تحضى نار قلبي

حلقة:الواحد والعشرون

تحضى نار قلبي
حلقة الـواحد والعشرون
.
.
.
.
.
.
.. المرأة التي لا تنتظر التقييم من أي شخص مهما كان، هي أقوى كائن على وجه الأرض.
.
.
.
بعد كل وقوع كملت طريق للگراچ  وسألت عن الامام الحر
وصعدت سيارة كوستر حچيت وية السائق

_ اني ضايعة هنا  وماعندي فلوس عادي توصلني!؟

صفن السائق بوجهي وتنهد گال
_ الله الرازق  صعدي بوية.

تشكرت منة وگعدت السيارة فارغة بس اني بيها.
لحضات بسيطة وامتلئت السيارة بحيث حتى زلم  بقو واگفين..

ساق السيارة و مسافة مو كلش بعيدة تقريباً  ربع ساعة اذا مو أقل گال
_بوية هذا الامام الحر.

نزلت  ومشيت خطوات بسيطة دخلت الامام مابي ذاك العدد ناس قليلة.

دخلت  زرت واندعيت  گعدت بصف الامام  لان شبة فارغ   نسوان مطشرة  وكاعدات يسولفن.

ما أعرف شگد مر من الوقت وطلعت من الامام
ضليت أمشي بالشارع  متجاهلة مصيري..

سمعت صوت هورن سيارة وراي التفتت وية ما وگفت السيارة ونزل منها بهتت بحيث بقيت أرمش بدون ما أحچي شي

تقرب علية شكلة مستغرب مسافة بسيطة تفصل بينة 
_سرورر!!؟؟

_لا خيالها.

فلتت منة ضحكة
سرعان ما خفاها وگال
_ بربچ وين مختفية كل هل فترة، سالفة السجن أبد مامقتنع بيها  انتِ أختفيتي  وبحثت عنج ماكو  وصديقي  تكفل بيچ وهم مل لگة الچ آثر.

هزيت راسي وحچيت بستهزاء
_أبن عمك العار خطفني واتهمني بقتل وسرقة ياسين.

رد
_ هذا نفس النغل ويبحث منو أبو
ليش مانعرف منو إلي قتل أشو الأبن أبنة.

وانتِ تعالي وياي وين تبقين هنا وحدچ؟!

سرور: ما أريد بيت عمك يعرفون بوجودي أريد أختفي عن الانضار.

مرتضى: لشگد تختفين يوم يومين لابد يجي يوم ويعرفون بيچ.
تعالي وياي ماگدر أتركچ وحدچ هنا.

سرور:  مرتضى أفهم ما أريد أحد يعرف حتى واذا أريد اختفي لامن شافني ولا من درة بمكاني.

مرتضى'تعالي يم أمي بكل الاحوال ماكو أحد غيري اني واختي وبرشة بالبيت.

سرور: ليش وعمو!؟

زفر نفسة وأردف
_مدفون بالنجف.

فتحت عيوني بصدمة وحچيت
_ياا شوگت  توفة، البقية بحياتك وخاتمة الاحزان إن شاء الله.

هز راسة وكال
_ يرحم والديچ، يلا أمشي كافي عاد اتوسل ورب الكون الروح تعبانة و ولهانة.

سرور_  اخر مرة اكلك ما أريد أحد يعرف.

أبتسم وأردف بهدوء
_وروح ياسين محد يعرف.