تحضى نار قلبي

حلقة:الخامسة

تحضى نـار قلبي
حلقة: الخامسة.
.
.
.
.
.
.
. سألني إحدهم من انت؟
أجبتة: أنا للحب فداء ..
...

_ وين عايشة وتجبريني؟؟
عوفي هل سالفة من اصلها لان ما موافق عليها.

سرور: اي مو هي بكيفك.
عساف تعبتني انت اختار لو هسة احجي
لـ امك واختك وياسة
لو تزوجني بهل اسبوع.

عساف : تخبلتي تجبريني مثل؟؟

سرور: للاسف اي انت مخير..
لو بغير هل وقت كان كل شي بختلف بس هل وقت مجبر.

ركزت بوجها ابد مو نفس قبل شكلها باهت وجوة عيونها سواد
وذبلانة لدرجة يرثى لها ابد مو سرور الي شفتها قبل..
بستثناء جدحة عيونها لي مانطفت.

قاطع تركيزي ايدها الي نحطت على ايدي..

صديت على ايدها ندهشت.
نقاط سود على زرك بيها والاوردة لونهن على سواد.

بالاحرى ايدها مرعبة لدرجة مو طبيعية..

ابتلعت ريگي حجيت
_شبيها ايدج؟؟

ركزت بوجهي و نزلت دمعتها..
سرعان ما مسحتها وحجت

_ما اعتقد يخصك.
المهم عساف من الاخير گول موافق لو اروح لـ بيتك.

ركزت عليها وحجيت
_اني حالف ما ادخل زوجة الي يم امي دام تشم الهوا.

ردت
_كلش عادي حالف ما تدخلها لبيتك يم امك مو تزوج.

رفعت حاجبي وحجيت
_يعني؟

ابتسمت بمكر وحجت.
_اهلك يعرفون ما يعرفن هل شي ما يهمني.

عدلت گعدتي وحجيت
_مفهمت؟

گلبت عيونها بملل حجت
_المهم عندي عمامي واقاربي بسكل عام اهلك واقاربك عرفو او لا ما يخلون شي بجيبي.
وانما اهلي لا اختلف.

المهم ما يحتاج تكول لـ اهلك انت متزوج دام انت حالف.

نهت كلامها بستهزاء.

اندهشت من كلامها وين اكو وحدة تقبل هيج زواج؟!

عساف:_ قصدج اتزوجج بالسر يعني؟!

هزت راسها بقبول واردفت
_بالضبط.

ضحكت وحجيت
_ عليج الله شبيج باباتي وين اكو مرة تقبل تزوج بالسر على گولت الي يگول سكيتي؟

ردت
_لا تسويها شكبرها.
انت اهلك لا يعرفون بس اهلي يعرفون.
ومنو گال اسوي سكيتي شبية ناقصني ايد رجل

يعمري انت اسوي احسن وارقة عرس بكل بغداد واكيد على حسابك.
المهم مو هذا موضوعنة.

لازم لازم هل اسبوع يتم كل شي من عقد مؤمن ومحكمة.
وعلى الاسبوع الثاني للعرس.

عساف_مخططة لكل شي؟

سرور_ يومي المميز كيف ما اخطط.
وللعلم يحلو حتى البدلة حاجزتها.