♧جحيم العشق♧Reflex

♤part07♤

ايرين:اكسيو
ابتسامتو وساعت وهو يشوف فيها بخبث ؛بلعت ريقها وهي تشوف فيه وفابتسامتو لي عرفت رح يبهدلها بكاش عفسة ؛بقى يخمم ومنبعد نطق
ريفان :تنفذي وش نقلك  لمدة 24ساعة ورح تبدا من 12تاع ليل
الكل تفاجئ من طلبو وهي لزت على قبضتها بقى يشوف فحركتها ويتبسم
سوزي:يعني منيتك ريفان تقيم بنت كيفها وش رح تديرلك فنص لغابة مثلا حتى لحوايج اخرى متصلحش يعني
ايرين هبطت راسها وتبسمت بمرارة توقعت هاد لهدرة من صحابو ؛غير سمعت صوت كف طلعت راسها وهي تشوف فريفان عطى كف لسوزي حتى دار وجهها
ريفان:وشكون انتي باش تحكي هك تالمو ساقطة ومتصنطعة خادمة روحك شبر بشبر ديتيها فروحك ؟حوايج الاخرى لي تحكي عليهم يخدموهم لي كيفك ومنسمح لحتى واحد يقلل احترام لحتى واحد فهمتووووو
سامي:ريفان وشبيك علاه ضربتها
ريفان:راني مليح محرقتهاش اياا كل واحد خيمتو دك
سوزي من صدمتها بقى راسها لتحت مش مصدقة انو ريفان ضربها وتبهدلت قدام لكل طلعت راسها نشوف فيهم متشمتين فيها ؛هزت روحها وجرات لخيمتها
سوزي:ضربني علجال شرشوحة متخلفة متسواش اهئ اهئ رح ندمك ياريفان رح ندمك ااااع
الكل بعد هدرة ريفان ناضو وطارو لخيمتهم خايفين من غشو غير هي بقات تشوف فيه صح طريقتو غالطة وكفاه بهدلها اما لاول مرة تحس بالأمان وانو كاين واحد يقدر يجيبلها حقها ..ريفان بعد ماضربها وبهدلها فاق بروحو مسح على وجهو وتأففف معلبالوش علاش قال هكاك اما ايرين بنت بريئة ومش متصنعة وانها فقيرة مايعنيش انو تتشاف مجرد جسد ولا خامجة وهو مقدرش يسمع عليها هكاك غمض عينيه وفتحهم
ريفان:علاش مزالك هنا ماشي قلت كل واحد يروح لخيمتو
ايرين:تعرف بلي هدي اهانة لانوثتها واذا طفلة تقاست فانوثتها تروح شخصيتها وثقتها بنفسها
تبسم كي سمعها ودار ليها
ريفان:ونتي مقاستكش فانوثتك؟
ايرين:انا موالفة بهاد لهدرة ومتهمنيش مي وحدة كيف سوزي رح تتأثر بيها ورح تولد حقد نتمنى متندمش تصبح بخير
ريفان:متنسايش انو من 12تاع ليل رح تنفذي اوامري
ايرين:مننساش
شيعها بعينيه حتى دخلت خيمتها تنهد وحك راسو هدي طفلة مختلفة صح على البنات لي يعرفهم
سامي:ماشي كانو زدت فيها؟
ريفان:اخطيني يرحم باباك
سامي:علجال ستيتش هديك
ريفان:ماشي قتلك متقلهاش ستيتش
سامي:وانت بواش تهمك هديك طفلة ؟ولا اثرت فيك واذا صح اثرت فيك مايكون غير خدايم الشعوذة
ريفان:وش تحكي انت ومن وكتاه انا نشوف لمظاهر؟وش فادتني المظاهر فحياتي على الاقل كاين انسان يكون على طبيعتو ويفرض روحو بلاتصنع خصنا ناس بزاف فحياتنا كيفها باش يرتقي المجتمع
سامي: مسيو فيلسوف زمانك من وكتاه تشوف للمظاهر!!!!! ااو سيريو انت؟ عرفتها سمانة ولات متهمكش المظاهر لاتكون عاجباتك
ريفان:وشمن اعجاب وشمن تأثير انت هبلت صح محبيتش طريقة سوزي فلهدرة وكنت شاريهالها وزيد ايرين وش ذنبها حتى تقلها هكاك
سامي:يا اووووملييي اسمها ايرين ارواحي اصوفيا شوفي ولدك ارواحي تتشلي وتقعدي بلا رجيولات تترنجحي بيهم
ريفان ضحك على صاحبو :امشي امشي نرقدو
سامي:بصح صح وش عجبك فيها لاتكون بانت المفاتن تحت الفضفاض ام يخوفو
ريفان:هااي تبلع ولاااا
سامي:هاااني سكتت بصح تصور تلقى عندها كرزتين مش تفاح اي لوحة زحي ماتعرفها رايحة ولا جاية
جاتو ضربة من ريفان على راسو :دك تبلع ولا ندي نوريلك التفاح فلغابة قالك كرز  وتفاح قال حيوان بري
سامي:اااا مش هك بصح يفيو بالغرض ههههه
ريفان غلبو ضحك من هدرة سامي اما تلفو وسكت
جاا في بلاصتو ومخو بعيد وبدا يتساءل هو علاه دافع عليها هكاك ..اما متعمقش فالموضوع وبدا يخمم وش يطلب منها غدوة وتنفذو تبسم وقت جاتو افكار دار على جنبو
ريفان:خلي نخرجو الستيتش تاع الصح
ايرين الليلة كل تتقلب غير تتفكر كفاه دافع عليها تفرح وكي تتفكر انو غدوة كلو تنفذلو اوامرو تفشل ويتعكر ميزاجها
ايرين:يعني هدا مش رح يخطيني اففف
جاية فبلاصتها تتقلب تأفففت وحكت راسها
ايرين:وش يكمل هاد النهار افففف
ناضو  الكل تقهواو ريفان نشيط ومعلبالوش علاه اما مغامرة اليوم حاب تكون سبيسيال؛ هزو حوايجهم وبداو تجوالهم ؛هاد المرة ريفان طلب من ايرين تمشي معاهم وهي مشات بلاماتزيد حرف؛سوزي ليوم مجاتش معاهم بعد تبهديلة ريفان بعدت عليه وتخططلو فحاجة سامي قرب من وفاء
سامي:صباح التفاح ااا قصدي الخير
وفاء:صباح النور
سامي:شايف الزين وحدو متحبيش تتقربي من الناس ولا معندكش حد مميز
وفاء:لاا معنديش حد مميز عندي غير ايرين
سامي:ايه ستيتش مدي الانظار
وفاء:ااه وش قلت
سامي:لا كرزتي مقلت والو ؛خلي نلحقو الجماعة ونحكو اكثر لازم نشوفو انواع الفواكه
وفاء:تنوض الفاكية هنا ؟
سامي شد ضحكتو:اييي وتشوفي ذيك الفواكه وش نحكي وش نخلي مي حاب نذوق فاكية جديدة ياكرزتي الحلوة
وفاء مش فاهماتو غير تتبسملو وتايهة فيه كي لبهلولة
ريفان كان يمشي لقدام غير شاف سامي يحكي مع وفاء وايرين توخر بالشوي عرفها حابة تجبد عالمجموعة ؛بقى يتوخر حتى لحق ليها ؛كانت تشوف فطريقة باش تتملص منهم وتروح حتى جاها وصفق قدام عينيها
ريفان:فليل تشمي ريحتي وفالنهار قدامك ومعرفتينيش
ايرين:رانا في بزاف ومكنتش متولهة وزيد ماشي ريحتك لي دايرها
تبسم على حذاقتها :مكنتش مهرف انو كاين حد يقدر يحفظ ريحتي نسميه عشقتي فيا؟
كحت ودارت ليه وجهها احمر تبسم بخبث وهو يشوف فخدودها
ايرين:وشمن عشق هبلت انت صح خليني نستمتع بالجولة اني رايحة
ريفان:متنسايش راكي تحت يدي مدة 24ساعة
تأففت ودورت وجهها عليه
ريفان:خلينا نروحو وحدنا بلاك نلقاو الكرز كيما يقولها سامي  ههه
ايرين:كرز؟
ريفان:امشي خلينا ننفاصلو عليهم
مشاو متخفيين حتى بعدو على المجموعة وساعت ابتسامتها الي غير شافها ريفان تاه فيها
ريفان:مي بشروطي
ايرين:ااااخ ياربي وش درت فحياتي انا هاه وشمن شرط
ريفان:تنحي نواظر وتفردي شعرك
ايرين:لالالا مستحيل
ريفان:حسب علمي تشوفي بلا نواظر
قرب منها وهي تبعد حتى تعكلت شد يدها وجبدها ليه ؛هز يدو نحى نواظرها وبانت ملامح وجهها ؛عندها زين رباني قاتل اما مخبياتو بقناع البشاعة ؛عينيه لونهم سبيسيال يسحر ؛دايخة من قربو ولمستو قلبها يخض داخل صدرها تشوف فوجهو قريب منها ونفس تاعو يضرب في وجهها بلعت ريقها وهو ينحي فالشال من على راسها وتطلق شعرها بعد عليها يشوف فيها ولا عندها زين وبهى رباني يسحر اي حد
ريفان:اممم يسمى انا محظوظ اني قادر نشوفك بلاقناع البشاعة لي تلبسيه اما علاه هدا كل
ايرين:اما الكل يقول عليا باشعة ومحال نعجب اي حد
ريفان:ايرين انتي مش تمثال من الشمع بش ديري فبالك انو لازم يكونو ملامح وجهك وجسدك منحوتين بشكل غير واقعي هوس الكمال ميخليكش جميلة انتي جميلة كيما راكي انتي مختلفة وهدا يولد جمال
قلبها رفرف من كلماتو متوقعتش انو ريفان لي يحكو عليه الكل عندو هاد العقل والعقلية تبسمت وهي تسمع فيه
ايرين:كلامك مقنع دير فبالك انو انا محاولتش نبدل روحي وراضية بروحي هك وانا صنعت نفسي هك منستناش ناس تصنعني
ريفان:شفتي علاه تعجبيني لانو مختلفة على الكل
كلمة تعجبيني بقات فوذنها خدودها طلعو حمر حاولت تتمالك نفسها وتبدل الموضوع
ايرين:مام انت لازم تخلي الظلام يروح من حياتك والا رح تخسر روحك وشخصيتك داخل الظلام
شاف فيها وتبسم شبه تبسيمة
ريفان:انا الظلام فحد ذاتي كفاه نتخلص من نفسي ؛شافت فعيونو ونظرتو لي تبدلت وكانو انسان اوخر وعيونو ظلامو غير غمض عينيه وفتحهم رجع هادي للحظة ظنت انو كاين زوج عباد قدامها مش واحد تبسم وشاف فيها
ريفان:رح تختفي برائتك ويظهر الظلام وتبقي تحوسي عليها وعلى النور ؛اذا جا هدا النهار غوصي داخلك رح تلقاي المخرج
ايرين:تحكي كيف امي
ريفان:متنسايش هدرتي واكيد كي تخلاص الرحلة رح نبقو اصدقاء ولا وش قال
ايرين:هههه اكيد اذا متحشمش بصداقتي
ريفان:لالا ههه فكرتيني فالشرط الثاني
ايرين:واش هو

ريفان نحى من صاكتو تريكو :البسي تريكو تاعي دك وتنحي تريكوك تعطيهلي
ايرين حلت عينيها متفاجئة:انت صح هبلت مستحيل واصلا وش ندير بتريكوك وش دير بتريكو بنت
ريفان طلع حاجبو:انا نقول ونتي تنفذي ولا نجي نلبسك ونحي بطريقتي اممم وهدي محبذة ليا
ايرين:انت صح منفصم شخصية مرة تكون مليح ومرة تكون ...
ريفان:شرير ههههه
قلبت شفايفها وقرنت حواجبها ولا وجهها طفولي حتى انو تمنى يروح ليها ويبوسها حمحم وحكى
ريفان:متنسينيش نحي
تأففت وهزت تريكون من يدو نحت تريكوها ومدتهولو
ريفان:مصفحة ياجدك شحال لابسة من تريكو يسما مش سمينة
ايرين:انت وش دخلك هففف
لبست تريكوه جاها كبير شنفت عليه وهو شاد فمو بيدو باش مايطرشقش بالضحك
ايرين:متخليهاش فقلبك اضحك برك تقول مهرج
ريفان ضحك من كل قلبو وهي كي شافت ضحكتو ضحكت معاه
ريفان:هو تريكو شباب نتي صغيرة هههههه تقول بنجة مشمخة ياي مغلطش لي سماك ستيتش
ايرين:خلاص متضحكش منيش ستيتش
ريفان:احلى ستيتش ..خلينا نبداو جولتنا
بقاو يتجولو ريفان كل مايشوف فيها يضحك وهي تشنف عليه مي غير تشوف ضحكتو تتبسم معاه
وقفو على طرف الجبل كان فالمقدمة ريفان وايرين وراه
ارين:ريفان كفاه قادر دير كونفيونص وانا وراك متخافش انو نرميك
ريفان تبسم وبقى داير ويحكي:روحك انقى من انو تديريها معلباليش علاش اما كي نكون معاك نحس انو نقدر نكون على طبيعتي وننسى الجانب المظلم من شخصيتي
ايرين:ريفان تقدر تقعد ديما هكاك كفاه يقدر انسان من عائلة كي عايلتكم كلها قيادات أمنية انو يكون عندو جانب مظلم
ريفان:مش كلشي تشوفيه لازم تصدقيه كاين اموور مخفية على المجتمع والشرطة مش ملائكة كيما مفكرتهم كاين ناس فاسدة فكل مناطق ..تعرفي مينداك نحب نكون من المافيا فيهم النزاهة خير
رجفت وهي تسمع فيه تبسمت وحكات :هههه غريبة كل واحد وين يحب يكون مي لازم نتعايشو مع الوضع
ريفان:وحلمك واش
ايرين:انو نبعد من هنا ونكون مع امي في بلاصة هادية ونصنع نفسي بروحي مش يصنعني المجتمع والعايلة
ريفان:نفهم من كلامك تفضلي امك اكثر عكسي ههه وباباك وين ميت؟؟
ايرين:لالا حي اما ولا مرة شفنا حنانو حابة نكون مع امي برك ونقلك مكانش ام متحبش اولادها ومصلحتهم
ريفان تنهد :انا امي تحب مصلحتي لي تخدمها هي مش انا وعمري ماحسيت بحنانتها
ايرين:طبيعة خدمتها خلاتك تحس هك انت برك.....
قاطعها وعينيه ظلامو وبانت علامات الحقد فوجهو:بلعي متحكيش شي متعرفيهش فهمتيييي بلعييي
ايرين دب الخوف فيها من طريقتو :ريفان ديزولي مكانش قصدي
مسح على وجهو ودار للجهة لاخرى غمض عينيه وهي هزت صاكها ودارت راجعة مش حابة تزيد تقعد معاه وحالتو تخوف ؛من حقدو وهو يتفكر فيماه متولهش حتى انو مشات ؛غير دار ملقاهاش زفر بقوة:وشبيااا انا ديما تخلطيلي حياتي حتى وبعيدة ..اما يجي نهارك
شاف جهة الآثار فالثلج ومشى معاهم يشوف فيها تمشي رايحة ؛غير شمت ريحتو غمضت عينيها وكملت تمشي باغتها ملور وحضنها ؛فتحت عيتيها صفاحي تحس فقلبها رح يخرج حركة متوقعتهاش ؛حضنها وجبد هوا عمييق من ريحتها وهي قريبة منو دخلت الدفا لروحو ورجع هادي :آسف مكانش قصدي نعيط عليك
ايرين:مي انا كنت ..
ريفان:شششش صكري على الموضوع
جات تجبد روحها مخلاهاش ودخلها فصدرو اكثر تحس فرجليها مش حاملينها ريحتو تغلغلت فيها جسمها منجذب ليه بقوة حابة تدور ليه وتحضنو هي ثان
ريفان :ايرين
ايرين وهي تبلع فريقها:ممممم
ريفان :بوسيني