♧جحيم العشق♧Reflex

♤Part12♤

كان ماشي و فلحظة وقف و قبل مايدور ليها مسحت دموعها بسرعة
ريفان : ايرين
حركتلو راسها مش قادرة تحكي صوتها مخنوق
حكى بصوت يخوف بنبرة التهديد:ايااااكي و ثم اييياكي تخلي حد غيري يمسك نشوهك ايريين
تبسمت بمرارة وحركتلو راسها بايه ؛؛ضغط على يدو يتمالك فروحو
ريفان:وتفكري حاجة خلي الناس كل تبكي ومتبكيش انتي ؛ ابقاي تضحكي حتى و داخلك بركان
بدلت عينيها من عينيه؛حابة تروح تحضنو وتخبرو بواش فقلبها كبست على يديها باش تقدر توقف ؛للحظة رح يضعف دار وزرب فخطواتو مش حاب يعاود يشوف فيها اول مرة يحس بهاد الاحساس وهو يكره احساس الضعف طول عمرو قوي ويدمر مش هو لي يدمروه هو يعرف يدمر برك ؛يمشي ويتحلف انو كلشي رح يتبدل ويرجع ليها معلبالوش علاه حاب يرجعلها ويكون معاها لي يعرفو انو ولات مهمة فحياتو
مسحت دموعها وتبسمت شبه ابتسامة ؛مشات جهة المخيم اما حبسها صوت خلاها تترعب
-ايرين
سامي كان رايح جهة وفاء اما تجاهلاتو تأفف ومشى جهة واحد من لولاد ؛وفاء تشجعت وخممت انو تواجههو وراحت جيهتو اما لكلام لي سمعاتو صدمها
-واش صاحبي عجباتك الخباشة هههه
-باين يجرب محال تعجبو هديك الطبقة ويكون طيح نيفو وشاف فيها
سامي معلبالوش علاه غاضاو الحال اما رسم تبسيمة وحكى:هههه هااك جبتها ..حبيت نجرب سلعة جديدة هدا مكان محال نشوف فيها ..للحظة حس بغصة فحلقو وهو يهدر فهدو الكلمات اما قالهم باش ميتشمتوش فيه ؛طلع راسو يشوف فصحابو يشوفو وراه ودايرين قريماس يحبسو فالضحكة؛شاف وراه قابلاتو عينيها معمرين دموع ؛شافت فيه من فوق لتحت وشعو عينيها بلحقد مشات وخلاتو ؛غمض عينيه بقوة عض لسانو ندامة  من واش قال ؛جاا ماشي جهتها ويلحقها مقدرش خانوه رجليه ؛تنهد ومشى ؛حبس وخبط يدو فشجرة
سامي:علاه قلت هك علاااه افففف وش تكون دارت فبالها اكيد جرحتها ريفان قال انو حساسة افففف وش درت انا مي علاه غايضتني ونحس هنا يحرق (حط صبعو على قلبو)علاه دموعها ضروني اففففف
جبد قرعة ماا كبها على راسو ومشى يلمح فريفان قاعد على حجرة داير راسو بين يديه باين مهموم ولا مرة شاف صاحبو ضايع هك ؛قعد بجنبو طلع ريفان راسو ليه يحسبها هي اما لقاه سامي
ريفان:سامي حاب نبقى وحدي تعيش
سامي:وش كاين ولا مرة شفتك ضايع
ريفان:ضايع هههه حاس روحي نتحرق وهدا يوجع معلباليش علاه وبقى يأشر لقلبو
سامي:انا صح كنت منحرضكش على هاد الشي اما باين فيك عاشق وحابب ستيتش
ريفان:ماما رح تأذيها لازم نخليها بعيدة علياا قتلها منيش حاب تزيد تكون قريبة ليا ؛انا لي بعدتها وانا لي تحرقت وتضريت
سامي:ومزالك مش فاهم وش معنى هاد الشي؟
هبط راسو مش قادر يجاوبو
سامي:تحبها
ريفان: مانعرفش و ماعلباليش ، كل لي علبالي بيه انو قربها يخليني فرحان وبعدها يخنقني ، دموعها يحرقوني وضحكتها تخليني فرحان و قلبي طاير ، لمسة منها تخليني ننسى كلشي ونخمم غير فيها  ؛ ريحتها يا سامي كانها مغناطيس ومخذر ليا ، سامي ماعادش فاهم روحي معاها الي نعرفو انو هي انسان مهم فحياتي
مي لازم نبعد عليها  رجال امي شافوها واكيد رح يخبروها  أكيد رح تأذيها
بقى يسمع فيه ومعلبالوش علاه خمم فوفاء فهديك الدقيقة؛قرب منو وحضنو
سامي: صاحبي انت بحد ذاتك ظلام و ينخاف منك مش العكس اجبدها لظلامك و وقتها واحد مايقدر يتجرأ يبعدها عليك ، خاطيني الحب و صوالحو لكن نشوف فيك غارق مالغري في وقت قصير اما الحب هو انو تحاارب علجالها حتى و تطلب الامر تتخلى على كلشي و تهربو منا و تكون معاها هي وحدها ؛ خليها معاك ديما متخليهاش تبعد عليك منعرفكش جبان كون كيما نعرفك ديما تدمر اي شي باش تدي حاجتك؛حتى وتطلب لامر تخلي كلش وتهرب معاها
ريفان:ايه نتخلى على كلشي المهم نعيش معاها حاجة ماعندها طعم بلابيها طول  عمري حياتي بلاطعم في مدة قصيرة ولات حلوة وفيها نبض لانو ايرين فيها
سامي:واش تستنى هيا نوض وخليها ملكك حااارب وشعل الحرب علجال هاد الشي
ريفان بدااات تدخل هدرة سامي لراسو ناض والضحكة ففمو:ايه عندك حق رح نخليها ملكي والي يقرب نحرقو وندمرو حتى وكانت عاايلتي ؛ولا نقلك نديها ونهرب بيها يامات وكي نرجع نخليها ملكي قدام العالم كلو
سامي:هيا بلاماتضيع وقت
ريفان:هي انت صح بهلول مي مرسي على وقفتك مننساهاش
سامي:هيا روح برك
طبطب على كتفو وبلامايخمم راح يجري لوين خلاها ؛سامي بعد ماسمع هدرة ريفان ناض مصمم انو يطلب السماح من وفاء بأي طريقة
يجري فكل بلاصة كي المهبول راح لوين خلاها ملقاهاش كان غير يعيط باسمها
ريفان::اييييريين ...ايريييين وييينك
رجع للمخيم حوس فكل شبر ملقاهاش ؛راح جهة خيمتها ولي شافو خلاه مصدوم وتتشل حركتو؛سامي حوس على وفاء فكل بلاصة ملقاهاش راح وين الخيمة لقى ريفان يشوف فالبلاصة بلامايرمش ؛البلاصة فارغة خيمتهم وحوايجهم مكانش قلبو رعش من فكرة انو راحت بلامايطلب سماح حط يدو على كتف ريفان لي يابس فبلاصتو
سامي:وينهم
ريفان :ر..را..حت ملحقتهاش ياسامي
سامي:وين راحت هبلت مستحيل يخلوهم يروحو رانا فغابة والمؤطرين كامل هنا وين رح يروحو
ريفان كأنو واحد ضربو بكف فطنو ؛شاف فكل بلاصة النؤطرين كل هنا فتح عينيه صفاحي وجسمو رعش من الفكرة بي جاتو فراسو
ريفان:لالالا مستحيل
عيط بأعلى صوتو:ايييييييييريييييين
الكل لي كان ثم تفجع من صوتو لي يخوف وخلااا صداه فكل الغابة ؛ناضو الكل يرجفو وبعدو عليه من حالتو لي تدب الرعب فأي واحد؛ يعرفو كي تولي حالتو سيئة هك نتيجة لي يقرب منو مكانتش تخلاص على خير
سامي:ريفان اهدا
ريفان:بعد على #### وينها ايريييين ويييينهاااا انطقو خير من نحرق ### هنا
الكل بلع ريقو حالتو متبشرش بلخير؛مشى جهة المؤطرين لي غير شافوه قريب داروها تحتهم ؛الحاجة لي قدامو يرميها
ريفان:سؤااال واااحد ويتجاوب فوراااا ايرين وينها
سكتتو الكل قرب منهم هز السلاح من عند واحد منهم وضرب الرصاص فلهوا
ريفان:قلتت وييييينها لا نفجركم كلكم هنا وينننها
نطق واحد منهم وهو يهتهت من الخوف
-م..ميسيوو ري..ريفاان ..كاين رجال هزوها وداوها
بلع ريقو وحكى وهو يلز على سنانو:شكون هوما هدو رجال
-معرفناش شكون كانو رجال لابسين الاسود
ريفان:كفاه سمحتولهم كفاااه
-ميسيو ريفان مقدرناش نقربو كاين بزاف عباد وهوما خطيرين هددو انو يقتلو لكل اذا مبعدناش على طريقهم
سامي:وصحبتها وين
-مشات معاها وهي طلبت تروح معاها
ريفان:اااااااااه ######
عينيه السود رجعو حمر و حالتو ماتبشرش بالخير شافوه في حالات سيئة من قبل اما هاد المرة كانت أضعااف مضاعفة وكأنو أسد هاايج حتى سامي خافو ؛بقاو ساكتين غير نفسو طالع هاابط ؛خبط يدو على الطابلة وبالو راح انو امو خطفتها ؛دار جهة المؤطرين وحكى بصوت يخوف
ريفان:اعطيني مفاتح طموبيل بسرعة
-مي مسيو
قبل مايكمل عطاه بوكس حتى داخ من قوة الضربة
ريفان:قلت هاتو #### المفاتح
راح لوخر يجري جاب المفاتح ومدهملو وهو يرجف ؛مشى جهة خيمتو يهز في حوايجو شاف تريكوها عينيه زادو حمارو اكثر يحس بقهر كبييير وخووف كبيير من انو تتأذى ؛حطهم فصاكودو ومشى ديراكت لجهة الطموبيل لحقو سامي ركب بلامايشاورو
ريفان:اهبط سامي اهبط
سامي:غير متسييش معايا اقتلني ومنهبطش
زفر بقوة حرك طموبيل ومشى ؛عقب عينيه على كل بلاصة وسيرتو البحيرة المجمدة وتفكر بوستو معاها جازت ضحكاتها وهبالها عينيها وهدرتها كل عليه ؛لز على لفولون ومشى ساارع حااارق الطريق مش خايف من الانزلاقات ولا اي شي همو يبحق ويتأكد انو هي بخير
ريفان:اذا تقاست شعرة منها رح نحرق الاخضر واليابس انتي نوضتي الوحش لي فيا والظلام جاااي يكمل لعبتو استنااي يا امي الغالية ؛سامي يشوف فصاحبو وحالتو لي مقدرش حتى يوصفها يشوف فعينيه لي ولاو حمورة وعروقو الي برزو فكو لي خرج ؛قادر يقتل اي انسان قدامو دك بلامايرفلو جفن ويقتلو بأبشع طرق ؛طريق طويلة اما كل مااايجي ينقص السرعة يتفكرها يزيد اكثر حتى سامي مقدرش يهدر عارف يرميه من الكارو بلامايحوس عليه ؛مسافة ساعات مشاها فساعتين ونص ؛لحق هبط من طموبيل وخرج يزرب فخطواتو الحراس لي يشوفو يبعد منظرو ميطمنش ؛حتى دخلتو للفيلا رعبت الكل والي كان يدير فحاجة حبس وتوجه نظرهم للباب لي قريب كسرو
ريفان :صوووووفياااااا