________________ #جـحـيم_العـشـق ________________
.... REFLEX ...
الفرق بين الإعجاب والحب ...!
بداية سوف تعشق "العين" وذاك هو الاعجاب ...
فإن وقعت في الحب ... ستقع معك نقطة النون للأسفل
فتعشق "العيب"أيضا
تنهدت ايرين : كان يعرف بلي درتو هديك ليلة فالديسكو وفاء : هدا داب كفاه محكمش فيه المخدر ، شافت معاها بغش ، مش عبد نورمال ايرينتي متشوفيش فيا هك نخافك ايرين : اااه رح نهبل وخايفة ؛ بابا مش رح يسكت و معلباليش كفاه حصل على الاسهم و الشركة وش يحوس و ناوي ، و كلامو شي تان زعزعني من داخل وفاء : ريفان عندو مخطط كبير و سمعتي كي قال حاب على باقي الاسهم و الاكيد مش راح يقدر اي حد يوقف في وجهو ؛ خوفني الصراحة ، و لي مفهمتوش علاه دار هك و وش يكون اذا مهوش من الدولة ومهوش من لمافيا وش يكون ؟! ايرين : تحرق مخي و انا نخمم فيها ؛ لي نعرفو انو ميخضعش للعسكر لانو ميحبهمش و عندو مشاكل معاهم عكس باباه و عايلتو ، و مهوش من لمافيا لانو كل المافيا يعفو بعض، وش يكون و قوتو وش سرها اففففف متزيدينيش بدلي الموضوع وفاء : ربي يسترنا صح كيفو كيف الظلام متشوفي فيه اي شي و في نفس الوقت جحيم يحرق الاخضر و اليابس، مررت يدها على رقبتها و ابتسمت ايرين : و انا نعشق هداك الجحيم و نارو و قابلة نتحرق فيه و اني نغرق في ظلامو و عمري نشوف الضو على انو نعيش بعيدة عليه لانو فراقو يقتلني اكثر من قربو يقتلني ببطئ ، تعصر قلب وفاء وهي تسمع فيها تعرف انو صحبتها تحبو وتتعذب على بعدو ؛و وقوفها على رجليها بعد كلشي صار معاها بحد ذاتو قوة شحال تعز بيها وهي تشوف فيها قدامها مالغري لي قساتو قبل يومين كون حد غيرها ميقدرش يوقف اما هي واقفة و متوريش انكسارها لاي كان ، ورجوع ريفان لحياتها حيا روحها مع انها خايفة منو عليها ، اما ابتسامتها و اللمعة في عينيها لي تكون غير كي تشوفو تخليها تنسى معاها كلشي و تفرح ، في حضور ريفان تتحول لايرين ثانية ؛ لكن منصف و خالد ميخلوش فرحتها دوم وفاء : بما انو شريكنا و رئيس العاصفة و انتي المدير التنفيذي تاعها راح نشوفوه بزاف ايرين : منحبش نحلم و نتخيل ، لكن تقولي استحوذ على العاصفة لانها تابعتني و انا المديرة التنفيذية تاعها ، و علبالو انو بابا كان راح يكتبها باسمي سمانة هدي ؟!! فراس : آنسة آيلا مرحبا بيك اا... مع شافتو نقزت عليه تحضناتو و مخلتوش يكمل كلامو و هو مكانش من العاكسين بادلها الحضن آيلا : البوڨوص تعنا توحشتك هه ااي كسرلتي عظامي بالشوي عليا راني زوج عظام هههههه بعد عليها و حمحم فراس : البو.. احم المسيو ريف يستنا فيك ايلا قلبت شفافها : مجاش يستقبلني ، هزو الرجال الحقائب لصقت في ذراعو و خرجو ، حتى لمحاتو متكي على الطموبيل يشوف في تلفونو ؛ عضت شفتها بحماس وهي تشوف فيه الفرحة تنطق من عينيها آيلا : ريييييييفوووو حبيبي ، غير طلع عينيه شافها تبسملها وحل يديه وهي هداك وش كانت تستنى طلقت فراس و راحت تجري ترمات في حضنو -ريفووو تووحشتك يابطلي -ريفان : والله ياصغرونتي انا تان توحشت الحركة هه قلبت شفافها - آيلا : منيش صغيرة ، قرصها من خدودها ريفان:هههه رح تبقاي صغرونتي حتى وتولي عجوزة ، خلي نمشو الكل يستنى فينا و سلموش راهي عند لباب ديجا بدات بلاستي تروح - آيلا : تعرف ماما تحبنا في زوج هههه أما تعزك اكثر مني كانك انت بنها مش انا ههههه مشاو ، تشوف فيه نظراتو متغيرة صح فهدو 4 سنين تبدل و يبقى كي الجو كل دقيقة بحال ، اما ليوم غير و كانو شي صاري معاه عينيه السود فيهم لمعة ! حلت عينيها على وسعهم وقت شافت خباش فرقبتو ؛ و الشوميز لمطبوعة بروج ، بلعت ريقها وغطات تفاجئها بضحكة - آيلا : ريڥو بعد 4 سنين نشوف بلي وليت تلعب مع القطوط ! طلع حاجبو يشوف فيها وهي اشرتلو بدائرة بصبعها عند رقبتها بمعنى رقبتك بدون وعي حط يدو على رقبتو و عقبها على عنقو و ضغط على لفولون وقت تفكر لي صاار و الحالة لي خرج بيها من عندها كون ما فراس كان تفضح و الروج مخمجو ، بقات تشوف فحركاتو مضيقة عينيها ، و لمعة عينيه خلات قلبها يعصر اما بقات تضحك و تجبد معاه فلهدرة هدرتو ناقصة ، هو هك بالطبيعة اما هي متسكتش وصلو لدار لقاو سليمة عند لباب و البسمة محلية وجهها ، خرجت من الطموبيل ودموع فعينيها ، حلت يديها وراحت تجري تحضن فيها و تبوس شحال توحشتها سليمة : قلبي تحرق على شوفتك ، قريب عام مشفتهاش من آخر مرة داهم ليها ريفان يشوف معاها و تبسيمة عريضة على فمو ريفان : سلموووش نغيير هااه سليمة:تعرف انو انت ولد قلبي و بلاصتك زاحد ميديها و حضناتو مع بنتها آيلا : ربفو و انا نغار الضحكة و البسمة يكونو غير مع سلموش بعد عليهم يخليهم يشبعو بعضاهم ، يشوف معاهم و هو متأثر من الموقف طول عمرو امنيتو لو انها هي امو ، طلع راسو جاو عينيه مع عينيها لي يراقبو فيهم و معوجة فمها ، يديها ضاغطين على حديد لبالكون ، تبسم باستهزاء و لعن بين شفافو ، بعثلها ميساج قراتو نار قريب تخرج مع وذنيها { خسارة كلمة مرأة و أم فيك، وش تعرفي الامومة ، راقبي يمكن تتعلمي مالغري فاتك الوقت } خبطت رجلها فلرض و دخلت ، ميضيعش اي فرصة باش يقصفها ريفان : سلموش خلينا ندخلو نباتو هنا ، ليوم السي أحمد يبات في الصالون على حساب وش نشوف آيلا دات بلاصتو ههههههه ضرباتو لذراعو شدها يبوس فيها : متحشمش ريفان : راك عسل ربي يحفظك ليا ، دخلو و آيلا تنقز من و من و تسقسي على باباها في الليل في الصالون آيلا قاعدة بين عمها و باباها ، امها جنب ريفان لي محضنها و مرة على مرة يبوسها يفقص في عمو ، الفرحة مش سايعتهم برجعوها ، نوارة العايلة ، سامي مقابلهم و ياكل كي عادتو ، نزلت لعندهم طالونها ينقب فلرض شعلت التلفزيون تويرلهم في الاخبار "آخر الاخبار التي تحصلنا عليها رجل الاعمال الشاب ريڥان ناصري شريك لرجل الاعمال القدير منصف مصطفاوي ، و المالك الجديد لشركة العاصفة الشركة الأم لشركاته الاخرى و يوم ..... الافتتاح و حفلة الشراكة" (قناة النهار خبر ماتطلقو ) عامر من الصدمة وقف سامي نطق و فمو مليان : هدا وين لحقهم الخبر اوو روطار هدو ، مبقاوش يخدمو كي قبل ههههه صوفيا : انت تبلع حرف ماتنطقو و خبطت تلكوموند مع تلفزيون شرق سامي قلب ريفان عينيه منو و مدلو كاس ما ، ميخافش من عايلتو كيما صوفيا عامر : وش #### الهدرة هدي ، كفاه شريك و مالك و ### احمد : اهدى عامر و دك يفهمنا سليمة اطلعو للغرفة ريفان : لا عمي انا اساسا كنت خارج صوفيا : دك تلغي ### الشراكة هدي و ترجعلهم ### العاصفة مناش محتاجين شركات و لا ممتلكات ريفان : اوو صوفي اعصابك ، تؤتؤتؤ صوفي بريستيجك عيب تحكي هك امرأة الاعمال العظيمة يخرج كلام هك منها عيب عامر : ريفاااان شاف مع باباه مليح : نفحتلي على شركات المصطفاوي ، و نحب اسمي يطلع اكثر ، و تعرف اسمهم حارق السوق بعد اسمي طبعا هههه عامر : كاين احسن منهم وزيد تعرف انهم عايلة مافيا و مش اي مافيا ، storm لي قضاياهم تحت يدينا ضيق عينيه و شاف معاهم صوفيا : على اخر عمري اسمي يتربط باسم سفاحين ، طلقت روحها على الفوتاي ، ولدك هو لي يقتلني يا عامر قرب ليها و يمسح على يدها و سليمة مدتلها كاس ما و آيلا تشوف مفاهما والو ، اما ريفان مسح على وجهو من سيناريو لي يشوف فيه : حبيت ننشر شوي ظلام و لي يدخل يلوم نفسو ، و نسحقكم كامل في الحفلة قرب من سليمة ، ميما نستناك اوك باس جبينها وخرج ، سامي هز لڨاتو في يدو و لحقو يجري ، و هنا صوفيا ولات تغلي أحمد : ديرو لي قال ، نكونو مع لي يدير فيه أحسن ما يرجع ضدنا ، بنكم و تعرفوه سليمة آيلا قدامي راح الحال راح لدارو وين يبعد على كلشي و يرتاح ، كان تحت المرش و تفكيرو محصور في لي صرا في المصعد ، ميقدرش يخسرها معاها يكون انسان بدون حواجز بدون أسماء و طبقية ، يكون مسالم و هادي و يحب يعيش معاها يفقد كل أوراقو ، حتى و لزم الامر يخطفها و يحبسها ، عارف انو يستغل فيها لكن هي لي لزاتو للشي هدا ، تفكر قربهم خبط الحيط بيدو ، ياريتو خطفها او حبسها و كمل لي بداه ، نارو معادتش تطفا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سلموش
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
