيها ومقربتش :هادي العايلة مش رح تهدا يهديك ربي ياسلفتي هبطت راسها ودخلت لشمبرتها
ركب طموبيل يلقى سامي يستنى فيه
سامي:واش وين لحقت؟؟
ريفان:مش هي ااااخ رح نهبل وين راحت تشقت لرض وبلعتهم؟؟شكون الرجال لخرين زعما دارهم؟؟
سامي:مي هي فقيرة منين يكون عندهم رجال؟
لمعت فمخو هدرتها هي ووفاء انو هي غنية تبسم وفرح انو ممكن يلقاها
سامي:نقدر نعرف سر هاد التبسيمة
ريفان:خلي نشوفو عايلتها
سامي:وانت وين تعرف عايلتها
ريفان:رح نروحو للجامعة
سامي:صحااا نظف جرحك علاقل
ريفان:مش مهم المهم نطمن عليها
قلع بسرعة للجامعة سقى عليها و عطاوه المعلومات
عيط لواحد من معارفو لي فالدولة يعاونو
ريفان:اهلا صاحبي شووف حاجة مستعجلة حوسلي على وحدة
-اكيد تأمر ريف اعطيني معلوماتها
ريفان:ايرين*****
-اوك خمس دقايق ونعاود نتصل بيك
بقى متوتر ويستنى فيه وكتاه يعيط ويطمن روحو وقلبو عليها مش مأمن انو وصل لهاد لحالة بسبة بنت ؛غير عيط صاحبو هز بزربة متوتر :طمنني قلي لقيتها
........
سامي :وش كاين عرفت دارهم
ريفان بتبسيمة باهتة :ههه ايرين...
*****
فطنو على قطرات المطر لي نزلو عليهم  والجو لي تقلب يشوف حولو مزال واقف على التلة وهاز الخاتم فيدو تبسم بمرارة وهمس:ااااخ ايريين ..
طلعت راسها مغمضة عينيها تخلي فقطرات المطر يغسلو روحها وجسمها بلاك ترجع الطفلة لي قبل سنين فتحت عينيها وتبسمت:ريفاان كبست على السنسلة ناضت من فوق طموبيل ركبت وقلعت ؛عدل لكول تاع لفاست تاعو دار السلسلة فرقبتو شاف نظرة اخيرة فالتلة وركب طموبيلو وقلع