تحضى نار قلبي

الحلقة: الثانية

تحضى نـار قلبي
حلقة: الثانية
.
.
.
سبات في عينيها يتوهج نورا فـ يتكحل القمر بسنا كحل
وبين رمشيها ينام الحب

مهدا وشوق ورذاذ حلم يغازلني طيفها
ايتها الراقده في عمق روحي

تعالي نلهو هناك بين نجمه وسحابه وقمر
روحي اليوم محتفله بك
وعند منتصف دقات القلب سيكون القاء.
لنصمت نحن وتتكلم العيون.
....

رجعت ابتسمت لوجود اختي.
اليوم حجيت وياها تنضفة.

دخلنة جوة وامي التهت وياها.

بقت يمنة هذا اليوم.

اخذت ياسة منها لان تاركها يمها.

شميت ريحتها وبوستها هي تناغي.
مدبدبة المفروض تزحف بس لان وزنها ثقيل ماتگدر..

نمت وهي بحضني..

گعدت الصبح فاز على صوت الصياح..

بعدت ياسة من حضني ونزلت واشوف اختي گاعدة وتلطم وتبجي..

خفت للحضات توقعت أمي توفت..
أبتلعت ريگي تقربت عليه حطيت ايدي خلف ضهرها حجيت
_شبيج شهلاء؟؟

شهگت وگالت
_ماااات ماات وعافني وحيدي..

تضرب بوجهة وتصحيح حضنتها وهمست
_الله يرحمة لاتسوين هيج تعذبي..

تشاهگ وتحجي بصوت متقطع على اثر البكاء
_عليك الله آسر اخذني لعيالي والله ما تحمل اريد اشوفه..

بست راسها وحجيت
_گومي خيتي.

ابتعدت عنها وهي وگفت شهگت وتمشي واضح عليها الانكسار..

غمضت عيوني وگمت غسلت وصعدت بدلت ونزلت.
لگيتها كاسرة رگبتها وتبجي..

اخذتها وحجيت ويه جيرانة طلبت منه تجي رضيعتة يمنة.
وهو ما گال لا ماتوقعت يقبل لان ما عرفتةغير البارحة.

اخذت اختي ورحت لبيت عيالها.
زوجها انسان خلوق واخو خينة.

رغم مواقفنة القليلة لاكن بـ كل مرة يكبر بالعين.

شهلاء عيالها زينين وياهة رغم هن سبع جناين عكس ملاك الله يرحمها بس عمها يحبها وهي الجنة الوحيدة الي عايشة وياهم.

نزلنة من السيارة دفعت الباب ودخلت شهلاء.

واني بقيت برة.

اسمع الصياح والعايط مال امة وخواته وميزهن صوت شهلاء الي تگول

_راح سند گلبي منو الي غيرك ريت عمري على عمرك يابعد روحي..

كلامها قشعر جسمي.

ابتعدت عن الباب لان احس نعاد حداد ملاك وزوجتي..

ضغطت على روحي واتصلت على اخو گال
_ ادخل اسر بالبيت احنة وانتَ مو غريب..

دگيت الباب ودخلت.