تحضى نار قلبي

الحلقة:السادس والثلاثون

تحضى نـار قلبي
حلقة السادس والثلاثون

أتمنة منچن فيروزاتي تتفاعلون على الفقرات واليوم دللتكم بالحلقة طويلة 🙊

ليرحل من يشاء فالله لا يبعد إلا السيئين...
.
.
.
...
طلعت قميص لنصف الساق وبنطلون كابوي.
خليت مكياج كلش خفيف بس زودت بالمسكارة والكحل الاسود.
رشيت عطر و إلي هو نفس عطر ياسين لان هوَ وخالي يستخدمون نفس العطر بس ياسين يضيف نوع ثاني وياه.
بعدها أخذت حذاء كعب أرتديتة وطلعت بيدي الجنطة.

دخلت للصالة واگف يقفل بـ أزرار القميص.
حس بوجودي صد علية عاقد حواجبة تقرب علية وصل قريب مني رمقني بنضرة غريبة وتجاهلني داخل لغرفة خالي.

هزيت أيدي وگعدت أنتضرة.
خلصت النص ساعة و ياسين بعدة بالغرفة.
زفرت نفسي بقوة ومددت رجلية على القنفة

هستوني ارتاكيت طلع وگال
_يلا گومي.

غمضت عيوني وگمت وگفت
ركز علية وأردف

_أنطيچ معلومة عمامي بالنجف وماعدهم سفور.

گلبت عيوني وحچيت
_اني هيچ انت قبلت بية هيچ ممجبور ترة.

ياسين: يا ساعة السودة الي تزوجتج بيها مصختيها سرور اول شيء حرام أصلاً ما لابسة حجاب لان أعتقد أنتُ واعية وتعرفين الحلال والشغلة الثانية أنتِ رايحة للنجف

يعني سفور عمامچ ماموجود عند عمامي.
حاولي اتعبين على علاقتنة كافي عاد تعبتيني وطلعتيني من طوري.

سرور: يعني شنو إلي أفهمة منك؟ ترى مليت من سوالفك أختصرها النة.

ركز بعيوني للحضات وأردف بهدوء
_هل علاقة فاشلة لان بس اني أحاول أتمسك بيها
أنتِ ولا كأنو يمج أني وعلى أقل حچاية تطلعيني كو..

أختصرها النة ثنينة وهل شيء أريح لان جزعت من تصرفاتچ أنت لو تموتين ما تكونين عائلة دام عقلچ يفكر بالانتقام.

سكت وضغط على عيونة

أبتلعت ريگي وحچيت بهدوء
_كمل ياسين..

بعد أيدة وضحك بستهزاء وحچة مركز علية
_ سرور ما أتحمل فشل هل علاقة أريد أطلگ وكلمن بينة يروح بحال سبيلة..

حضنت اديني و رفعت حواجبي وحچيت بهدوء
_و هسة تتوقع مني أگلك نبدي صفحة جديدة او حتى لا تطلگني ما أگدر أعيش من دونك!!

بس أحب اگلك يا ياسين أنتَ بديت هل علاقة وحاوات تجبرني على الزواج وما گلت باطل مشيت وياك لحد الباب

بس هسة أختلف الوضع
لان ما تنتهي علاقتنة بهل سهولة.
شوكت ما أحس الوقت المناسب حتى نتطلك ذاك الوقت أگلك يا أبن الناس تعال طلگ والله ومحمد وياك.