مشى جهة عمو لي لقاه معصب و كشاكشو طالعة
أحمد: كنت تعرف انو كاين صفقة بين المافيا هنا
ريفان: حمودة و يخفالي و بلا متحكي على مرتك و مرت خوك و آيلا تعرفني منغلطش و ندير حساب لكلشي
احمد : #### على هدي ساكت و مقتلتش ### لانك دير حساب كلشي يا ####
ريفان : ههههه رجالي تراجعو تعرفني حنين عليهم منحبهمش يتاذاو ، خلي رجالك يتصرفو ، تعرف هدي خدمة الدولة و غمزو ، ايه عمي العزيز اوتالي جديد و مزال مفرحتش بيه مديروهش لوحة تصويب اساسا غايضني تعب حمامتي راح باطل
أحمد: اضحك ، طول عمرك كلب يا ولد الكلب ، شريت حتى لوتال عامر ليوم يموت و صوفيا دير فلم
ريفان: عمي فصيلتك ولا نسيت هههه و انا تربيتك هااه ،و تعرف ميهمنيش وش يقولو
أحمد: #### بدل عليا وجهك بدل منبعد نعاودلك تربية
ضحك على عمو وتراجع وقت جات الشرطة لي من طرف احمد و ركحو الحالة و اكيد قبضو على لي حبهم ريف يقبضو عليهم و لي يحتاجو خلاه عندو و كان كأي رجل اعمال خربت حفلتو يلوم و يشكي مشى و هو يتمتم
ريفان: ااففف مزال متمتعش بالاوتال مريحتش فيه و مفرحتش بصفقتو كلاب ### ، يوم كل و حمامتي واقفة على التنظيم و خرب في لحظة ااففف
وقف عند باب الاوتال داير يد فالجيب و اليد الثانية ماسك بيها تيلفونو هادي و اعصابو باردة ، كانو مكانش حرب لداخل واوتالو راحت سمعتو و تفجر ؛ غير خرجو الروسي شعل فيه
-لقد وعدتني بان تحميني انت قمت بخداعي
-ريفان: لا يا عزيزي لم اخدعك لست حبيبتك السابقة ههههه و انا أحميك من القتل الآن ، تبدلت نظرتو و رجعت تخوف ، ممم لا اظنك تريد الموت و طلع حاجبو يشوف معاه
-بقى يشوف فيه و يتمتم يسب بكل اللغات
تبسم وهو يتفكر نهار وقف طيارتو و جابوه من المطار بعد ماخلاه خالد ، قاطع تفكيرو أحمد
-أحمد: غير تضحك يا تربية يدي معرفتكش ، خلينا نروحو لدار عندنا حسابات بزااف نحكو عليهم اولد لكلب
-ريفان : راك تسب في روحك
-أحمد: انا وش درت في حياتي باش تربيتي تخرج هك
-ريفان: سلموش تكون متحيرة عليك هي و آيلا روحلها انا عندي شوي حسابات نسكرهم و نلحق ،
ضيق عينيه فيه ، -أحمد: بلامشاكل
تبسملو ريف وهو خبط راسو بقلة حيلة ومشى
تنهد وعض شفتو: ممممم و اخيرا جا وقتك عزيزتي
سامي كان يعاون و يخرج فالناس بعد ماتطمن على وفاء وأكدلها انو يستنى في فرصتو الليلة و مش راح يستسلم مع انو قدر يفهم من عينيها انو موش راح يتحصل عليها ،
فراس لي خرج ايرين و وصلها بيدو لجماعتها سالمة غانمة كيما وصاه ريف و طمن على الكل ، رجع لسامي و راحو تلاقاو بيه
-فراس:بوص كلشي كيما تخطط بالضبط و السلعة في بلاصتها
-سامي: و الروس خاتم بين صباعك ريف ، دك وش معول دير ، شاف فتيليفونو
-ريفان: انا رايح لحمامتي نتفلها شوي ريش ، تهلاو اوك
-سامي: و لوتال !
-ريفان:ريقلوه و نظفوه نسحقو جديد خدش مافيه ، راح نديرلو افتتاح و نعلن اني انا لي شريتو و نعلن على المالك الحقيقي تاعو
-فراس : اوك بوص كيما توصي
-سامي : صاحبي شوف هي حمامة و انت ظلام و الحمام في الظلام ميشوفش و يغلط و ميفهمش و يرسم سيناريوهات من راسو بالشوي عليها اوك ، منحبش نبقى بلا ستيتش و بلا مرت اخ كفاه نحضر عرسك و نفرح بيك بلا عروس ، مسكينة حمامتك اي طرية متسخنش لما بزااف
-ريف:سااااامي ، دار ليه يضربو بوكس تخبى بفراس و جات فيه ، حكم كرشو يتلوا بالوجع
-فراس:امشي امشي خلينا نروحو متقدرش تسكر فمك ثواني ، ااخ ثقبلي كرشي ، سامي طل على ريفان مورا فراس
-سامي: متسحقش دعم ، خلي شوي رجال معاك و يبقاو من بعيد
-ريفان: لالا منحتاحش ، شاف مع فراس مضيق عينيه ، و منسحقش ولا واحد يلحقني ، ولا واحد ورايا فرااس ، تقدرو تروحو و ديرو بالكم عايلة المصطفاوي مش رح يسكتو خلو كلش تحت عينيكم ضاعفو الحراسة
-فراس: بوص علاقل خليني نروح معاك ، شاف معاه تاع مكان لاه و مشى و خلاهم
ايرين لقات وفاء قدامها و باين متوترة و مخها ضايع
-ايرين : خلينا نروحو بابا ليوم يدير حالة ااففف مش راح يسكت على الي صار
-وفاء و كانو مسمعتهاش باقية في صراع بين قلبها وعقلها وكبريائها و كلشي تخلط عليها ؛ ضيقت عينيها تشوف فيها منبعد تفكرت طلب سامي حركت يدها قدام وجهها
-ايرين: هااي وين غبتي
-وفاء:اااه والو اا اي ايه خلينا نمشو ،
- تنهدت : روحي ليه
-وفاء: لكن .. انا ..
-ايرين : روحي لوكان متروحيش رح تبقاي تخممي في هدرتو طول حياتك و راح تبقاي حياتك كل تخممي كون عطيتيه فرصة كون رحتي تلاقيتيه وش كان صرا وش كان قال ، خلي فرصة لقلبك وفاء اي واحد منا يغلط و سامي من نظراتو يبان ناويك صح ، وفاء نعيشو الحياة مرة متضيعيهاش ، ديريها مغامرة و جربي مرة اخيرة مش راح تخسري شي
وفاء وكأنو كانت حابة حد يدعمها تبسمتلها و جات ماشية ومنبعد رجعت ليها حضنتها بقوة : شكرا ايرين شكرا لانك في حياتي شكرا لانك ديما واقفة معايا
ايرين : هدا الكلام انا الي نقولو وفاء ،
وفاء : رح تكوني بخير منصف و خالد راح ...
-ايرين:ماتخممي فوالو من غيرك نتي و سامي اوك ، روحي رح نغطي عليك خلي تلفونك شغال
تبسمتلها ومشات وايرين تنهدت : ليلة طويلة اففف وش يخلصنا من لسانو ان شاء الله ميتماداش اكثر من الكلام
ركبت طموبيلها وديمارات وقت الي منصف وخالد وباباه مشاو قبلها ، و انتبهت لرجال يتبعو فيها خبطت لفولون و همست ، رييف
لحقت لدار تسمع فالعياط من برا وصوت تكسار، مشات بكل هدوء داخلة تشوف فمنصف يكسر فكل حاجة تجي قدامو
-منصف: حيوانات عندي مخدم بهاايم ميفلحو لوالو مهمة كي الناس مقدرتووولهاااش ، صفقتين نخسرهم في شهر واحد
أنت تقرأ
♧جحيم العشق♧Reflex
Action________________ #جـحـيم_العـشـق ________________ .... REFLEX ... الفرق بين الإعجاب والحب ...! بداية سوف تعشق "العين" وذاك هو الاعجاب ... فإن وقعت في الحب ... ستقع معك نقطة النون للأسفل فتعشق "العيب"أيضا
