♧جحيم العشق♧Reflex

💫part48

تبسم و  هز سكين تاع فواكه لقاه فوق الطابلة ، جبد بريكي من الفاست تاعو ؛ حلت عينيها صفاحي تشوف واش يدير ،  يسخن فلموس بلبريكي نقزت فوق السرير ضحك عليها
ايرين: ريي ..رييف وش دير نعيط و الله نعيط ونلم عليك الي هنا كل
ريفان: اممم دك وليت ريف اممم قبيل كنت مسيو ناصري و كي كنا نرقصو قلتيلي ريفااان ، ايه حمامتي خليني نفكرك فآخر كلام قلتهولك فالرحلة ياراس البونج ، راس الشحم قتلك لي يمسك #### و نتي نشوهك شفيتي ولا نو و واش قلت في الحفلة لي يقربلك و يقيسك نسلخو و نسلخ جلدك معاه
للحظة رجعتلها  هدرتو وكلماتو لي اكدلها بيهم الي قالو من سنين ، بقات تشوف مع عينيه و تشوق للموس لي ولا احمر من التسخين و بدات تجيها سيناريوهات على وش رح يديرلها وقبل ماتنقز تبعد تهرب كان فوق السرير و لاصقها و طاح فوقها بثقلو وبحركة خفيفة حط الموس على فخذها وين مسها خالد ؛ جات تعيط لقات شفافو على شفاها سكتها ببوسة طويلة ، طاحو دموعها  من الحريق لي تحس بيه
بعد عليها يلهث و يتنفس بقوة وقت هي انقطع نفسها هزت راسها تشوف مع الحرق و تتلمس فيه بالشوي ، قلبت شفافها كي لولاد صغار و شافت فيه بعينين زجاجية ؛ قلبو تخطف وتقسم اما غيرتو اقوى و الشي لي فبالو يديرو ، يديرو ، هي تايهة مع الحرق  و هو بحركة خفيفة فتح المنشفة نحاهالها و رماها بعيد وهي ماصابت تشوف مع الحرق و تحاول تبردو او تغطي لي لازم يتغطى
ريفان: حبسي تفرفيط مكان لاه تغطي كلشي شايفو  و محفور في راسي ادخلي ليه و امحي ادا قدرتي 
ايرين:حيواااان مريض نفسي ااااااخ بعد عليا بعد و دموعها على خدها
جات تجبد الغطى قرب ليها اكثر لصقها فيه وحط السكينة على خصرها ،  كانت حرارتها مش عالية كيما حرق فخذها اما حرقتها غمضت عينيها بقوة عضت شفتها و ضغطت على ذراعو و هو هنا طيش الموس وشد وجهها بين يديه
ريفان: هدا عقابك كل ماتخلي حد غيري يمسك تخلصي ،  موش انا لي نخلي حد يحط يدو على ممتلكاتي لخاصة ايرينتي موش انا ، قتلك نحب ننسى الماضي ، قتلك نسيني فيه اما نتي حابة تعاودي ترجعيني ليه حابة وسواسي ينوض
ايرين بصوت مغصور ومخنوق : انت مريض بعدني بعد كيفك كيفو انا غلطت فيك انت متفرقش عليه بعدني ، و هي تضرب فيه لصدرو ، بعد عليها شوي مركز مع هدرتها
ريفان: شكون كيف شكون؟ احكي
ايرين: بابا ، انت كيفو كييفو كلكم حيوانات
قرب منها عينيه فعينيها كبس على وجهها حتى توجعت يرص على كل كلمة يقولها : ايااكي تشبهيني بيه اياااااكي ايرينا ،  استناي هاد الآثار لي فجسمك بسبتو هو #### راح ندمو حسابو تضاعف الكلب ####
ايرين : معندو مادخلك بعدني بعد اووففف
كانت تبعد فيه و باين تتوجع من وجهها  هو ميشبهش منصف مستحيل يكون كيفو ، يحب يكون دواها و ملاكها موش جلادها اما هي لزاتو و نوضت جحيمو الراقد ، ميحبش شي يخصو يقربلو غيرو ، غيور حتى على شركاتو و اوتالاتو مابالك هي  ، غاضتو و كره روحو في لحظة
شاف فيها وهي تتوجع غاضاتو  ناض من فوقها هزها بين يديه و داها للدوش وهي تخبي في جسمها بلي تقدر و راسها خباتو في صدرو ، ملمس جسمها بين يديه دوخو و ولا يعرق و كملت عليه خبات راسها عندو ، عض شفتو قريب يطيرها كانها هك تقولو نهرب منك ليك ، حطها على حرف البانو دورت راسها عليه  عينيها مغرغرين بالدموع و هي تحاول تخبي روحها بيديها ، جبد رجلها حاول قد مايقدر يمنع روحو من انو يشوف فجسمها ؛ مرر صباعو على الحرق و تنهد  ، كب الما البارد فوق فخذها شهقت من برودتو ناض من قدامها دارلها بظهرو يلعن في روحو جبد شعرو قريب طيرو ، نحى لفاست و رماها فوقها شدتها بيدها و عاود قعد قدامها يبرد في الحرق بالما و ينسف عليه
ايرين: رييف ارحمني تعيش ارحمني و ارحم روحك ، راني وليت منقدرش راااني تعبت حتى جسمي جسم انثى موش حديد و تعب من كلشي
للحظة ندم انو دارلها هك و رح يبدا يضعف ، اما يعرف كون يسكت المرة هدي هي مش راح تسكت و رح تتمرد و تعاودها و دير ما اكثر و هو يبقى ديما ضعيف قدامها
ريفان: ارحمي روحك ، انتي لزيتيني بش ندير هك
ايرين: انت معندكش حق عليا و مدخلكش فيا شوف كفاه درتلي شوف اووفففف يحرقو ااووفففف يا ريت نقدر نفجر راسك برصاصة نتهنى منك
ريفان : لااا متغلطيش ايرينا عندي كل الحقوق ، انتي تابعتني ايرينا تخصيني
ايرين: منيش تابعاتك و منخصكش ،  عندك هديك الزرزومية الجابونية بيريمي بزاف عليك
في لحظات قدرت تلعب بمشاعرو و احاسيسو و عيشاتو كلشي ، ضحك عليها بالصوت قرب منها بعد شعرها من وجها و مسح على خدودها و عينيه تغمضو :  معناها حمامتي غارت عليا هك نفهمها ،  اممممم نسيتيني فهدرتك تاع لحفلة و دك عاودتي فكرتيني فيها ههههههه
عضت لسانها من غباءها رايحة تعترفلو ؛ بعدت يديه و مدت يدها تجبد منشفة من وراها ضربلها يدها
ريفان:ههههه انا مفهمتش وش حابة تغطي كلشي في الحفظ و الصون هنا و شار على راسو ،  ديجا ليوم و انتي لابسة الروب المفصلة هديك و تمشي و تتمايلي هكاك و انا نتخيل فيك مش لابسة ، عض شفافو ونتخيل في فلم ممنوع على الفئة الاقل من 25 سنة هههههههه ، وجها حمار و حلت فمها مصدومة منو ، من جرأتو ، مقدرتش تردلو
ايرين:خا  خاااامج حيوااان انت حيوان
ريفان: ومزال تخلصي فاتورة اللبسة هديك
ايرين: مااااعندو مااادخلك فيا نغنيها باش تفهم و ..
ريفان: ### عمري مزالها تهدر فيها ، بلعي و قوليلي وين نلقى دوا الحروق مع جسمك هك اكيد عندك خزانة موش علبة
ايرين:مليحة هدي اجرح و داوي  ، تنهدت شوف وراك
جبد البوماد من القجر وحطها على حرق فخذها اللي ولا احمر غمضت عينيها من الوجع ومع لوقت ستحلات لمساتو الحنينة على جلدها
ريفان: منصف ###  لي مخلي جسمك هك
ايرين: انا طول عمري وحيدة ، و منتوقعش انو يكون انسان حنين عليا تعودت على معاملتو
ريفان: وينها امك ايرينا كنتي تحكي عليها قبل لكن من تلاقينا محكيتيش عليها و مشفتهاش
حست بغصة و النفس راحلها ،  نزلت راسها وتبسمت بمرارة : راحت و خلاتني ،  ماتت ريف
فتح عينيه على وسعهم وهو يسمع فيها ولي زاد صدمو اكثر  باقي كلامها طاحت البوماد من يدو و وقف جسمو يرجف ، هزت راسها
ايرين: و الناصري لي قتلوها ،،،، شافت فعينيه ، عايلتك ريف