♧جحيم العشق♧Reflex

🔱Part17🔱

وصلو للاجتماع كانو كل شركاء من مختلف الشركات موجودين ؛فالوقت لي لحق سامي وريفان للاجتماع غير دخلو حبسو هدرة ، يشوفو فيه كفاش داخل يمشي بهدوء و بثقل يديه في جيابو و عينيه مخبيين بالنظارات وجهو مكبوس زادو خافو اكثر يعرفوه انسان صعيب يرضيوه
داخلة تمشي بكل ثقة طالونها ينقب فالارض الكل مبهور بيهم وعينيهم ياكلو فيهم اما بمجرد دخول خالد هبطو عينيهم خوفا منو
ترأس ريفان المجلس :نرحب بالكل ودك طفو الكاميرات نحب لي يتقال فهاد الاجتماع ميخرجش لاي حد واذا خرج من بينكم صدقوني مش بش نرحمكم وخاصة اذا عرفت الشرطة ولا اي فرد من القوات
ترعبو من نبرتو الحادة وتكملو فرد مرة:حاضر ميسيو
تبسم وجبد فلاش من جيبو طلب من واحد يركبو ودار لسامي لي غير غمزو فهم عليه وناض يشرح فالتخطيط
قاعدة فوق قلبها فالاجتماع تحسو طول وهوما يحكو على تشكيل الشركات تشوف فوجوهم يبانوو اكابر ومحترمين تبسمت وهي تردد فكلمة المظاهر خداعة ؛فهمت علاه ريفان كان يقول هديك الكلمات شافت للورقة لي كانت تخربش فيها حتى لقات روحها ترسم فنص من وجهو  ؛حمحمت وحكات بصوت يدل على قوتها وانو انثى ميستهانش بيها
ايرين:الصفقة لي جينا عليها رح تكون فوقتها وفنفس المكان ورح يستلموها جماعتنا لانو حنا اولى بيها نظن مكانش لي يحب يجرب
-كاين اطراف بزاف حابين عليها وجديرين بيها مدام
ايرين:كيما شفنا خلينا فيديكم الصفقات لي فاتت وخربتوها اما هدي مكانش لي يحلم بيها وتعرفو مكانش لعب مع الروس
هبطو روسهم كاامل ولا واحد قدر يناقشها حافظة نقاطها وعارفة كفاه تسكتهم ؛خالد يتابع فحركاتها وهدرتها ويتبسم
خالد:نظن كلشي مفهوم بلامانطولو فهاد الاجتماع الهدرة رح تكون بعد التسليم
ناضو الكل كاين لي مغشش انو بنت قدرت تسكتهم وكاين لي راضي اما مايقدرو يديرو والو سيرتو وانو باباها منصف وخالد معاها وهو بحد ذاتو يشكل خطر عليهم
مشات قبلهم بلاماتسمع آخر الكلام ؛خرجت وراها وفاء غير خرجو من الشركة تنفسو تحسب كانو قاطعين عليهم الهوا
وفاء:كمية الخبث لي داخلهم معندهاش نهاية
ايرين:الحقارة والدنائة كل تجمعت فهاد الاجتماع المهم كملنا منهم خلي نرجعو لدار غدوة رح يكون صعيب علينا الكل
وفاء:رح نكون فالتدريب لعشية
ايرين:رح نجي انا تان ونشوفو اخر لمسات
شدت الورقة لي راسمة فيها بين يديها ورماتها
ريفان كان تفاهم على النقاط لي كان حاب يلحقهملهم وواحد ماقدر يعارض قرارو ؛خرجو من الاجتماع هو وسامي
سامي:شريكي تخاف باباك يتدخل ويعرفو السلطات بهاد الشي
ريفان:لااا رح نتصرف وحدي عارف وش ندير
سامي:اوك رح تكون ليلة قوية
ريفان:مممم خصناا شوي دم وقنابل هدا يسموه كسر الروتين والمرح
جا ماشي يلمح فورقة طايحة مرسوم عليها ؛تقدم طابس هزها قلبو يدق بقوة يديه ولاو يرجفو
سامي:وش كاين ريفان
قرب منو وشاف الرسمة كان نص من وجه ريفان
سامي:اووووب اووب شكون راسمك لايكون كاش واحد مترصدك
كأنو مش يسمع فيه حاس جسدو تشل وماقدر يدير والو همس :ايرينا
سامي:ايرينا؟؟وشبيك دخت
فطن على روحو وبقى يدور فبلاصتو كلي مضيع حاجة يشوف فالشركات الي محوطة المنطقة
سامي:ريفان وش كاين خلعتني
ريفان:ايرينا هنا متأكد هي هنا ...للحظة راحت رزانتو وولا كي المهبول حتى انو الناس لاحظت هدا الشي يدور فبلاصتو ويشوف فكل بلاصة
سامي:ريف اهدااا شبيك
دار ليه عينيه حمورة:متفهمش قتلك ايرينا هناااا هي هنا انا متأكد
سامي:صبر دك نشوف الكاميرات الموجودة فهاد البلاصة اكيد مش رح تلقاها دك فهدا الحشد
دخلو للشركة لي كانو فيها وبداو يقلبو على السجلات واخيرا شاف الورقة ومولاتها لي رماتها
ريفان:كبر الصورة
-ميسيوو ميبانوش كاين زوج بنات اما وجهم مخبي بالنظارات والشعر محال نقدرو نعرفو ملامحهم
سامي كان يشوف وتذكر لي شافهم الصباح فتح عينيه
سامي:هوما نفسهم تاع الصباح
دار ليه ريفان دمو فاير:##### كانت قدامي كانت قدامي ومشفتهاش سامي خبر الرجال يخلقوها من السما ولا من لرض يشوفو الوقت الي فتنا على الشارع ويجبدو رقم السيارة بسرعة
سامي:اكييد رح نكلمهم خلينا نخرجو
خرج يحس روحو ضايع وقف فالنقطة لي شافها واقفة فيها غمض عينيه يتخيل فيها قدامو ضغط على يديه يسيي يرجع برودو غير شوفتها واحساسو انها قريبة خلااه يفقد اعصابو وتشعل النار فيه ؛اما احساس تخلل قلبو فرحة مخلطة بخوف انو قرب يلقاها وخايف تزيد تروح هدي المعلومة تان ويروح اثرك كيف كل مرة
ركب فالطموبيل وبقى يشوف فالرسمة تبسم وعينيه ولات فيهم لمعة
ريفان:معناها مزالك متذكرتيني وراسمتني بدقة ...اااه يا ايرينتي ..كبس على يدو ، اما لبستك ايرينا يعني تعديتي حدود ستيتش الا مانلقاك وتخلصيها ؛بمجرد معلومة حسيت النور سطع فظلامي مش بكيفك تخرجي من جحيمي هدي المرة رح تكون غييير وللأبد ؛اعتبريني لقيتك من جديد
حرك طموبيل ومشى ديراكت للبلاصة لي يفرغ فيها غشو  حاس روحو مش قادر يكنترولي روحو ؛غير دخل نحى لفاست ومشى جهة الاسلحة هز واحد منهم ؛تركز وبدا يقوص ؛يحس فالاهداف وجوه حاب يدمرهم الغل لي في داخلو مش رح يكمل هنا لازم يشوفهم مدمرين ؛حط سلاح نحى شوميز تاعو ودخل للحلبة وبدا يبوكسي حاب يفرغ الطاقة الي تخليه يثور ويقدر يتحكم فروحو ؛شوي وقت حتى دخل عليه سامي وجههو ميتفسرش بلع ريقو يستمى فيه ينطق ويفرحو ؛
ريفان:سامي قلي لقيتها ولقيت المعلومات لي نحوس عليها
شاف فيه سامي بنظرات مفهمهاش
ريفان:سامي احكي بلا بلادتك وت##
سامي:....
¥¥¥¥¥
امس حطيت حلقتين لقيت 2كمونتارات؟؟مهيش تعجب نظن انا راني نعاود فيها ونقرا معاكم زعما بش نبدا نكتب فالجزء الثاني نظن نقرا فلفيس ونكتبلهم ليهم برك