تحضى نار قلبي

حلقة الواحد والخمسون

تحضى نـار قلبي
الواحـد والخمسون
...

سألوني ذات يوم من الأيام من هيَ مهيمة قلبك
فا أجبتهم
كهـربي الممـيت
.....

رفع حاجبة وگرص أيدي بقوة صحت علية ودفعتة حچيت
_شبيك أيديي

ضحك بستهزاء وگال
_ما بية شيء ليش؟
هيچ كاتل نفسي عليچ.

فرگت أيدي بقوة وحچيت
_مو غريبة عليك أذكرك لو ناسي قبل فترة شسويت هاا؟

عقد حواجبة وگال
_ليش شسويت!؟

رديت بعصبية
_ها نسيت مو هيچ صار الحچي؟
أبوية آلي جرح رگبتي بالسلسلة
وصدك وينها!؟

صفن و أبتسم بوجهي هز راسة وگال
_موجودة بالحفظ والصون.

رفعت حواجبي وحچيت
_لا حفظ ولا صون أريدها.

حضن أدينة وحچة بهدوء
_ يعني تردين تشوفيها هسة!؟

رديت
_اي طبعاً غير إلي.

رفع ردان التيشيرت وضهرت السلسلة بزندة محتضنة عضلة أيدة..

رمشت أكثر من مرة وحچيت
_ليش گاطعها هيچ!؟

قوس شفايفة وگال
_ هيچ يعجبني وحافظت عليها أكثر منچ كهربي.

بعدني على صدمتي كرص خدي وطلع من الغرفة يضحك..

گلبي دگ بسرعة وغمضت عيوني
  حضنت جسمي مرتاكة على السرير ساعة أتذكر كلامة واحقد علية وساعة أبتسم..

زفرن نفسي وحچيت بگلبي
ليشش يا رب العالمين ساعة عسل على گلبي وساعة ملح مفصفص ماينهضم..

كلامة  يدل على شيء وأفعالة شيء ثاني
أحس عندة أنفصام بالشخصية ساعاتة براحاتة..

رجعت أتخيل شلون حاط السلسة بزنة يربي هذة ناوي يصعد السكر فد مرة
بس متأكدة سمعتة گالي كهربي
اي والله گال كهربي بدل كهرب يعني ياء التملك
  وهل شيء معناة يتملكني
اي اي والله هيچ قصدةة...

ما أعرف شلون  خلص الليل أحس روحي  عايشة بغير مكان واحساس الفرح بگلبي..

خلصن الأيام  بسهولة  وشالع گلبي كل يوم برأي وتصرفات مختلفة
ساعة أحسَ يحبني وساعة أحسَ يريد يقتلنـي
الحقـد والكره بلسانة
والحب والحـرب والضياع بعيونة.
بس رغم هذة عندة حنية مو طبيعية.

قبل مرافعتي بقضة زوجتة بفترة چنت گاعدة  بالصالة  وبيدي الجهاز نزلت فيديو لأغنية برافو عليك أستاذي.
ضحكت ونشرتة متقصدة لان واثقة من بنيامين يرد علية.
رجعت شغلت الاغنية وأغني وياها
تريد تروح بي بي بي باي
مااحجي كلشي وماكول
انت تحبني هاهاهاي
انت تحبني مو معقول
عفية بطل سب سب سبع
انت لعبت بحالي
محد شاف دم دم دمع
نزلت دمعي الغالي
برافو عليك استاذي
انت بشر مو عادي
اتنقص الجم جم جمع
وتخلي الاول تالي
خلي تشوف هاي الناس
اني شكد منك مجروح
حبك شلته فوك الراس
وانت هسه تريد تروح
نادم صدك اكبر ندم