تحضى نار قلبي

حلقة: واحد والاربعون

تحضى نـار قلبي
حلقة واحد والاربعون
.
.
.
.
..
تفاعلو على الحلقة فيروزاتي قصتنا شارفت على الانتهاء
ملاحظة: الحلقة بيها مشاهد رومنسية للمايحبون اتجنبوها
🖤..

أفضل شعور هو عندما تلتفت إلى وجهه وتجده يحدق بك.
.
.
طلعت اليوم من الشغل من وقت أخذت نارفين وتمشيت يم حديقة عامة..

حضنتها لصدري وصافنة على الاطفال يلعبون وأفكر معقولة يجي يوم و نارو تصعد وتلعب نفسهم؟؟!

بنص تفكيري وسمعت حمحمة التفتت على الشخص إلي گعد يمي و صدمني..

ضحكت بهدوء وحچيت بستغراب
_اووو اليوم منو بغداد.

أبتسم طرف شفتة وأردف وهو صاد على الاطفال
_ مريت لياسين وخطرتي ببالي.

رفعت حواجبي بستهزاء وحچيت
_ لياسين وخطرت ببالك لا ترى أستغربت حييل.

هز راسة وشابك أصابيعة ببعض أردف
_ حمد الله على السلامة و نار ياسين المصغر أني سامع الزوجة اذا تحب زوجها تطلع علية خلفتهم والضاهر أنتِ تعشقي..

شميت نارو وبوستها وحچيت
_اي كلششش شعبالك لعد غير أبو نارو.

ضحك بهدوء وگال
_ هاشميات سألت عنچ وتريد تشوف نار.

رفعت حواجبي بحركة سريعة وحچيت
_سمها نارفين للعلم.

رد بتذمر.
_وأزيدچ معنا القدر و ياسين سماها خاف تتوقعين ما أعرف.

رديت
_لا شلون غير أبوها صديقك.

گام وگف وکال
_ عن أذنچ زوجة أخوي صار لازم اروح وإن شاء الله الايام الجاية شوفاتنة أكثر.

سرور: على راحتك.

تحمحم وحچة بهدوء
_محتاج رقمچ ام نارو

أبتسم وحچيت
_قصدك نارفين.

انطيتة كارت أخذة وأشر بي وراح..

ما زيدت الموضوع أهمية ورجعت للشقة ولا كأنو صاثر شيء.
ثاني يوم داومت ومر أسبوع أداوم وبيوم الثامن أتصلت علية السكرتيرة گالت أكو رجل من طرف أبو نارفين وما قبل يگول أسمة وهو ناطي علم بجيتة.

طلبت منها تدخلة وأنتضرتة يدخل.

ارتاكيت على الكرسي وندك الباب دخل نفس ما توقعت وحچة بهدوء
_فرصة ثانية لقائي بيچ.

هزيت راسي ودخل سلمت علية وحچيت
_تفضل بس بشنو أفيدك.

گعد وحط رجل على رجل وحچة
_محامية وما ينفع وياها الخسارة.

ضحكت وحچيت
_اوو أول مرة أعرف للصراحة.

أبتسم بطرف شفتة وگال
_ لحمد الله من عرفتي لعد..

تحمحم وأردف بهدوء
_ أختصر المقدمات وأگلچ جيتي إلچ مو خالية أريدچ تتوكلين قضيتي وترافعين بيها.