________________ #جـحـيم_العـشـق ________________
.... REFLEX ...
الفرق بين الإعجاب والحب ...!
بداية سوف تعشق "العين" وذاك هو الاعجاب ...
فإن وقعت في الحب ... ستقع معك نقطة النون للأسفل
فتعشق "العيب"أيضا
بعدما قالت لوفاء تديها للبحر روحو لدار مع الليل ؛ تعشاو الكل وطلعت لشمبرتها ووفاء راحت لشمبرتها ترتاح؛مع لي دخلت نحات قشها ودخلت لدوش؛تتفكر فعيونو طريقتو فالهدرة انسان واثق من نفسو وماعندو منين يخاف تمس فشفافها متوقعتش اول لقاء ليهم بعد سنين يكون بهاد الطريقة بعد ماظنت انو يكون نسى ليلة الديسكو؛وكأنو رجعهالها وداا بوستو بلقوة؛فرحت من اعماق قلبها انو متفكرها و انو متشهي بوسة منها بلعت ريقها متشهيها ! ؛ بقات تنقز فلما من لفرحة كيفاه لا وهي ليوم كانت قريبة ليه بزااف تحس بمشاعرها زاادو ليه ؛كل ماتخمم فيه قلبها يولي يدق اكثر واكثر اما نظرتو ليها وكلامو ليها متكدبش اذا مقالتش خوفها وكانو عندو حقد وحب ليها فنفس الوقت التناقض هدا راح يجننها ،وللحظة جات نظرتو يوم الصفقة بين عينيها تمحات ابتسامتها وهي تتذكر فصراخو ونظراتو اكيد عرفها علبيها دخل حياتها بهدي الطريقة ؛ لكن المهم دك انو وين تكون رح يكون لباقي ميهمش ، خرجت من الدوش ، وقفت قدام المراية و منشفة محاوطة جسمها ، تشوف مع جروحها و تتلمس فيهم ، ابتسامة ذابلة و باهتة على وجهها ؛ تنهدت ايرين : جروح لجسد يطيبو يوما يومين حتى شهر او اكثر و يشفاو ، اما جروح الروح ؟! وش يداويهم ؟! شافت مع رقبتها لحمورة لي خلاها فرقبتها الحاجة المليحة في الخريطة لي مقابلتها ، تتفكر فسبب الجروح و دمعة خانتها و نزلت ، لزت على قبضتها ، تتفكر وقت روحت بعد فشل الصفقة مع الروسي #Flash-back وقفو عند لباب ؛خالد متردد انو يدخل خايف على ايرين ؛يشوف فيها باردة ماتحرك منها شي؛قدمت بخطوات ودخلت لز على قبضتو ودخلو وراها بعد ما أمر الرجال يديو الروسي ويأمنولو الحماية ؛دخلت بملامح باردة تشوف فعمها وباباها قاعدين فصالون ويشوفو معاهم ببسمة غير طلو عليهم وشافو منظرهم تمحات البسمة عرفو انو الاخبار متبشرش منصف:عاصفتي نظن هدو آثار التعب منتوقعش شي اوخر ايرين:للأسف خسرنا الصفقة هدو علينا جماعة مجهولة مقدرناش نسيطرو على الوضع بلا أي مقدمات عطاها كف حتى دار وجهها وتفلقت شفتها كبست على قبضتها تهدي فروحها خالد بقى ورا عروق رقبتو خرجو جا يقدم دارلو باباه اشارة يبقى الخلف ووفاء مقدرتش تشوف اكثر تعرف مصير صحبتها لهدا تراجعت وخرجت برا منصف:#### بيا خسرتو صفقة شهور نحضرولها خالد:عمي .... منصف:اسكت خالد اسكت الصفقة مسؤولة عليها ايرين مش غيرها وتعرفي بلي متفوتلكش ايرين:جاهزة للعقاب خالد:اماا مش ذنبها .. - ذنبها هي ، و هي المسؤولة على كلشي نظن تعرف القوانين ومش رح تمنع الا بالعقاب ضغط على قبضتو يشد فروحو باش ميتفجرش ؛رغم الكف لي داتو تشوف فيهم بصرامة منصف : خليتي الرجال يتراجعو كانو قادرين يقضو على لبوص تعهم لكن انتي خربتي كلشي للمستودع بسرعة شافت فيهم وابتسامة على وجهها غير فاتتهم غمضت عينيها تعرف لي رايحة ليه مش ساهل على اي حد وكون غيرها دك كان مات و ادا بقا عايش هبل اما خالد بقى كلام منصف يدو فراسو ، و تفكر انها هي لي امرت الرجال يتراجعو و مخو بدا يدي و يجيب هبطت الدروج درجة درجة تحس فقلبها يخبط ؛تشوف فمكان تعذيبها وقلبها يرجف من داخل تقوات على نفسها باش تبقى قوية ومتضعفش باش متخليش لباباها فرصة يشوف ضعفها ؛تسمع فصوتو جا ملور منصف:اربطووها بسرعة جاو ربطوها الرجال وحطو تحتها بتية مااا لاااا مش مااا دم ؛غطسوها فالدم تحس فالريحة دخلت لجواجيها تحس فروحها تتقبض غير الريحة تخليها تتقيااا وتخرج امعاءها؛رغم كلشي ماحاولتش تصرخ تعرف مكانش فايدة ولازم تخضع كيف كل مرة ؛بدات تدوخ من الريحة وقلبها رح يخرج غمضت عينيها تحاول تستدعي اي ذكرى حلوة اما الدم يفكرها غير بالدم ؛غمضت عينيها و فكرة وحدة جات فبالها ، من اسوء ذكرياتها ، آخر يوم فالرحلة لي قبل 4سنين طول مدة الطريق يدها على قلبها خايفة احساس خاايب جتاحها كلام خالد ميريحش ، مع لي تدخل للبوابة تشوف فباباها حاط راسو بين يديه ؛قربو شوي تشوف في 3 جثث قدامو وفااء قلبها طاح بين يديها وايرين تحس دم جمد في عروقها ؛ تمشي خطوة لور وخطوة لقدام خايفة من لي رح تشوفو و وقفت فنص الطريق ؛ اما وفاء قربت تجري تشوف في امها و باباها بالدم و شكل الجثث ميتوصفش عيطت على طول صوتها وفاء : ماااااامااااااا بااااباااااا و طاحت في لرض مغمى عليها من الصدمة و خالد قدم يجري ليها يحاول يفيقها ؛ اما ايرين فجامدة في بلاصتها و بعدها ولا ترجع بخطواتها لور و تحرك في راسها يمين و شمال الوقت حبس ، كلمة وحدة بين شفافها ، لالا ، لالا ، لالا ، خالد انتبه ليها قال لباباه يهز وفاء لغرفتها و يجيبو طبيب و بدا يقرب من ايرين ، و في اللحظة هديك هي دارت وراها دموعها شلال بدات تجري هاربة من الشي لي قدام عينيها هاربة و مش حابة تسمع لي راح يقولوه ، جرا وراها خالد شدها بين يديه و هي تفرفط و تعيط على طول الصوت : مااااااماااااااا ، ببحة بوجع بجرح ينزف ، لي تم كل نزلو روسهم حالها و هي بين يدين خالد لي يكابر باش مطيحش دمعتو عليها ، هبطت مع لرض و هي في حضنو و تعيط مش حابة تشوف لقدام البوابة لي معبية دم ، وين روحها ملفوفة بالدم ، حملها بين يديه و راسها في حضنو باش متشوفش لكن وقت عاودو قربو طلقت روحها طاحت و زحفت لجثتها حطت راسها على فخذها و عينيها مضببين من الدموع و صوتها مبحاح تمسح على راسها و خدودها و تتبسم كيف المجانين : ماما شوفي هاني روحت هه هاني رجعت مش كنتي تقولي روحي ومطوليش نستناك تجي ، هكا تستنيني هاا قولي شي ام دير لبنتها هك ، ماما ميلعبوش هك و ميتمسخروش هك ، مسحت عينيها من دموع لي غطاو على نظرها قو قو قولي بلي توحشتيني و حبيتي تخوفيني باش منزيدش نبعد عليك درتي هاد تمثيلية باش نرجع يخي ههه هاني رجعتلك نوضي هيا عيش ماما ، عندي مانحكيلك يا ماما راني مزااال ماشبعت من حضنك يا غاليتي يا ماما عيشك نوضي ، شو شو شوفي اني رح نبكي انتي متحبينيش نبكي مالا نوضي حابة نشوف عينيك لي بيهم نحيا حابة نشوف البسمة على وجهك لي ديما تستقبليني بيها يا ماما نوضي خليني نحس بحضنك الدافي خالد شوف معاها محبتش تنوض ، بابا قلها تنوض اللعب هدا بزاف و مش مليح ، حطت شفافها على جبينها تبوس فيه و هنا كانها بدات توعى جبينها بارد هزت راسها تشوف معاها وجها بدا يبياض ، شفافها زرق و دم محاوطها ، عيطت حتى راح صوتها ، ماااااااااامااااااااااا خالد غلق وذنيه و دموعو خانوه ، حطت راسها على صدر امها و دموع معادش يحبسو ماما وعدتيني تبقاي معايا ماما وعدتيني في كل خطوة تكوني معايا يا ماما متخلينيش راني يلا بيك نموت و نا حية راني منجمش يا ربي و علاه ياااا ربي راني منقدرش يا ربي لشكون نهرب و في حضن شكون نتخبى بعينين شكون نشوف الدنيا اااااااااااااااااه و مزادوش سمعو صوتها ، داخت و كل الاماني انو تفيق و يكون كابوس فاتت الجنازة و فاتو ايام و كلشي تقلب ، كل ليلة كانت تعيط و تعيط على امها لكن الروح امانة و يجي يوم و ترجع لمولاها و الميت ميرجعش كل ليلة كانو يرقدوها بالمهدئات حتى جا اليوم لي فاقت فيه ايرين ثانية ، دخلت على باباها ايرين : سؤال واحد شكون ؟ عينيها كانو حمر و صوتها مبحاح و هادي اما يرعب :شكون قتلهم و ياريتها ماتت معاهم و لاسمعت جوابو منصنف : عايلة ناصري صرا انقلاب وجا فيهم رصاص و نزل راسو شهقت من الاسم لي سمعاتو و و بقا يتعاود و يتعاود و تفكرت كلام ريفان ، مش كل شرطي ملاك ، ايرين : م م معندهمش ذنب ، بابا هوما خاطيين !! علاه ياا ربي و علاه ،،،، فطنت قبل ماتغيب على الوعي من ريحة الدم الذكرى خلات دموعها يطيحو و جرحها يتفتح من جديد ، اما حاولت تحبسهم ، مش وقت تضعف ، من هداك اليوم دخلت للمافيا وكانت تحت يد باباها و خالد كان مسؤول عليها و علي تدريبها و علاقتهم توجت باسم بعدها ؛ بقات على هديك الحالة 3ساعات ، 3 ساعات و هي فوسط الدم حتى تحس فجلدها شلفط؛ خرجوها منو ، فاشلة و بالسيف تتنفس ، اما الشي هذا مرضاش منصف لي نحى سانتور السروال يجلد فيها ، عاضة على سنيها و متلكمتة في روحها كي الطفل الصغير ، تحس فجلدها يطير ، وقف منصف و ابتسامة خفيفة على وجهو منحبش نعاقبك لكن الحقيقة المرة انك بعد كل عذاب تولي اقوى ، هدي هي العاصفة لي صنعها بيديه تقوى بجروحها و بوجعها ؛و ضربو ليها ديما يكون في المناطق لي تقدر تخبيه على العين لي تشوفها ، لانو يحتاج كاريزمتها و لانها ديما في الواجهة ؛ و بعد كل عذاب تطلع لغرفتها و تحبس روحها في الحمام وين تطلق العنان لدموعها و الصوت لألمها ، تتحسس كل شبر الوجع عظيم و ريحة الدم تلصق فيها، دوشت بزااف مرات وتحسها جزء من نيفها ، و كل مرة تلحقها وفاء لي تعاونها في الدوش و داوي جروحها و تبكي الدم على حالها ، و تسهر الليل عليها ، يمكن وفاء هي التعويض على كلشي يصرا معاها و كل مرة تكونلها حافز تقاوم بسبتو باش تحميه و متخسروش falsh back end مسحت دموعها ايرين : رح يجي يوم وندمركم كلكم اصبرو عليا حوست على مرهم في الدرج و شافت صورتو لي راسمتها تنهدت و هزت لمرهم قعدت على سرير و بدات تدهن في الجراح وتتفكر فيه وفهدو الايام لي جازو بعد شوفتو وبعد قربها منو من جديد؛راح بالها لنظراتو نظرتو شقت قلبها و حلفت تبقى بين عينيها و تخلي عذابها دوبل ؛ حالتو وسط الغابة متمحاتش من تفكيرها ، قربت للمراية تشوف مع شفافها و رقبتها و هربت بتفكيرها لليلة لي قبل و حطت يدها على قلبها ، غمضت عينيها تستحلى فالشعور لي جاااها و تخمم لو انو كان فايق وش كان دار ، تفكرت الصباح قلبها تخض ، عضت شفتها المنفوخة ، بلعت ريقها ، كنتي عشتي اعظم احساس ميمكنش تحسو أي مرا موجودة على الارض ، بوستو وحدها عالم تاني فجأة فاقت و فتحت عينيها على وسعهم من الانعكاس لي تشوف فيه فالمراية الشي لي خلا جسمها يرجف والمنشفة تطيح من عليها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
##### هاااي حبوبات علبالي طولت لغيبة عليكم دوماج مع رمضان منقدرش نحط لكرو ودك رجعنا وان شاءالله نلقى دعمكم وتفاعاكم فليل ان شاءالله نزيدكم 😍😘💙
