________________ #جـحـيم_العـشـق ________________
.... REFLEX ...
الفرق بين الإعجاب والحب ...!
بداية سوف تعشق "العين" وذاك هو الاعجاب ...
فإن وقعت في الحب ... ستقع معك نقطة النون للأسفل
فتعشق "العيب"أيضا
ايرين كانت تشوف فيهم يطلعو اما انسانيتها خلاتها تعاون العجوز باش يجوز من الطريق غير شافت لكار تحركت تبسمت بمرارة ايرين:ههه نظن مش كاتبتلي نروح معاهم كملت تعقب فالشيخ وخلاتها تفوت عليها لانو واجبها الانساني اولى من الرحلة هدي هكا رباتها امها جاه صوت سامي من لور :ريفااان وش كاين علاه تحبس فيه ريفان:قتلك حبس متفهمش؟ حبس شيفور وهي طلعت عينيها تشوف فلكار حبست ...فتح لباب وشورلها بايدو باش تطلع بقات تشوف فيه من بعيد رجفت انو ريفان لي تسمع عليه هو لي يقلها ارواحي بلعت ريقها هزت كابتها ومشات كل ماتقرب يتوضحلها وجهو لي تحس بزااف شخصيات فيه ؛شاف فيها وبعدلها تفوت غير فاتت عليه حست بكمية كبيرة من الخوف والآمان فنفس الوقت ريفان:اذا مش حابة تروحي خلينا نمشو بلا تبهليلك دك ؛انتي حبيتي تلفتي الأنظار وهاني خليتك توصلي وين حبيتي وتبسم على جنب باستهزاء تسمرت من هدرتو وحكات فنفسها:وشبيه هدا عندو انفصام شخصية ؟دارت ليه وضيقت عينيها فيه ايرين:وانا مطلبتش منك توقف فهمت ولاا و لفت الانتباه خليتو ليك لانك تحبو نعرف هه .. ورجعتلو نفس الابتسامة ريفان فتح عينيه من نبرتها لقوية لي حكات بيها معاااه ولا واحد فالجامعة قدر يحكي معاه هك قرب منها:عارفة مع من تحكي؟ ايرين:ريڥان الناصري وينو الجديد عينيه السود كبار البؤبؤ تاعهم رح يقتلها على هدرتها اما الشوفور ناداهم باش يدخلو ريفان:ادخلي ادخلي منحبش نحكي مع اشكال كيفك تزيدي تعاوديها تكوني فتحتي باب مش رح يعجبك لي وراه هاااه بعدت منو دخلت ركبت وقعدت فلبلاصة لي شافتها فارغة شوي وقت حتى وقف عند راسها تأفف وقعد جنبها وهي قلبها زادت دقاتو كي قعد جنبها دار لسامي لي باهت فصااحبو لي فاجئوو بتصرفو وسوزي حاطة يديها على خدها سوزي:سامي كون مش منظرها الي يشف كون قلت عجباتو بففف سامي:ايه راني نشوف ..طلع حاجبو لريفان كأنو يسقسي فيه علاه دار هك اما ريفان طلع كتافو بلامبالاة وشاف للقداام دارت للكارو مش حابة تشوفو ولا تقرب منو هدا الانسان بالذات لازم تكون بعيدة عليه ؛حطت كيت فوذنيها وشافت للكارو ..ريفان بقى يخربش فتلفونو اما ريحتها خلاتو يغمض عينيه ريحة الورد ومش اي ورد ريحة اللافند ..اول مرة يقعد قدام طفلة وميشمش ريحة الماكياج والتصنع ريحة نقية بزااف وتخليك تركز معاها دار ليها يلقاها حاطة كتمان وهازة كتاب تقرا فيه تبسم باستهزاء ريفان:وش يجيك من خباشين هه الكل يشطح ويغني فالبيس الا هوما زوج ساكتين هي غايسة فكتابها وهو فتلفونو يلعب فلجوو ..حبسو فالطريق تغداو وعاودو رجعو وكملو الرحلة اما هاد المرة الكل راقد ..ريفان حط جاكيتو فوق راسو اما مش راقد ...ايرين حطت كتابها وتشوف فالطريق المناطق الجبلية المنظر يسحر حلت الكارو دخلت نسمة حس بيها ريفان اما بقى ساكت حتى يسمعها دندن وتغني بلحن خفييف خلااتو يركز مع كل حروفها ...تغني بكل حنية نحى على عينيه يشوف فيها تتبسم وهي تشوف لبرا وتغني رجع لفاست على وجهو بقى يسمع فيها ..صوتها وكانو مخدر يقدر يخلي اي انسان مقلق مخو يترخف ويهدااا غمض عينيه يستمتع بغناها الدافي ..حتى سكتت وغلقت لكارو نحا على وجهو يشوف فيها رقدت ..دور وجهو وغفى هو تان رحلة طويلة..ناضت على حس فالكار ناضو وبداو يوجدو باش يهبطو شافت جنبها لقاتو مكانش تنهدت بارياحية وهمست:لازم نبقى بعيدة بزااف عليهم وعليه هو بالذات ؛جاتها وفاء تجري وفاء:يااا ايرين نحسب فوتي لبيس قتلك خلينا نمشو ايرين:متبدايش هاني لحقت وفاء:تشوفي ريفان كفاه حبس لبيس علجالك ايوماااا ايرين:مش انجاز يعني شبيك تتعوجي خلينا نخرجو وفاء:اااه واخيرا لحقنا وبعدنا ايرين خرجت من لباب ضربتها نسمة الهوا ؛ غمضت عينيها تستنشق فالهوا النقي ؛فرحانة انو دات فرصتها هبطت وهبطت حوايجها ..بداو ينصبو فالخيم ..خيمتها هي و وفاء حطتها وبدات تنصب فيها سامي وريفان رح يبقو في خيمة وحدة غير دار سامي لقى ايرين تنصب فلخيمة بالقرب منهم سامي:شوف شكون جارتنا بصح كفاه تقدر تنصب لخيمة ستيتش واعرة ياااه ناض ريفان ويشوف فيها ضربتها على المسامر قوية و من دونهم الكل هي خفيفة وقدرت تنصب خيمتها لبنات لخرين يستنو فالرجال يخدمولهم اما هي قريب تكملها ؛حك لحيتو ريفان:نحي كلمة ستيتش من فمك انت وشوف شغلك مخليني وحدي حاب يتجاهل انبهارو بيها وميركزش معاها حتى يسمع فسوزي تعارك فيهاا شاف معاهم سوزي:هاااي انتي شكون سمحلك تنصبي خيمتك هنا ؛انا حابة نكون هنا مالا هزي حوايجك وطيري ايرين:انا نصبتها ياااك والا فحلة نحيها سوزي:كفاه تتجرئي هزت يدها رح تضربها كف حبستها وكبست على يدها بقوة ايرين:منسمحلكش تهزي يدك عليا احترمي نفسك سوزي:اااع اطلقيني وجعتيني رييييڥان شوف ليها كفاه تعمل معايا انا حبيت نخيم بجنبك شافت ايرين فيه وهدا وين لاحظت انو قراب لبعض تأففت ودورت وجهها منهم وفاء:خلينا نبدلو لبلاصة ماديريش مشاكل كانت رح ترجعلها حتى سمعت صوت ريفان ريفان:هزي حوايجك سوزي وبدلي لبلاصة مش من ملكك هنا هيا كل واحد يخدم وحدو اخطونا من المشاكل هزت سوزي حوايجها وهي تقحر لايرين وايرين مش مديتها فيها ؛ايفان ركز فيها حار منين جابت هدي الشجاعة سوزي لي متخلي حتى وحدة وقفت فوجهها واكيد تعرفهم ومهيش خايفة منهم لي يشوف منظرها ولبستها يقول القط ياكل عشاها اما غاالط ... كملو الكل نصبو خيمهم لمو الحطب وكل واحد جبد عشاه سخنو بسك النهار لول جابو كلش واجد عارفين رح يتعبو ...شعلو النار وكل مجموعة قعدت مع بعض الظلام طاح مقدروش يدورو خلاو غدوة تبدا مغامرتهم ... تمشي فالغابة والظلام بدا يطيح ، خلاتهم وجات تستكشف هي موالفة بتعب وتعب طريق مش مأثر فيها ؛مش حابة تفوت حتى ثانية الا و تحس انو هي عايشة صح هاد التجربة ...شعلت المصباح اليدوي وتمشي عليه لحقت لبحيرة صغيييرة مهيش بعيدة على وين خيمو طلت عليها تبان مجمدة ؛قادر تتزلج فيها ؛تشوف فكلش وفرحانة انو جااات وشافت هاد الدنيا بعيدة على دنيتها لي محبوسة فيها ...جات تمشي وتشوف جهة اخرى حست بحركة تقرب منها ؛خافت تكون حيوانات برية وهي مهزتش معاها حاجة باش تحمي روحها ؛الصوت غير يقرب ايرين:شكوون هنا غمضت عينيها تركز فاتجاه الصوت غير عرفاتو نطحت الضو جيهتو حلت عينيها كي شافتو وعينيه لي يخوفو يفحصو فيها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الخيمات هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الغابة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تخيلو البحيرة المتجمدة هك ¤¤¤¤¤¤ تصبحو على خير الى غدوة ان شاء الله مع حلقات جدد رايكم وتوقعاتكم بليز بونوي 💞💞😘💞😘
