♧جحيم العشق♧Reflex

🔱Part18🔱

________________ #جـحـيم_العـشـق _
                                            .... REFLEX ...
_  ليذهب كل الرجال الى الجحيم !
  هذه كانت كلماتها لكن عند اول منعطف وجدت نفسها امام  الجحيم نفسه ......
_ حينها ادركت انه لبلوغ الجنة على المرء ان يعبر الجحيم ....

           ___________________

ريفان:سامي احكي بلا بلادتك و ####
سامي:ريفان رح نحكي وابقى هادي عيش صاحبي
من نبرة سامي عرف انو شي ميبشرش بلخير قلبو دق بلقاوي  و احتمالات مش مليحة دخلت لراسو
ريفان تبسم و حكى بهدوء : احكي ، والفت بالاخبار ال ###
سامي تنهد بحسرة : كاين شكون مسح تسجيلات الشارع تع هداك الوقت وحتى الشارع لي فيه الشركات محذوفين مقاطعو سيرتو الوقت لي شفناها فيه فكاميرات مجمعنا 
لز على قبضتو يهدي فروحو ، قرب منو سامي وربت على كتفو عارف النار لي شاعلة داخلو
ريفان: سكتت بزاف و صار الوقت نعلن الحرب بطريقتي و خلي ### مابقاش يهمني
سامي : كاين احتمالين ، يا اما يحذفو تسجيلات البلايص لي تروح ليهم هي يا اما الاحتمال الثاني انو ...
ريفان:انو يعرفو وينها و يعرفو بلي نحوس عليها ويحذفو كل دليل يوصلني ليها حتى مانوصلهاش
سامي : أما علاه هذي مفهمتهاش !!!
ريفان مسح على شفايفو و سكت
سامي : لازم نعرفو شكون وراهم ؛بصح ريفان ستيتش بلا ماطرطق عينيك فيا كي عزرائيل  ايرينا ، اييريييناااا تبدلت بزااف ، حطتها ، كلش مبدل فيها كفاه حتى !
دار وراه دار يديه فجيابو ومشى خطوات جبد ڨارو شعلو دارو تكيف منو و بعدها حكى : همم لاحظت هدا الشي ، كاين حلقة مفقودة ، كنت نستنى اللحظة الي نكون فهدا المستوى باش نخليها بجنبي ولحقت هاد اللحظة بعد سنين و كلشي رح نفهموه
سامي:رح نكون معاك
ريفان:باش تلقى ضميرك الميت تان
سامي:متفكرنيش ..حقا خلينا نسهرو ليلة
ريفان: يخي ### ماتشبعش سهرات

داخلة هي و وفاء للفيلا بعد ماكملو الاجتماع لقاتو قاعد فالصالو قلبت عينيها ،  قربت وحكات
ايرين:تم
منصف :هدي عاصفتي
ايرين:اي شي اوخر  عندي خرجة
منصف:نتمنى تكوني ناجحة فالامورالعملية تان ..نحبك تعصفي الميدان وتجيني رابحة
لزت على قبضتها تهدي فروحها:اوك شي اوخر؟؟
منصنف:لا تقدري تروحي
تنهدت ومشات فايتة على خالد حبسها
خالد:وين بيها
ايرين : خليك فامورك احسن
تقلق من هدرتها اما بقى هادي :نظن بديتي تتعداي الحدود
ايرين:تخطي الحدود هوايتي
شافت فيه نظرة تحدي تبسمت على جنب ومشات بلا ماتسمع هدرتو بقى يشيع فيها حتى غابت عليه حك حاجبو ودار لمنصف لي يشوف فيه ويتكيف من شوفتو عرف وش حاب يحكي سبقو وحكى
خالد:تمت الصفقة وصارت لينا ، نظن ايرين ولات واجدة باش تشد الاعمال هدو وانا نتكلف بالاعمال الاخرى
منصف:هي تقدر تشد هدو الاعمال اما لخرين محال راسها يابس
خالد:معليش رح نتقاسموهم و نخلي عيني عليها
منصف: ولدي مش كأنو الوقت بش العايلة تكبر 
خالد تبسم بخبث:قريب قريب
منصف:هههه نتكل عليك
طلعو بدلو هي ووفاء لي ولات معظم وقتها ساكتة ومتحبش تحكي بزاف 
وفاء:واجدة
ايرين:وي خلينا نمشو
خرجو ومشاو جهة الغابة لي ورا دارهم ستفو قرع زجاج و خلاوهم اهداف بعيدة شدت كل وحدة منهم سلاح وتركزو مليح حتى دارتلها وفاء
وفاء:لي تقوص اكبر عدد تكون ليلة على حسابها
ايرين:يسمى تتحدايني
وفاء:خفتي
ايرين:ههههه خلينا نبداو
بداو يقوصو وكل وحدة خير على التانية اهدافهم مدروسة
كانو متعادلين وبقى هدف واحد زربت وفاء قوصت عليه
ايرين:اوووو و جبتيها ياااه
وفاء:يااااي ليلة تكون كيما نحب
طلعت حاجبها مستغربة من فرحتها:وين نقضوها ان شاء الله
وفاء:فديسكو
ايرين:لالا هبلتي
وفاء:خلي نوريلك منظر نحب نستمتع بشوفتو
ايرين:منظر؟؟؟اممم اوك خلي ندخلو نتعشاو ونخرجو
وفاء:بلا لبسة سروال وكدا لبسي شي تاع سهرات
ايرين وهي ماشية:السهرة لي على حسابك مش لبستي ؛مشات بلا ماتسمعها
وفاء تبسمت:متتبدلش المهم رح تكون معايا ليلة
دخلو للديسكو كاريزما تمشي نزل لونات ، دار يديه في جيابو يشوف قودامو كانو الكل يرقصو غير شافوه بعدو على الطريق باش يفوت هو و سامي العيون لي تم كل تحطت عليه يتفرجو معاه كاريزما و عيون كانهم رصاص يقتلو بنظرة ،، البنات مثل كل مرة معجبات و ميتين على ليلة معاه الرجال لي معجب بشخصيتو و اللي غاير منو ، فارض روحو فالمجتمع بطريقة مش نورمال
سامي : اوووه ريڥ حبيبي لازم ديما تجي معايا ، زح تقول نمشي جنب الرئيس
تبسم ابتسامة خفيفة على هدرتو و مشاو قعدو فطابلة بعيدة لكن منها يشوفو كلشي  ؛ حط رجليه على الطابلة قدامو و دار يد فوق الفوتاي لي قاعد فيه و يد ماسك بيها التلفون ؛  لكن عينيه المظلمين يفحصو فكل شبر داير بيه تبقى الثقة مصطلح معندوش وجود فقاموسو فالوقت لي طلب سامي الشيشة ؛ هز ارقيلة و بدا يشيش خالق جو يخلي الكل مركز معاه و البنات يتشهاو يقعدو معاه و الولاد يقلدوه او يتمناو يكونو شركاء سهرتو ؛ سامي ركز نظرو على النقطة لي شافها فيها امس اذا كانت نفسها تاع ليوم معناها كانت لبارح هنا صح مش خيال و تأثير سكرتو ، هز الارقيلة وبدا يشيش هو الثاني ؛ريفان كان يشوف مع الكل و يحاول يلقى شبيه أو نسخة للوجه الملائكي لي ساكنو من داخل اما شي الوجوه كيف بعضها و كلها مصطنعة ؛ لبنات يتهامسو عليه حابين يقربو ليه و يقعدو معاه اما يعرفوه يحرقهم ويعجب بحالهم و دارها قبل ، اكتفاو بالمراقبة يشوفو فيه يشيش ودخان داير هالة حولو بطريقة سكسي علخر وتحبس النفس 

دخلت هي و وفاء لي رصاتلها تلبس سروال جينز وباسكات تان ؛ ايرين لابسة سروال ودايرة كاسكيطة فوق شعرها ؛ غير دخلو شدو بلاصة بعيدة شوي و يتفرجو مع الكل ؛ دورت وفاء وجهها تشوف فلبنات مغطيين لبلاصة لي ديما تلقاه فيها تأففت حتى تولهتلها ايرين
ايرين:وش كاين تسوطي كي لحنش
وفاء:ااه ولا شي
ناض ريفان ماشي جهة البار حاب يشرب حاجة من اختيارو و بطريقتو ؛ بعدو البنات وهو فايت انتبه لجماعة يلعبو و ينسفو فالدخان و يتحداو فبعض شكون احسن دخل بينهم و شاركهم ، وقف مع لحيط و نسف الدخان من فمو خلى الكل يركز معاه عجبهم و حاوطوه يتفرجو فيه و هو يلعب بالدخان
انتبهت ايرين للتجمع و انو كاين ناس بزاف يشوفو لنفس لجهة و يتهامسو باعجاب ؛ طلعت حاجبها باستغراب
بعد و قرب للبارهز قارورتين و كاس حتى نطق السارفور
- بوص اعذرني لكن هدو قاويين بزاف في زوج
طلعلو حاجبو ، سكت التاني وهبط راسو
ريفان : ثلج  بسرعة
بدا يخلط في المشروبين في الكاس كيف المان بار ( جان تاع السيد الخطأ 😂) الكل يراقب فيه ؛ صنع كاسو وقعد فوق حرف الفوتاي مقابل للكل غير دورت راسها شافتو شهقت و جسمها رجف ؛ دارت ليها وفاء تشوف فعينيها لي نظرتهم تبدلت و حالتها  غير شافت وين تشوف حطت يدها على فمها مصدومة ؛ ولا مرة تلاقاتو هنا
ايرين مش حاسة بشي و مبقاتش تسمع ولا تشوف كانو المكان فرغ وبقى غير هو يبان قدامها ؛عمرها توقعت تعاود تشوفو بعد اخر مرة  و متوقعتش تجي هدي اللحظة و هي هكدا مش واجدتلها او حاسبتلها ؛  فاتحة عينيها على اخرهم مش ترمش ، خايفة ترمش و يروح بعد ماتفتح عينيها و تلقاه حلم يقظة عقلها مقدرش يأمن للي يشوفو فيه عينيها هي و هو قاعدين فبلاصة وحدة ، هو فهادي اللحظة قدامها مقابلها !!  قلبها يدق بالقوي داخل صدرها  حطت يدها عليه خايفة يخرج من دقاتو القوية تحسهم مسموعين للكل رغم الضجة لي كاينة تحس فقلبها بركان و انفجر ؛ رجليها مش حاملينها قعدت على الكرسي لي وراها وفاء تشوف فيها حاسة بيها وحاسة بالجرح لي رجع ينزف من جديد اللي كان في احلامها اليوم حقيقة ؛
يشرب من كاسو و يسمع في الاغنية الكل يراقب فيه مدهوش فردة فعلو لانو المشروب لي صنعو قوي بزاف حركاتو كأنها مدروسة ومتناغمة ؛ ترشف منو  لكن ماصرالو والو حتى انو مغمضش عينيه حركاتو ثابتة وعيونو حالفة تبقى قوية لكل مصدوم توقعو يوجعو او يحرقو ؛ اما لا ريفان مستمتع بالاحساس لي حسو وهو يترشف من المشروب بالوجع الخفيف ، لانو مابقات حتى وجيعة تأثر عليه  ذاق كل انواع الالم و حريقة المشروب كأنها دغدغة سعادة مؤقتة ( نخرط 😂) ؛ هز الارقيلة شيش وخرج الدخان لفوق و يدور فيه ، ايرين عينيها مفيكسيين  عليه هو نفسو ماتبدل فيه والو فقط ولا اوسم من آخر  مرة شافتو فيها جاذبيتو مطلقة و بنية جسمو صارت اقوى عضت شفتها ولا مثير اكثر  ، شافت فالبنات لقاتهم مركزين معاه ومحوطين وين قاعد زادوها الزيت على النار لي شاعلة فيها