♧جحيم العشق♧Reflex

🔱Part28🔱

في اخر طابق من الشركة ، جالسين في قاعة الاجتماعات ، السي منصف و خالد كانو يتناقشو مع المدراء  حول المخططات الجديدة لي لازم يوجدها للعام الجديد ، و منصف قلقان و يقابد كفاه الاوتال لي كان حط عينو عليه و حاب يشريه و يفتاتحو مع راس العام و لي مقدرش يقنع صاحبو لا بالملاحة (💸💲💰)  لا بالقباحة ( 🗡️🔫⚰️)  و بين ليلة و ضحاها يلقاه تباع لاا و مقدرش يعرف الشاري شكون او يوصل لاي معلومة عليه
اما هي فكانت حاطة يدها على خدها و اليد التانية ترسم بيها في الورقة لي قدامها شعرها هابط على جيهة و بسمة خفيفة في فمها ، حست بالملل و هي تشوف فيهم ياكلو في بعض كانها تتفرج في فيلم وثائقي ، شريط على شجار حيوانات في غابة ، وفاء جنبها تقرص فيها و تلعن فيها بين شفافها لانها ترسم على اوراق الخدمة ، قربت منها عينيها قلوب و همست
-وفاء : رين حبي الغول الاسود ويكت ضحك هك يا مامي يسخف يتقرمش ههه عندك حق تدخلي غيبوبة من عشقو ههه
--هزت حاجبها و شافت معاها بغش بعدها عفست على رجلها بالكعب
منصف كان يعارك فجاة وقف يشوف مع زجاج لي مقابلو
-يمشي بشموخ يد في الجيب و راسو لفوق عينيه السود كانهم قناصة ، فتحلو فراس الباب و السكرتيرة تجري وراه
--ريفان : اووو بديتو الاجتماع بلا بيا هدا عيب كبير منك مسيو منصف ، هممم يمكن انا لي لحقت روطار اووف فراس شفت كفاه قتلك لازم نخرجو بكري و لازم نروحو مع طريق مختصرة
-خالد و منصف فوقت واحد : انعم
--السكريتيرة و هي عينيها قريب يخرجو من شوفة ريفان : اسفة قلتلهم ممنوع يدخلو لكن مسمعوليش
-ريفان : مينعمش عليكم ، على كل ما اسفش على الروطار و لازم تتعودو عليه و غمزهم و نتي برا كي نحتاجوك نعيطولك و شاف مع فراس لي خرجها و هي قريب دوخ
-- خالد و لي كانو تم كل وقفو مش فاهمين واش صاري
- خالد : واش #### هدا واش جابك هنا وش دير علبالك وين راك واقف ####
- -ريفان : اوو شريكي متعبش اعصابك اقعد ريح روحك و دك تفهم كلشي و en plus الغش يديرلك التجاعيد متحبش وجهك يتكمش و تبدلك المدام
-مع دخل و ضربت ريحتو في انفها حست الدوخة لعبت بيها و الستيلو طاح من يدها و وقت حكا الصدمة قليل على الشي لي تحس بيه ، قلبها قريب يحبس همست بصوت يرجف : ريف !!
-و وفاء جنبها حالها من حال صحبتها وش يدير هنا ؟!!
--مهزتش راسها فيه حتى قرب من الطاولة و جبد كرسي مقابل منصف ، قلبها يدق بقوة تشوف فيه كفاه فتح الفاست و قعد دار رجل على رجل و قال للي معاه يفرق ورق على الحضور ، كاريزما و حضور عينيها متنحاوش من عليه و كلمة مقدرت تنطقها
-ريفان : اوو هدا كلو من الفرحة بقدومي اقعدو اقعدو هههههه
--وفاء : ايرين ضحك واو رح ندوخ اصاحبتي ازين من الرسمة هدا انس ولا جن
هي تحكي و تشف سامي داخل ، ### هدا الجن لي ديما لاصق فيه قلبت شفافها ، فسد المشهد
سامي مع دخل عينيه كانو عليها و بعد كلامو مع فراس قرر انها شي يخصو و يخص قلبو و رح يخليها تغفر ذنب طيشو و تكون تحت جناحو ، نوض لي كان قاعد جنب ريفان و قعد
سامي : صاحبي ضربت دورة في الشركة ولاحظت انو  فيها دجاجات بزاف لكن دجاجة متلحق زين دجاجتي المتوحشة ههه
ريفان شاف فيه تع مكانش امل منك و رجع نظرو للزوج لي قدامو
سامي :  وشبيهم مصدومين هك كانهم شافو ملك الجمال رغيس قدامهم ههه ، متقوليش قلتلهم اخر الاخبار و انا مكانش صاحبي نزعف منك و ندعي فيك تعرف دعاويا
مسح على وجهو و قلب عينيه  يخمم علاه مقتلوش لدك
، التانيين صبرهم قريب يخلاص
-منصف : متحبسوش ### عليا و تحكي انت يا سي السيد وش دير هنا و تهز بعضاك و ### برا شركتي ،
-- مسح على شفتو و هو يشوف معاه بخزرة مش مفهومة
-ريفان : نحبك ترحب بشريكك الجديد ريفان ناصري صاحب 40 من اسهم شركاتك كل و رئيس شركتك العاصفة ، اووو تعديل ، شركتك السابقة لانها صارت باسمي مي متخافش اسمها عجبني مراحش نبدلو ههه
--عينيهم كل تفتحو 10/10 ، حالهم فاق مفهوم الصدمة العادي
-خالد خبط الطاولة و وقف يسب : وش تحكي انت كفاه اسهم و شركة ### بينا
--سامي : relax my friend ، اعصابك
-منصف : ههههههههه تتمسخر بيا وليدي ، مشربتش دواك ولا بايت تحلم بيا ، مبعت والو حتى تشري انت
--ايرين غير ساكتة و تحاول تحلل تعابيرو و كلامو ، تحاول تفهم سبب وجودو مش قادرة تستوعب لي سمعاتو ، قرىت تسكت و تشوفو فقط تبقى هدي فرصة ليها تملى عينيها بشوفتو
- ريفان : هممم مش شرط تبيع حتى نشري ، الورق لي قدامك يثبتو كلامي
- - كلامو كل صح 100/100 خالد طلق روحو على الكرسي
- سامي دار يدو على خدو يشوف مع وفاء : نكملو اجتماعكم ، اما على وش كنتو تتناقشو دجاجتي ، عينيها خرجو اما التانيين منتبهوش ليه
- - ريفان : فراس جيبلي قهوة كحلة كيما عينيا الشابين اوك تبالي مزال مطولين ، شاف مع ايرين مباشرة فعينيها و هي بؤبؤ عينيها كبار على الاخر تحسب هدا وين شاف ليها و على غفلة اما هو من دخل و عينيه كانو عليها من دون ماحد ينتبه و تركيزو كلو مع الروب لي مع انو مستورة شوي الا انو مفصلة جسمها ،
عض شفتو - : انسة مصطفاوي تحبي على عينيا و غمزها
- الفشلة حكمتها و الباقي حلو عينيهم فيه صدماتو ميخلاصوش اما منصف فمزالو تحت تاثير الصدمة لولى فتح قفايل الشوميز لولين حاس بالخنقة يقرا و يعاود في السندات لي قدامو
- - وفاء همست : تحب عليك كلك على بعضك ، ضربتها برجلها و ريفان انتبه لانو الطاولة زجاجية و دار ابتسامة جانبية عارف وش قالت ،
- خالد و اعصابو تلفو لز على سنيه : مسيووو ريفاان مدام ، مدام ايرين مصطفاوي و احترم نفسك ماكش في الشارع
- - ريفان و عينيه منحاهمش من ايرين : هممم مدام هههه قصدت اذا تحبي على قهوة كحلة ، فراس جيب للانسة ( قالها و هو يضغط على الكلمة ) قهوة كحلة بزوج مغارف سكر
- وفاء : ايرين منساش انك تحبيها كحلة و بزوج مغارف سكر ، صاحبتي نخطفوه !!
-  ايرين كانت في عالم تاني ، عينيها كلاوه ، تشوف معاه لابس كوستوم كلو اسود في اسود زاد فيه النص و قفايل الشوميز لولين مفتوحين و صدرو يبان شوي و مع الجلسة لي كلها رجولة و هيبة ، و عينيه زادو على مابيها و وقت غمزها خلاص
عينيه زادو على مابيها و وقت غمزها خلاص قريب تنقز عليه
-  ايرين و هي مزهبلة فيه : كلو على بعضو ### العقل وفاء
-  ريفان : هممم متقوليش غاضوك 40٪ ، متخافش بش نكمل 60 ٪ لي بقات و نريح قلبك ،، همس رح نحرقكم واحد واحد و حد منرحمو و هدي غير البداية ، ايرين جاي دورك