♧جحيم العشق♧Reflex

🔱Part24🔱

ريفان عقب نهارو بين الخدمة والتدريبات ؛سامي كيفو ماحكاو حتى حرف حتى سامي لي فمو ميغلقوش ساكت تايه وباهت ؛يتوجعو من داخل اما لي يشوفهم مايقرا من ملامحهم شي ؛وفاء ولات اكثر عدوانية من ليلة لبارح غاطسة فالتدريبات حتى حبستها ايرين؛بين زوج يتوجعو وجرح فوق جرح مش قادرينلو اما متحملين  ؛لحق ليل ولحقت معاه المهمة ؛تعشاو وطلعت لفوق دوشت وخرجت توجد فروحها مبقاش وقت حتى هدت عليها وفاء الباب
وفاء:ايرين خلينا منروحوش
شافت فيها مستغربة عندها بزاف مشافتش هدا الخوف فعينيها
ايرين:وشبيك هبلتي؟؟ومن وكتاه وليتي هك
وفاء:اوووف معلباليش حاسة بشعور خايب علخر
ايرين:بعد ليلة لبارح نشوف فاعصابك تالفين تقدري متروحيش رح نروح وحدي مع الجماعة
تنطرت ناضت وهي تحرك فيديها :لالا نروح معاك اما خايفة مش عليا عليك انتي حاسة منعرف كفاه
ايرين:لا ميكون والو اوثقي فيا يالله وجدي روحك خلينا نخرجو تنهدت وسلمت امرهم لربي وهبطت توجد فروحها وتدعي مايكون والو رغم علبالها بلي لي يديرو فيه غلط اما مجبرين
ريفان نهار كل مروحش لدار وبقى مع سامي يوجدو للصفقة ؛يحاولو يتناساو وش صرا امس ويتلهاو بالمهمة ؛
ريفان:الكل واجد؟
سامي:كاامل واجدين غير انا جيعان اصبر ناكل طرف ونمشو
قلب عينيه منو ويحرك فراسو بقلة حيلة :ياربي صبرك
سامي:هاو نموتو ولا كي تكون الكرش معمرة كلشي يهون احبيبي... هاك تاكل هاك
ريفان:لالا شبعان انا ناكل مرة مش عشرة
سامي:خذلك سنيكرز واسترخي
ريفان:ياربي وش درت لعمري انا وش درت ..المهم كي تكمل بليعك الحقني لطابق السفلي
سامي:مم.مم.اووك.ممج ..دك نجي بعد
ريفان:ياربي جيفو ياربي خير من نجيفو ونتهنى
تجهزو كلهم على أمل يلقاو الخبرية صحيحة والراجل لي مخبيه فدارو عاطيه معلومات صحيحة
وصلو تأهبو الكل وكل واحد شد بلاصتو كيما خطط ريفان ؛سامي بجنب ريفان يراقبو فالمنطقة ؛مزال 10دقايق على الصفقة كيف ماقالو الرهينة
سامي:كون لعبد هك ويرسلهم ساروخ عضو صحيح  ميقعد فيهم روح تاعهم تتعلق وتتعذب تأشيرة مدفوعة لجهنم ديراكت 
شاف فيه بنص عين سكتت ودار يشوف فالمنطقة ؛
سامي:اي رح نرقد وانا قاعد ### كرشي بردت وانا راقد على كرشي كون قتولي درت حساب الفراش
ريفان:تسكت ولا نبعثك ليهم يفجرو عقلك المخروب هدا
سامي:اااي راني صاحبك ياو متغامرش بيا وبشيبابي
ريفان:كي صاحبي صابر مالا مطيرليش مخي مع نص ليالي
-ميسيو ريفان كاين جماعة جايين
ريفان:هدووء وخليهم حتى يولو قريب يكملو صفقتهم ونهدو عليهم بقاو
يراقبو فيهم...يشوفو  فالجماعة لولى جات وبقاو واقفين لابسين كلش اسود واقنعة على وجوهم ؛حاول يركز فيهم اما شي الظلام ومع لابسين اسود مابانلو والو
سامي:مسلمين مكتفين الضو ميبانش ...علاه مكفنين هك
ريفان:ياديني كاش ماشفت كفن اسود
سامي:كفن المافيا رايحين لجهنم رايحين ههه موجدين عمارهم
ريفان:بلع بلع خلي حدث مايفوت علينا لا نكفن جدك هنا
ايرين لحقت مع الجماعة ؛خالد بقى بعيد يدير تغطية ؛تستفو كلهم يشوفو فالبلاصة هادية وجهة الجبال ؛شوي وقت وجااو الجماعة الاخرى
-We see that you are not late
(نرى انكم لم تتأخرو)
ايرين:yes of course ;Respect for time
(طبعا؛احترام الوقت)
-Eemmm i like it (احببت ذلك)
ايرين:The time is running out, so let's close  this deal
)الوقت يمر؛لذا فلننهي الصفقة)
شاف فيها من فوق باعجااب وعجباتو قوة الفاظها وصعيب باش ترذخ وكيما سمع عليها بالضبط اما يعرف خالد وطبيعتو فيكمل خدمتو ويروح احسن
تبادلو المال والسلعة بيناتهم كل واحد دا حاجتو ؛ريفان كان يراقب كلش غير شاف الصفقة تمت أمر باش يتحركو ؛غير شافوهم تخباو وبداو يخيطو فالدنيا بالرصاص
ايرين:#### وش جابهم وش يكونو
وفاء:كنت حاسة انو حاجة رح تصرا
-مدموزال نظن مجموعة تدخلت
ايرين:وش يكونو بولييس؟؟؟
-لا مش بوليس اما معرفناش وش يكونو
ايرين:يلعن ###
رصاص يصب كي المطر ، كلهم تخباو جات تطل من ورا الطموبيل تحاول تشوف اي شي ، اي شخص من لي هجمو عليهم قوصو عليها عاودت تخبات و هي تسب بالمقلب و تلعن فيهم و في نفسها
وفاء : ايرين طموبيل راح تتفجر  علينا فاي لحظة لازم نتحركو من
نطق الروسي : You betrayed us, you will pay dearly
(لقد خنتمونا ستدفعون الثمن غاليا )
و بقا يلعن فيهم و يحكي مسكتش
ايرين : ## مخي البرتقالة هذا شوفو كفاه تسكتوه عليا و لا نفجر مخو هنا ونتهنا من وجاع راس
وفاء : Please stay calm; we're responsible for your protection, we'll take care of it
(الزم الهدوء من فضلك ؛نحن مسؤولون عن حمايتك سنتكفل بالامر )
الروسي:If I don't get out of here, you will pay the price, they will pursue you and take revenge
(اذا لم اخرج من هنا ستدفعون الثمن وسيلاحقونكم وينتقمون وعد )
ضغطت على المسدس فيدها لعبلها على اعصابها ؛ تشوف فأعضاء من جماعتها تقوصو وكاين لي تجرحو
ايرين : يلعن حظي ليوم ؛ علاه ، علاه ليوم ، غمضت عينيها تفكر فالعذاب لي رح يلحقها كون تفشل ؛ حلت عينيها صفاحي
ايرين : وفاء خرجي الروسي من هنا رح نأمنلكم الحماية بسرعة
وفاء : مستحيل نخليك وحدك
ايرين : هدا أمر بصفتي البوص هنا ودك نفذي
وفاء شافت فعينيها لي يأكدو كل كلمة نطقتها اما خايفة عليها ؛ هبطت راسها وبدات تزحف مع الروسي و ايرين مأمنتلهم الحماية وترد فالضربات لي يجوهم ، تحاول تخليه مينتبهوش ليهم
ريفان و جماعتو كانو دخلو للمنطقة تقريبا و بداو يقوصو هنا و لهيه و وقت انتبه انو القائد تاعهم مخبي ورا الطموبيل ؛ خيطها بالرصاص حتى ولات كسكاس ؛ لكن حاول يتفادى الموتور لانو ميحبش تتفجر ويتحرقو ، موتو ميفيدوش يحب عليه عايش ، يحتجزو و يعذبو بطريقتو ، المعلومات لي عندو تفيدو بزاف
سامي : ريف خلينا نفجرو ### نتهناو منهم
ريفان: لاااا اياااك سام ، حابهم حيين سمعت ، نحتاج قايدهم حي و لي معاه ، متقتلوهمش طيحوهم فقط
سامي : لكن قادر يجيبو دعم وحنا قلال
ريفان : قلت متتصرفش نفذو حسب الخطة
سامي: ### اوك بوص
هبط سامي مع الارض باش يحدد شحال من واحد كاين ورا الطموبيل
ريف:وش دير
سامي: ريفان كاين 3 وراهم يهربو بسرعة حاصروهم
ريفان:ولاد ###  يخسابو يقدرو يهربو مني ، متحاصروهمش الروسي معاهم ، تبسم بشر ،  خلي يسييو يهربوه  ، و انت تبعهم وحاصرهم وقت يحسو بلي راهم بأمان اهجم
سامي : ههههههه الكلام لي نحبو شريكي
مشى سامي يزحف و يحاول ميخليهمش يفيقو بلي يتبع فيهم ؛عينيه مركزين على رجليهم وعلى كل حركاتهم ؛ ميقدم خطوة حتى يكون متأكد منها ومخمملها ؛ اما ريفان بقى يراقب فلبوص و بعدها عينيه ظلامو ولا غير يقوص لي يجي قدام عينيه ميرحموش ولا همو البوص يكون بين يديه و لباقي ميهمش اذا ماتو او بقاو حيين
ريفان :  ### هربهم وبقى فوسط النار هدا بوص ولا حمار بوذنين ، همممم بوص حساس و مضحي ! و قوص ...