تحضى نار قلبي

حلقة: التاسع عشر

تحضى نار قلبي
حلقة التسعة عشر
.
.
.
.
.
.
.
.
.
. تمر يحچي بالجهاز وندگت الباب بشكل جنوني
عقد حواجبة وختم المكالمة وگال
_خير ان شاء الله.

راد يطلع حچيت
_والله ياخذوك لاتطلع ..

عقد حواجبة وحچة
_ربج موجود هو زرع هل روح وبيدة يقطفها.
انتضرهم إلي يومين..

هسة طالع وانتِ لاتهتمين صيري سباعية وما تنكسرين بسهولة واذا رحت اخذي حق أهلج وحقي

لان انغدرت من أقرب ناسي.
سريانة گلبي وزينة حياتي ولوعة ياسين أبوج ماتلوع بيج نفسي
حبي وخلاصي ونجاتي واهتمامي ريانتي..

تمسكت بي بقوة ودموعي تنزل
أبتسم وبعد شعري عن وجهي وانفتح باب الكلدور دخلو منة زلم لافين شماغ على وجوهم وأسلحة بدينهم صرخت بصوت عالي نتيجة رعبي وتخيلي حادثة أهلي..

أحتضنت ملجئي وأماني بقوة حسيتة هو الاب الروحي إلي تمنيت وجودة..
لكن عرفتة بالوقت المتأخر..
بعدوني عنة، وضربو طلق عشوائي..
ما اكتفو بهل شي
سحلو من رجلينة وطلعو بي..

حطيت أديني على اذاناتي واصرخ بصوت كدر يقطع اوتارصوتي
انقتل وانخطف گدام عيني ما تحملمت أشوف الدماء تارسة الأرضية رجفن رجلية وفقدت الوعي..

فتحت عيوني جاهلة الوعي
ضغطت على عيوني وفتحتهن ارتاكيت على الارض زلگت أيدي و وكعت على وجهي..

رفعت نفسي وگمت صارت عيني على الأر ض شهگت بصوت عالي وجسمي رجف..

أديني يهتزن بقوة تلمست خدي برجفة فضيعة

أبتلعت ريگي ورمقت أيدي نضرة شهگت وبچيت بقوة

أيدي ترجف بسرعة جنونية
ركضت للمغسلة فتحت المي غسلت أديني كلهن دم..

صارت عيني على المراية فزيت وانضرب ضهري بالحايط
نص وجهي عبارة عن دمَ..

طلعت أركض الخوف مالي گلبي.
صعدت لغرفتي الباب مفتوحة وبعدها ضلمة..

أخذت جهازي ونزلت أركض أتصلت على أرفد لحضات ورد
.. ها سرور.

أبتلعت ريگي بشهگة وحچيت
_أرفد قتلووو قتلوو...

رد
_منو سرور شنو تحچين انتِ!؟

_اخووك يا ارفد قتلوو واخذوو تعاااال ما عندي احد هنا

.. جايچ جايچ مسافة الطريق

سد الجهاز مني واني شبة فقدت ما أعرف أتصرف..
حضنت جسمي وصافنة على بقع الدم.

مر وقت ومحد اجة وسأل وعرفت يا غريب الك الله..
اخذت جهازي اتصلت على عمي أبو مصفى رد بعد مكالمتين.
قبل لا يحچي حچيت
_عمووو تعال فدوة تعاااال قتلو ياسين وأخذوو..

.. لا اله الا الله منو قتل وانتِ وين!!
_ما كو احد يمي وحدي بالبيت

.. عمج أرفد أختج وين شنو السالفة سرررور ليش وحدج ليششش