♧جحيم العشق♧Reflex

Part 41

ليلة هديك فاتت سودة على قلوبهم في اربعة ، سامي و وفاء يخممو فبعد الحفلة ، سامي يخمم ادا راح تسامحو و يقدر يصلح لي تكسر و وفاء ادا تروح او لا ، ادا تعطيه فرصة و تامنو مرة ثانية ، اما كوبلنا الثاني عماتهم الغيرة و غطات الحقيقة عليهم و خلات كل واحد منهم غارق في دوامة وحدو ، 
ناضت صباح و خرجت هي و وفاء بلاماتاكل شي او تحكي مع حد ، اشرفت على كلشي بيدها و نظمت كلشي ، و من جهة وجدت مكان الصفقة مع رجالها ،  الحفلة تجهزت بستييل كلاسيكي راقي و فخم يحبو الكل ينسجم معاها مستحيل يقدرو يلاحظو وش وراها ،
بعد ماكملت رجعت للفيلا توجد نفسها اليوم هو اليوم لي عندها سنين تسنا فيه ، اليوم راح يكون لقائها وجها لوجه بالعايلة لي كانت سباب كوابيسها
ريفان كانت عندو تصفية حسابات ، و في وسطها ايرين لي قلبتلو الموازين كل ، مخو مخلط اما لي عارفو و متأكد منو راح يخرجها من هداك المستنقع حتى لو خسر حياتو ، و بعد ماعرف شكون صاحب الهجوم تاع المول صارت هدي مهمتو الاولى و الاخيرة لي مستعد يضحي في سبيلها بكلشي ، لكن لي حرقو و نهش راحتو انو كل مايغمض عينيه تجي لقطة خالد و هو يمس فيها و يتغزل بيها ، و عقلو يزيد يرسملو اشياء ثانية ، نار تشعل داخلو شي اقوى منو يخليه يثور حتى خدمتو مش قادر يركز فيها ، كان حاب يروح ليها و يفرشخها على لي صرا اما ملقاش فرصة و كان شي صعيب ،
و الشي لي متعرفوش انو الوقت كل عينيه كانو عليها ، و لي غاضو و لعبلو على الاعصاب انها مزال حابة تلعب معاه و مطيحة بقيمتو كيفها كيف باباها و مزال تخبي عليه ، وين حابة توصل بكلشي تعمل فيه هدا السؤال لي حب يلقى جوابو ، و الليلة .
وصلت لعشية و الكل يجهز فنفسو ، و الكل حاب يبان فكامل اناقتو و احسن من شخص معين !!
تنهدت و شافت مع روحها نظرة أخيرة و هي راضية على الانعكاس لي مقابلها في المراية ، هبطت لتحت وين كانو كلهم يستناو فيها عينيها مليانين قوة ، غير شافوها ناضو الكل ؛ منصف قدم منها و هو فاتح يديه ضحكة عريضة على وجهو  : عاصفتي باسها من يديها في زوج ، اميرتي انجح انتاج لمنصف مصطفاوي هههههه قلبت عينيها منو ، شاف مع خالد لي  يبلع فريقو و يعاود ، غمز خوه و خرجو خلاوهم وحدهم ،  خالد يشوف فيها و قلبو يدق بطريقة غير عادية، جمالها لي ديما مخبيتو و قليل وين يشوفو بان هاد الليلة بطريقة جامي شافها قبل ، اما وفاء غير شافتها فتحت عينيها وبدات تمتم و تلعن فيها و في روحها : #### اليوم ريفان #### الحفلة و الاوتال علينا ،
يارب استر ياربي هدي حابة تموت على يد ريف ولا كفاه ، متحشمش و متترباش اليوم ناكل كسكس عليها ( كاشي حابة الكسكس انا خاطيني 😂)
تقدم منها بخطوات ثابتة عينيه في عينيها ،
خالد : نعرف انو زينك خلاب اما كيما ليوم ههه مشفتش ، صراحة نخاف منك من العيون نظن منروحوش احسن هههه
لو بقيتي ستيتش احسن ليا هههه و تذكر كلام ريفان ضغط على يدو
تبسمتلو على غير العادة حتى استغرب : خالد مش لهدي درجة مكنلاه المجاملة اكثر ، هز يدها و طبع بوسة عليها
خالد : مش مجاملة هدي الحقيقة انتي اجمل بنت فالحفلة بدون منازع
وفاء : ااه يا ربي هزني ، هزني منشوفش المقبرة لي يحفرها ربفان الليلة ، هنا يبوس فيدها قدام ريفان تخليه يكمل ليلة دخلة
شافت في وفاء وغمزتلها لانو لقاتها تايهة فيها ،خبطت يدها على راسها وتمتم مشات وخلاتهم : #### عليها اول قبر يحفرو قبرها ؛ شافت مع يد خالد
ايرين: خالد شبيها يدك علاه صاريلها هك !؟
لز على سنانو شاف فيها وتبسم : حادث صغير
شافت فيه حادث صغير ! اصابة هك حادث صغير سدو كل ملفوفة ! فيقها خالد وقت عطالها يدو الثانية كروشاتها ومشات معاه وسط تخمامو و تساؤلاتو وش لي خلاها تتبدل معاه هك والليلة بالضبط ! كاين حلقة مفقودة و لازم يلقاها
واقف هو وعمو لتحت يسناو فآيلا و سليمة و  كل شوي يشوف فالساعة مركز مع تلفونو و يخربش فيه ، و أمو جالسة على كرسي من هيه تشوف فتلفونها بملل  اما باباه رفضو للشراكة نهائي و رفض يكون معاه ليلة و فضل يشوف خدمتو على حضور الحفلة
صوفيا : اففف من ويكت يطولو هك ، كنت انا لي نطول يخي تقول رح يخرجو اميرات بريطانيا
شاف فيها ريف باستهزاء : ههه صوفي اكييد تبطلي وليتي عجوزة متقدريش على صبر الشي لي تخمجو بيه وجوهكم هههه خلي الدالة للي بعدك صووووفي و قرصها من خدها
صوفيا: بعد بعد خلي خدودي يا هم انت صح وليت متحشمش
أحمد شاد ضحكتو بالسيف خايف صوفيا ترد غشها فيه ؛شوي و يسمع صوت الكعب العالي ، طلع راسو يشوف فملكتو و اميرتو هابطين صفر و هو يشوف فيها و بدا يصفق ، شافت صوفيا و ريف فيه كفاه يصفر فرحان كانو شاب عشريني و خارج في موعد مع حبيبتو ، عوجت فمها وهي تمتم : بففف تافه ، سي احمد كي تكمل تمعشيقك الحق ، و خرجت قبلهم
ريف صفر ثاني و قدم ليهم و آيلا عينيهم ولاو قلوب لكن كي حكى قلبت عينيها و فرحتها طاحت في الما
ريفان  : اووووو سلموووش جوهرتي ديتيها للكل واش هدا الزين اقلبي راح يحبس قلبي 
أحمد:اااي الزم حدودك مرتي هدي ويكت تحشم على روحك  بعد ، دزو ريفان و سبقو يجري عاون سليمة نزلت من اخر الدروج و احمد يضرب فيه على كتفو
سليمة حشمت منهم و من نظرات احمد ليها رغم انو كبرو و عندهم ولاد الا انو ديما حبهم متجدد ، ديما يعامل فيها على انها بنتو الاولى حبيبتو الشابة لي عشقها و سكنت في روحو ، سنين زواج و مشاكل الا انو حبهم عمرو نقص ،
ريف دار يديه فجيابو يشوف معاهم مع نظراتهم لبعض كفاه عمو يتغزل بيها و الفرحة لي في عينيهم شاف شي بيناتهم هو شطب عليه و محاه من قاموسو ، رغن انو ميآمنيش بيه لكن لي يعرفو الشي لي بيناتهم كبير ، كبير بزاف رغم لي مررو بيه فالماضي و لي عاشوه اما ولا مرة تزعزع لزوج حاربو الظروف علجال حبهم بلاك هدا الشي الوحيد لي يقدر يرذخلو و يقول عليه حب نقي لانو مكانش اسم ثاني ليه
آيلا: وانا معنديش لي يتغزل بيا و يديرلي هك نغار منك ماما هااه نغار ( تخيلوها كاشي كي تغار على شوشو 😂)
قرب منها حضنها و باس راسها
أحمد: أميرتي نوارة حياتي انتي كل يوم تكوني اجمل الجميلات كفاه راح يجي نهار و نزوجك و نخليك تبعدي عليا ،
آيلا : يمكن منبعدش عليك ههههه ( اسناي تسمعك ايرين )
ريف: حمودة انا نظن ليوم نزوجو آيلا و نروحو الخطابين يديرو طابور عليها ههه
شي داخلها تهز كي قال هك ومعجبهاش لحال : امممم معناها جيت زينة ريف ؟ عجبتك ؟
ريف: ممم ويي تبسم تبسيمة خفيفة بالو فارين ، متشوق يشوفها و يملى عينيه بيها ، سليمة حضنت آيلا و احمد : ربي لا يحرمني منكم ، ريف حس قلبو تزير ، طول عمرو متنيهم عايلتو متمني سليمة امو الحقيقية
أحمد كروشا فيد سليمة و مشاو
احمد : صوفيا ليوم #### ههههه خلونا نروحو
آيلا لصقت في ريفان و كروشات يدو مشاو و هو يحكي فنفسو {ان شاء الله حمامتي متفهمهاش بالنقص حتى نفهمها آيلا وش تكون ، نعرفها تخمم بعقل خاطيها } (مسكين  😂 فهمت و كملت شهد على روحك )
آيلا : فراس وين
ريفان: سبقني هو و سامي و تبسم بخبث
عايلة المصطفاوي لحقو هوما لولين باش يشرفو على استقبال الضيوف ، خالد و ايرين كانو فالواجهة يرحبو بالكل ، كانت حابة غير وكتاه يجي رغم كلشي اما حابة تشوفو و تتلذذ بنظرة الغيرة لي عندو حتى ولو مش في محلها ، ملت وهي تستقبل في الناس ؛ مدة و  سمعت خالد
خالد : و اخيرا شرفنا الناصري اممممم السيد ميراطيش ، مسح على لحيتو ، على هدي ديما كان وحدو و مكناش نشوفوه مع نسا
غير قالها هك بلعت ريقها و مقدرتش تشوفو هدرة خالد حستها رصاصة ضربت فقلبها ، اما خالد فكان مضيق عينيه و يشوف فآيلا ، يسكاني فيها من فوق لتحت وبزاف افكار جاو فراسو ؛ بعد صراع نفسي قررت تهز راسها و تعرف علواش يحكي خالد و وش يقصد ، اما ياريت كانت عميا ، تشوف فيه بكوستيم اسود كلو ، كالعادة يمشي بكل هيبة راسو الفوق خطواتو ثابتة و محسوبة خزرو عينيه قوية و قناصة تزعزع رجال ، يد في الجيب و يد مكروشيتها بنت زين و عين ، لا ولاصقاتو مكانش فراغ بيناتهم ، بلعت ريقها نفس البنت لي شافتها معاه قبل نفسها لي جات للشركة و لي كانت معاه في المول ، كوبل ؟!  و زاد عليها بالابتسامة الخفيفة لي مزينة وجهو ، تحس فالهوا نقص وقلبها يوجع كبست على يدها ، مش قادرة تتنفس  و هدا مش وقت نوباتها و لا حتى انكسارها لازم تتحكم فنفسها ، هبطت عينيها تشوف فنقطة لمدة 10ثواني باش تقدر تتحكم فنفسها ، و تحسب ، ريفان انتبه ليها و لكل حركة منها نفس طريقتو في التحكم باعصابو و ضحك ، كل العيون تحطت عليه زينو الاذربيجاني الغريب طغى على الحفلة معندوش شبه لا بامو لا بابوه
سامي كان حتى هو  لابس ومكستم و زينو الغربي طاغي على الحضور ، استقبل ريفان و عايلتو و هو يشوف في كل زاوية بلاك يلمحها حتى قاطعاتو آيلا
آيلا : سااامي شوف انا وريفاان نبانو كوبل هههه ، نليقو لبعض بزاف يخي
سامي: امممم كوبل ، #### بيا كون مجيتش نعرفكم نحلف عليكم توام هههه احلى توأم شفتو في حياتي ههههه
وبدا يتمتم : كوبل ### وتسمعك الحمامة نقرا عليك الفاتحة ، مفهمتش القرابة بين العاصفة و الحمامة صاحبي قلبو ### لبراماتر تاع مخو
تأففت آيلا  و قلبت عينيها و لصقت في ريفان اكثر ، لاحظت الهمس لي عليهم مكانش اشكال تستغلو
سامي : شوفي عينيك شوفي شعرك كيفك كيفو صوماليين ههههه
ريفان مكانش معاهم وكأنو مسمعهش كانها مش لاصقة فيه دك ، يشوف فايرين من بكامل اناقتها ، جمالها وحدو، تاخذ العقل ، رجعلو شاهد العقل و طرطق عينيه فيها ، في فالروب لي لابستها وماكياجها و الروج لي فشفافها عض على لسانو وضغط على يدو لي شادة آيلا حتى توجعت و تاوهت جنبو
آيلا: ااااه ريفان ، ري ريفان يدي وش كاين
نتبه ليها زفر : ديزولي مكان والو
شافت فوجهو لي تقلب بين ثانية و اختها و رجع مظلم شافت وين يشوف تلقى بنت و فستانها يفتق طايها باينة و تهبل و راجل واقف جنبها ، لكن البنت وجهها ميبانش لانو مهبطة راسها تمتمت :ااممم هدو منافسينك ؟
قبل مايلحقو ليهم ايرين تجنبتهم : انا نروح خاالد استقبلهم انت
خالد: هوما مسؤولين ثاني مكانش داعي نستقبلوهم خلينا نمشو منيش ناقص الغوريلا هداك
شدها من خصرها بيدو اليسار مقربها ليه و هي حطت يدها على يدو ومشاو ، اما ريف عينيه حمارو و قريب يولي غوريلا صح ، تنفس بالشوي همس : يسمى متترباش اوك ، اوووك ادا ما #### و عوقتك منسماش ، وهديك ####  ياااديني وش بيه ###